KubaseFiliphi 1:20 - Siswati 1996 Bible

²⁰ Ngukulangatelela nekwetsemba kwami kutsi ngibete emahloni, kepha ngibe nesibindzi, njengobe bengivele nginaso ngaso sonkhe sikhatsi, kutsi Khristu entiwe abe mkhulu emphilweni yami, nome kwenteka ngemphilo yami nome kwenteka ngekufa kwami.

KubaseFiliphi 1:20 Referencias Cruzadas

Tihlabelelo 119:116

Ngisimise ngelivi lakho, kuze ngiphile, ungangijabhisi ngelitsemba lami.

Tihlabelelo 119:80

Shangatsi inhlitiyo yami ingagcina timiso takho, kuze ngingehlelwa ngemahloni, ngihlazeke.

Tihlabelelo 25:2

Nkulunkulu wami, ngetsembele kuwe, ngisindzise ehlazweni lekwehlulwa. Titsa tami tingatijabulisi ngami.

Tihlabelelo 62:5

Mphefumulo wami, thula kuNkulunkulu, ngobe litsemba lami livela kuye.

Taga 10:28

Lokujabulisa bantfu labalungile nguloko labakwetsembako; kodvwa litsemba lalababi liyanyamalala.

Taga 23:18

ngobe likusasa lakho liyawuba nekuciniseka nemphumelelo.

Isaya 45:17

Kodvwa Israyeli uyawusindziswa nguSimakadze ngensindziso yaphakadze; ningeke nidliwe ngemahloni nome nihlazeke phakadze naphakadze.

Isaya 50:7

Ngobe iNkhosi Simakadze iyangisita, ngingeke ngihlazeke, ngijabhiswe. Ngaloko-ke sengacinisa buso bami, baze baba njengelitje lemlilo, futsi ngiyati kutsi ngeke ngihlazeke, ngijabhe.

Isaya 54:4

“Ungesabi, ungeke ube nemahloni. Ungakwesabi kuhlazeka, ngeke wehliswe. Utalikhohlwa lihlazo lebusha bakho, ungaphindzi uwakhumbule emahloni ebufelokati bakho.

Johane 21:19

Loko wakusho akhombisa kufa Phetro labetawudvumisa Nkulunkulu ngako. Emvakwaloko Jesu watsi kuye: “Ngilandzele!”

Imisebenti yebaPhostoli 20:24

Kepha ngikhandza kutsi imphilo yami ayisho lutfo kimi, nangabe nje ngingaphumisela indzima yami ngicedze nemsebenti lengawunikwa yiNkhosi Jesu, wekutsi ngifakaze ngeliVangeli lemusa waNkulunkulu.

Imisebenti yebaPhostoli 21:13

Kodvwa waphendvula watsi: “Nikhalelani kanjena nize ningidzabukise enhlitiyweni? Angikalindzeli kuphela kutsi ngiboshwe eJerusalema kepha ngilungele nekutsi ngife ngenca yeNkhosi Jesu.”

Imisebenti yebaPhostoli 4:31

Nabacedza kuthandaza, lendzawo babehlangene kuyo yatanyatanyiswa. Bonkhe bagcwaliswa ngaMoya Longcwele, bacala bakhuluma livi laNkulunkulu ngesibindzi.

KubaseRoma 12:1

Ngako-ke, bazalwane, njengobe Nkulunkulu ube nesihawu lesikhulu kangaka kitsi, ngiyanincenga ngitsi nikelani imitimba yenu ibe ngumnikelo lophilako, nalongcwele, nalowemukeleka kuNkulunkulu; leyo-ke nguyona nkonzo yenu sibili.

KubaseRoma 5:5

Litsemba alijabhisi, ngobe lutsandvo lwaNkulunkulu selutselwe etinhlitiyweni tetfu ngaMoya Longcwele, lesinikwe yena.

KubaseRoma 6:13

Futsi akusafanele kutsi ninikele titfo tenu esonweni tibe tikhali tekungalungi; kodvwa tinikeleni nine matfupha kuNkulunkulu njengobe ningulabavuswe ekufeni base bayaphila. Ngako-ke titfo tenu tinikeleni tibe tikhali tekulunga kuNkulunkulu.

