Joweli 3:2 - Siswati 1996 Bible

² ngiyawubutsa tonkhe tive ngitehlisele eSigodzini sakaJehoshafati. Lapho-ke ngulapho ngiyawutehlulela khona ngenca yelifa lami, sive sami saka-Israyeli, ngobe tasakata sive sami, tasifaka kuto tonkhe tive, talidzabudzabula live lami.

Joweli 3:2 Referencias Cruzadas

2 Tikhronike 20:26

Ngelilanga lesine bahlanganela eSihosheni saseBherakha, lapho badvumisa khona Simakadze. Nguko nje lendzawo yabeseyibitwa ngekutsi Sihosha saseBherakha kuze kube ngulamuhla.

Isaya 66:16

Ngobe uyakwehlulela bonkhe bantfu ngemlilo nangenkemba; labo lababulewe nguSimakadze bayawuba banyenti.

Isaya 66:18

“Mine-ke, ngenca yetento tabo nangemicabango yabo, sekusondzele kutsi ngite ngibutsele ndzawonye tonkhe tive netilwimi, khona tiyakuta tibone bukhosi bami.

Jeremiya 12:14

Naku-ke lokushiwo nguSimakadze, utsi: “Bonkhe labomakhelwane bami labakhohlakele labatsatsa ngendlovuyangena lifa lami lengalipha sive sami, ema-Israyeli, ngitabazuphuna kulamave abo, ngiphindze ngizuphune nendlu yakaJuda emkhatsini wabo.

Jeremiya 25:31

Sidvumo siyawuhokoma sivakale nasemikhawulweni yemhlaba, ngobe Simakadze tive uyawutibeka emacala, uyakwehlulela bonkhe bantfu, lababi abalalise phansi ngenkemba,’ ” kusho Simakadze.

Jeremiya 49:1

Macondzana nema-Amoni: Naku lokushiwo nguSimakadze, utsi: “Israyeli akanamadvodzana yini? Ute yini tindlalifa? Kepha kwentiwa yini kutsi Moloki atsatse Gadi amente wakhe? Kwentiwa yini kutsi bantfu bakhe bahlale emadolobheni akhe?”

Jeremiya 50:17

“Israyeli unjengemhlambi wetimvu letisakatekile ticoshwe ngemabhubesi. Lekucala lelamudla kwaba yinkhosi yase-Asiriya; lekugcina lelabhoba ematsambo akhe, kwaba nguNebukhadnezari, inkhosi yaseBhabhulona.”

Hezekeli 25:8

“Naku lokushiwo yiNkhosi Simakadze, itsi: ‘Njengobe boMowabi naSeyiri batsi: “Ase nibuke indlu yakaJuda seyigucuke yafanana nato tonkhe letinye tive,”

Hezekeli 34:6

Timvu tami tazulazula kuto tonkhe tintsaba nakuwo onkhe emagcuma laphakeme. Tasakateka kuwo wonkhe umhlaba, kwabate lotifunako nalotelusako.

Hezekeli 35:10

“ ‘Njengobe ukhulume watsi: “Letive letimbili nalamave lamabili kutawuba kwetfu, futsi siyawukutsatsa kube kwetfu,” lite nome mine Simakadze bengikhona lapho,

Hezekeli 36:1

“Ndvodzana yemuntfu, phrofetha kuto tintsaba taka-Israyeli, utsi: ‘Awu nine, tintsaba taka-Israyeli, vanini livi laSimakadze.

Hezekeli 36:5

“ ‘Naku lokushiwo yiNkhosi Simakadze, itsi: Ngentfukutselo yami levutsako ngikhulume ngemelana nato tonkhe tive letisele, kanye nalo lonkhe laka-Edomu, ngobe batsatsa live lami balenta labo ngekujabula, nangenhlitiyo lembi, bentela kuphanga emadlelo alo.’

Hezekeli 38:22

Ngiyawukhipha sigwebo sesifo lesibulalanako nesekucitseka kwengati; ngiyakwehlisela sihhuhhula semvula lenesangcotfo nesibabule lesivutsako etikwakhe nasetikwemabutfo akhe, nasetikwetive letinyenti letikanye naye.

Hezekeli 39:11

“ ‘Ngalelo langa ngiyawuniketa Gogi indzawo yekungcwatjwa ka-Israyeli, esigodzini salabo labahamba besuka emphumalanga babheke ngaselwandle. Lendzawo iyawuvimba indlela yetihambi, ngobe Gogi kanye nalo lonkhe lolucucaba lwakhe bayawungcwatjwa lapho. Ngako-ke seyiyawubitwa ngekutsi sigodzi sakaHamona Gogi.

Joweli 3:12

“Tive ativuswe tehlele eSigodzini sakaJehoshafati, ngobe lapho ngulapho ngitawuhlala khona ngitekwehlulela tonkhe tive letikuleyo ndzawo.

Joweli 3:14

Ticumbi ngeticumbi esigodzini sekwehlulela! Ngobe lilanga laSimakadze selisondzele esigodzini sekwehlulela!

Amose 1:11

Naku lokushiwo nguSimakadze, utsi: “Bantfu baka-Edomu bone kwaze kwengca, ngaleso sizatfu ngingeke ngihlale ngingabajezisi. Bacosha bomnakabo ngenkemba balahla sihawu, intfukutselo yabo yabhebhetseka kokuphela, yebo, nekutfukutsela kwabo kwakungasekhuteki.

Mikha 4:12

Kodvwa letive atati kutsi yini lesengcondvweni yaSimakadze. Atiwacondzi emasu akhe, futsi atiboni nekutsi tibutselwe ndzawonye, khona titewujeziswa kahle, tibhujiswe njengekubhulwa kwemabele labutselwe ndzawonye, abutsaniselwa kubhulwa.

Zefaniya 3:8

Simakadze utsi: “Ngako-ke ngimeleni, ngalelo langa ngiyawuma ngifakaze. Ngincume kuhlanganisa tive, ngibutsele ndzawonye imibuso, bese ngitfululela lulaka lwami etikwato, yonkhe intfukutselo yami leyesabekako. Umhlaba wonkhe uyawubhujiswa ngemlilo wekukhweleta kwentfukutselo yami.

Sembulo 11:18

Tive tatfukutsela, kepha kwefika lulaka lwakho kanye nesikhatsi sekwehlulelwa kwalabafile. Kwefika nekuniketwa imivuzo etisebentini takho, nakubaphrofethi kanye nakulabangcwele, nakulabo labesaba libito lakho, kulabakhulu nakulabancane. Kwefika nekubhujiswa kwebabhubhisi bemhlaba.”

Sembulo 16:14

Bekungimimoya yemadimoni, lanemandla ekwenta tibonakaliso. Beyiphumele kuyawuhlanganisa emakhosi emhlaba wonkhe, iwalungiselela imphi yelilanga lelikhulu laNkulunkulu, Somandla.

Sembulo 16:16

Lemimoya yabutsela ndzawonye emakhosi endzaweni lekutsiwa yi-Amagedoni ngesiHebheru.

Sembulo 16:6

Bantfu bacitse ingati yalabangcwele, neyebaphrofethi, ngako sewubanike ingati kutsi bayinatse. Kubafanele loko!”

Sembulo 20:8

Uyawutsi nasaphumile ahambe ayewudukisa boGogi naMagogi, tive letisemagunjini omane emhlaba, kutsi atihlanganisele imphi. Letinye tingangesihlabatsi saselwandle.