Joweli 3:7 - Siswati 1996 Bible

⁷ “Bukani la, ngitabavusa kuleto tindzawo lenibatsengise kuto, ngitawubuyisela etikwetinhloko tenu loko lenikwentile.

Joweli 3:7 Referencias Cruzadas

Esta 7:10

Ngako Hamani walengiswa kuleso sigodvo bekasigawulele kulengisa Modekhayi. Kutfukutsela kwenkhosi kwabotja.

Isaya 11:12

Uyakuphakamisela tive siboniso, abutse batfunjwa baka-Israyeli; uyawuhlanganisa bantfu bakaJuda labasakatekele emagumbini omane emhlaba.

Isaya 49:12

Buka la: Bayawuchamuka khashane, labanye enyakatfo, labanye enshonalanga, labanye etigodzini taseSinimu.”

Isaya 66:6

Vanini umsindvo losedolobheni, nive nemsindvo losethempelini! Ungumsindvo waSimakadze atiphindzisela etitseni takhe ngenca yetento tato.

Jeremiya 23:8

kodvwa bayawutsi: ‘Kuphila kwaSimakadze, lowakhipha titukulwane taka-Israyeli eveni lelingasenyakatfo nakuwo onkhe emave lapho abeticoshele khona,’ tiyawube setihlala eveni lato.”

Jeremiya 30:10

“ ‘Ngako-ke ungesabi, wena Jakobe, nceku yami, ungapheli emandla, wena Israyeli,’ kusho Simakadze. ‘Ngempela ngiyawukusindzisa eveni lelikhashane, netitukulwane takho eveni lekutfunjwa kwato. Jakobe usetawubuye abe nekuthula kanye nekuvikeleka, kute namunye loyawubuye amesabise.

Jeremiya 30:16

“ ‘Kodvwa bonkhe labakushwabudzelako bayawushwabudzelwa nabo. Tonkhe titsa takho tiyawuyiswa ekutfunjweni. Labo labakuphangako nabo bayawuphangwa. Bonkhe labenta wena imphango, nami ngiyawubenta baphangwe.

Jeremiya 31:8

Buka la, ngiyawubabuyisa besuka eveni lasenyakatfo, ngibagcogce emikhawulweni yonkhe yemhlaba. Emkhatsini wabo kuyawuba netimphumphutse kanye netinchute, bafati labakhulelwe kanye nalasebaphetfwe ngumhelo; kuyawubuya sicumbi lesikhulu.

Jeremiya 32:37

Ngempela ngiyakubabutsa kuwo onkhe emave, lapho ngangibasakatela khona ngekutfukutsela kwami lokukhulu nangelulaka lwami lolwesabekako. Ngiyawubabuyisela kuyo lendzawo, ngibente bahlale kuyo bavikelekile.

Hezekeli 36:24

“ ‘Ngobe ngiyawunikhipha emkhatsini wetive, ngiyawunibutsa kuwo onkhe emave, nginibuyisele eveni lelingelenu.

Hezekeli 38:8

Emvakwemalanga lamanyenti utawubitelwa embutfweni. Kuleminyaka letako utawuhlasela live leselibuyiswe emphini, lelibantfu balo babutfwa etiveni letinyenti, bayiswa etintsabeni taka-Israyeli letase tikhala libhungane kadzenidzeni. Bakhishwe etiveni ngetive, kodvwa nyalo bonkhe sebahlala bavikelekile.

Joweli 3:4

“Pho, yini leniphambane ngayo nami, nine Thire neSidoni kanye nani nonkhe nine tifundza taseFilistiya? Kungabe nikhokha sibhongobhongo ngalengikwentile yini? Nangabe nikhokha sibhongobhongo, ngekushesha nangekuphatima kweliso, ngitawubuyisela etikwetinhloko tenu loko lenikwentile.

Zakhariya 9:13

Juda ngiyawumgoba njengobe ngigoba butjoki bami, ngibugcwalise nga-Efrayimu, kutsi abe ngumcibisholo wami. Awu Siyoni, ngiyawukuvusela emadvodzana akho emelane nemadvodzana akho, Grisi, sive sami ngisente inkemba yelichawe.

Matewu 7:2

Ngobe ngaloko kwehlulela lenehlulela ngako labanye, nani niyakwehlulelwa ngako; nangaleso silinganiso lenilinganisa ngaso, nani niyakulinganiswa ngaso.

2 kubaseThesalonika 1:6

Ngempela Nkulunkulu wehlulela kahle ngekubuyisela kuhlupheka kulabo labanihluphako,

YaJakobe 2:13

Ngobe kwehlulela akunabo bubele kulowo longenabo bubele; kodvwa bubele buyawucoloshela kwehlulela.

Sembulo 13:10

Nakukhona lofanele kutfunjwa, akatfunjwe; nakukhona lofanele kubulawa ngenkemba, akabulawe ngayo. Loku kubita kucinisela nekukholwa kwalabangcwele.

Sembulo 16:6

Bantfu bacitse ingati yalabangcwele, neyebaphrofethi, ngako sewubanike ingati kutsi bayinatse. Kubafanele loko!”

Sembulo 19:2

ngobe tehlulelo takhe tiliciniso timsulwa. Sewuyehlulele lengwadla lenkhulu leyabhubhisa umhlaba wonkhe ngebugwadla bayo; wakhiphela kuyo sibhongo sengati yetinceku takhe.”

Tikhulu 1:7

Adoni Bhezeki wakhuluma watsi: “Emakhosi langema-70 labejutjwe titfupha tawo kanye naboqukulu bawo abevame kubutsa timvutfuluka ngaphansi kwelitafula lami. Nyalo Nkulunkulu sewungibuyisele ngaloko lengakwenta kubo.” Beta naye eJerusalema, wafike wafela lapho.

1 Samuweli 15:33

Kodvwa Samuweli wakhuluma kuye, watsi: “Njengobe inkemba yakho yacotfula bantfwana bebafati, kanjalo nenyoko naye utakwentiwa angabi naye umntfwana emkhatsini webafati.” Samuweli wahlahlela Agagi embikwaSimakadze eGilgali.