KubaseRoma 6:19

Ase ngikhulumise kwemuntfu ngenca yebutsakatsaka bebuntfu benu, ngitsi: Njengaloku nake natinikela ngalokuphelele kutsi nibe tigcili temanyala nekukhohlakala lokukhulu, kanjalo-ke namanje tinikeleni kutsi nibe tigcili tekulunga kube kungcweliswa kwenu.

KubaseRoma 8:19

Indalo yonkhe ilindzele ngekulangatelela lokukhulu kutsi Nkulunkulu embule emadvodzana akhe.

KubaseRoma 9:33

njengobe kubhaliwe kutsi: “Bheka, ngibeka eSiyoni litje lekukhubekisa nelidvwala lekuwisa; kepha lowo lokholwa kuye, angeke ajabhiswe.”

1 kubaseKorinthe 15:31

Bazalwane, ngekubongwa lenginako ngani kuKhristu Jesu iNkhosi yetfu ngiyacinisa kutsi: Ngifa mihla yonkhe le!

1 kubaseKorinthe 6:20

natsengwa ngelinani lelikhulu. Ngako-ke mdvumiseni Nkulunkulu emitimbeni yenu.

1 kubaseKorinthe 7:34

iminako yakhe yehlukene ekhatsi. Nalongakendzi nome intfombi ikhutsalela kweNkhosi, kuze ibe ngcwele emtimbeni nasemoyeni. Kepha lowendzile ukhutsalela kwemhlaba, kutsi angayijabulisa ngani indvodza yakhe.

2 kubaseKorinthe 10:8

Mhlawumbe ngitigabatisa kakhulu ngalamandla neligunya lami lenganikwa lona nguNkulunkulu, kutsi nginakhe nginganibulali. Kodvwa ngite emahloni ngaloko.

2 kubaseKorinthe 3:12

Ngulelo litsemba letfu, ngiko nje sikhuluma ngesibindzi.

2 kubaseKorinthe 4:10

Solomane setfwala njalo emitimbeni yetfu kufa kwaJesu, kuze kutsi nekuphila kwakhe kubonakaliswe emitimbeni yetfu.

2 kubaseKorinthe 5:15

Wabafela bonkhe, kuze kutsi bonkhe labo labafela bangabe basatiphilela, kodvwa baphilele yena lowabafela waphindze wavuselwa bona.

2 kubaseKorinthe 7:14

Kube benginidvumisile kuye, ngabe anikangijabhisi. Kute lesakukhuluma kini ngaphandle kweliciniso, nekunidvumisa kwetfu kuThithusi kwatfolakala kuliciniso.

2 kubaseKorinthe 7:4

Nginesibindzi lesikhulu kini; ngitigcabha kakhulu ngani. Kuko konkhe lokuhlupheka kwetfu ngiva nginendvudvuto, nenjabulo yami iyaphuphuma.

KubaseFiliphi 1:14

Ngekuboshwa kwami linyenti lebazalwane litfole sibindzi lesikhulu eNkhosini sekukhuluma livi laNkulunkulu ngekungesabi.

KubaseFiliphi 2:17

Kukholwa kwenu kungumhlatjelo wenu lonikelwa kuNkulunkulu. Nome ingati yami beyingengetwa kuwo lomhlatjelo, mine bengingajabula, sijabule kanye nani nonkhe.

KubaseKholose 1:24

Namanje ngijabulela kuhlushwa kwami ngenca yenu, emtimbeni wami ngiphelelisela loko lokwasilela elusizini lwaJesu Khristu, ngenca yemtimba wakhe lolibandla.

1 kubaseThesalonika 5:23

Shangatsi Nkulunkulu wekuthula anganingcwelisa ngalokuphelele, agcine umoya wenu, nemphefumulo wenu, nemtimba wenu, kungabi nasici ekubuyeni kweNkhosi yetfu Jesu Khristu.

1 yaPhetro 4:16

Kepha nakukhona lohlupheka ngobe angumKhristu, abobate emahloni, kodvwa akadvumise Nkulunkulu ngenca yalelo bito.

1 yaJohane 2:28

Bantfwabami, hlalani kuye, khona kutawutsi nakachamuka sibe nesibindzi sibete emahloni sinyibe kuye ekufikeni kwakhe.