Joweli 2:30 - Siswati 1996 Bible

³⁰ Ngiyakwenta timangaliso emazulwini nasemhlabeni: ingati, nemlilo, nekushunca kwentfutfu.

Joweli 2:30 Referencias Cruzadas

Genesisi 19:28

Wabuka entansi ngaseSodoma neGomora, ematsafeni angakhona. Wabona intfutfu yalelo live yenyuka njengemusi wenkhehlewane yemlilo.

Ingoma Yetingoma 3:6

Ngubani loya lokhuphuka achamuka ehlane, lofanana nensika yentfutfu, lotsaphuka emakha emure newemphepho leyakhiwe ngato tonkhe tinongo temhwebi?

Jeremiya 4:28

Ngako-ke umhlaba utawulila, nemazulu ngetulu agucuke abe mnyama, ngobe sengikhulumile, futsi ngingeke ngibuye ngigucuke, sengincumile, futsi ngingeke ngijike.”

Zakhariya 14:6

Ngalelo langa kuyawubate kukhanya, nekucandza, nesitfwatfwa.

Matewu 24:29

“Kepha masinyane nje emvakwaleto tinhlupheko, “ ‘lilanga liyawufiphala, nenyanga iyawubate kukhanya, netinkhanyeti tidzilike esibhakabhakeni, nemandla emkhatsi ayawunyakatiswa.’

Lukha 21:11

Kuyawuba nekutamatama kwemhlaba lokwesabekako lokunyenti, kuvame indlala netifo letingelapheki naletitsatselwanako etindzaweni letinyenti, kube netesabekiso netibonakaliso letikhulu letivela esibhakabhakeni.

Joshuwa 8:20

Lamadvodza ase-Ayi atsi abuka emuva kwawo, abona kubhunya lenkhulu intfutfu lefika esibhakabhakeni, sekusha lidolobha lawo; nawo akazange abe nelitfuba lekuphunyula abalekele nome ngukuphi, ngobe lamabutfo aJoshuwa abebaleka acondze ngasehlane, abese ayawagucukela abhekana nawo awahlasela.

Sembulo 18:18

Bakhala nababona iphakama lentfutfu yekusha kwalelidolobha batsi: ‘Kute lidolobha lelikhulu lelase laba ngangalo!’

Sembulo 18:9

“Emakhosi emhlaba labephinga nayo atamase nayo ayawukhala alile kamatima ngayo, nasabona intfutfu yekusha kwayo.

Sembulo 8:7

Ingilosi yekucala yalishaya licilongo layo, kwase kulandzela sangcotfo nemlilo kuhlangene nengati lokwawela emhlabeni; incenye yesitsatfu yemhlaba yasha yaphela, nencenye yesitsatfu yetihlahla yasha yaphela, kanye netjani bonkhe lobuluhlata basha baphela.

Tikhulu 20:38

Lamadvodza aka-Israyeli abelungise nalawa labebhacile kutsi kufanele esuse lenkhulu imbutfuma yelifu lelimnyama lentfutfu kulelidolobha,

Tikhulu 20:40

Kodvwa kwatsi kube kucale kukhuphuka lelifu lelimnyama lentfutfu lena emuva edolobheni labo, bakaBhenjamini batsi bayagucuka babona lelifu lentfutfu yalo lonkhe lidolobha ikhuphuka itsintsa sibhakabhaka.