Joweli 3:18 - Siswati 1996 Bible

¹⁸ “Ngalelo langa tintsaba tiyawuntfontsa liwayini lelisha, kutsi emagcuma agelete lubisi, tihosha takaJuda tigijime emanti. Umtfombo uyawugeleta uphume endlini yaSimakadze unisele Sigodzi Semigamba.

Joweli 3:18 Referencias Cruzadas

Jobe 29:6

lapho indlela yami isacwile elulateni, nelidvwala lisatfululela kimi imifula yemafutsa emncumo!

Tihlabelelo 46:4

Kukhona umfula lonemifudlana lejabulisa labo labasekhaya laNkulunkulu, endlini lengcwele yaLosetikwako Konkhe.

Eksodusi 3:8

Ngako-ke sengehlile kutebakhulula esandleni semaGibhithe nekubakhipha eveni laseGibhithe, ngibayise eveni lelibanti nalelivundzile, lelinelubisi neluju lwetinyosi. Lelive liyindzawo yemaKhenani, nemaHethi, nema-Amori, nemaPheresi, nemaHivi, nemaJebhusi.

Isaya 30:25

Ngalelo langa lekuhlaba lokukhulu, ngesikhatsi nakuwa imibhoshongo, imifudlana yemanti iyawugobhota kuto tonkhe tintsaba letiphakeme, nakuwo onkhe emagcuma lamadze.

Isaya 35:6

Labachutako bayawusuka emagonso njengenyamatane, nelulwimi lwesimungulu luyawumemeta ngenjabulo. Emanti ayawugeleta ehlane, kube nemifudlana elugwadvule.

Isaya 44:3

Ngobe ngiyawutfululela emanti eveni lelomile, nemifula emhlabatsini lowomile; ngiyawutfululela Moya wami kubantfwana bakho, nesibusiso sami etitukulwaneni takho.

Isaya 45:8

“Nisani kulunga, nine mazulu lasetulu; emafu akakutfululele phansi. Umhlaba awuvuleke kabanti, insindziso ayihlume, kulunga akukhule nayo; mine, Simakadze, ngikudalile.

Isaya 55:1

“Wotani, nonkhe nine lenomile, wotani emantini; nani nine lenite imali, sondzelani, nitsenge nidle! Wotani, nitsenge liwayini nelubisi ngaphandle kwemali nangaphandle kwetindleko.

Isaya 66:11

Ngobe niyawumunya kuyo, neneliswe ngemabele ayo ladvudvutako; niyawunatsa neneliseke, nitijabulise ngenala yayo lenkhulu.”

Jeremiya 31:12

Bayawufika bamemete ngenjabulo eticongweni tentsaba yaseSiyoni; bayawutfokota ngekwephana kwaSimakadze: lokusatinhlavu, neliwayini lelisha, nemafutsa, nemazinyane emihlambi yetimvu netimbuti, nemankhonyane emihlambi yetinkhomo. Bayawufanana nengadze leniselwa kahle, bangeke baphindze babe lusizi.

Mikha 6:5

Sive sami, khumbulani inkhosi Bhalaki waseMowabi kutsi abefuna kwentani kini; nikhumbule nekutsi Bhalamu, umsa waBheyori, wamphendvula kanjani. Khumbulani konkhe lokwanehlela endleleni nisuka emathendeni aseShithimu niya eGilgali. Khumbulani yonkhe imisebenti yaSimakadze, khona-ke nitabe seniyabona kutsi ngatihlupha kanganani kuze nginisindzise.”

Zakhariya 14:8

Ngalelo langa emanti laphilako ayawugeleta aphuma eJerusalema, incenye yawo igeletele elwandle lolungasemphumalanga, kutsi incenye yawo igeletele elwandle lolungasenshonalanga, busika nehlobo.

Numeri 25:1

Ngesikhatsi sive sema-Israyeli siseseShithimu, emadvodza acala kungenela kulalana nalabasikati besive semaMowabi.