Joweli 2:23 - Siswati 1996 Bible

²³ Jabulani, nine sive saseSiyoni, tfokotani kuSimakadze Nkulunkulu wenu, ngobe sewuniphe umfundzisi wekulunga. Unitfumela imvula lenyenti, imvula yasekwindla neyasentfwasahlobo njengakucala.

Joweli 2:23 Referencias Cruzadas

1 Emakhosi 8:36

wena ubobe sewuyeva usezulwini lakho utsetselele sono setinceku takho, sive sakho, ema-Israyeli. Bafundzise indlela lelungile yekuphila, bese wehlisela imvula eveni labo, lowabapha lona bantfu bakho kutsi libe lifa labo.

Jobe 33:23

“Kantsi kube bekungaba nengilosi leme ngakuye lengumlamuleli, yinye nje enkhulungwaneni, letabotjela umuntfu kutsi yini lokubi nalokuhle,

Jobe 37:13

Wehlisa emafu, khona atewujezisa bantfu, nome atewunisela umhlaba wakhe, akhombise lutsandvo lwakhe.

Tihlabelelo 104:34

Shangatsi kuzindla kwami kungamjabulisa, ngiyawutfokota kuSimakadze.

Tihlabelelo 147:8

Yena losibekela sibhakabhaka ngemafu, alungisele umhlaba imvula, ahlumise tjani etintsabeni.

Tihlabelelo 149:2

Israyeli akajabule ngenca yeMdali wakhe, bantfu beSiyoni batfokote ngeNkhosi yabo.

Tihlabelelo 28:7

Simakadze ungemandla ami nesihlangu sami, inhlitiyo yami yetsembele kuye. Wangisita, ngako inhlitiyo yami igcunyagcunyiswa yinjabulo. Ngiyawumbonga ngengoma yami.

Tihlabelelo 32:11

Jabulani kuSimakadze, netsabe, nine lenilungile. Nijabule nonkhe nine lenicotfo ngenhlitiyo.

Tihlabelelo 84:6

Bayawutsi nome bahamba eSigodzini Lesomile, kubo sibe yindzawo lechume tiyalu, netimvula tekucala timbonye tibusiso.

Taga 16:15

Inkhosi nayimoyitela, kusho imphilo lenhle; sisa sayo sinjengemafu emvula yasehlobo.

Isaya 30:21

Nome nijikela ngesekudla nome ngesancele, tindlebe tenu tiyakuva livi emvakwenu litsi: “Nansi indlela, hambani ngayo.”

Isaya 30:23

Utawubuye anitfumelele imvula ngenca yenhlanyelo yenu leseniyihlanyele phansi emhlabatsini, kudla lokuphuma emhlabatsini kutawunona, futsi kube kunyenti. Ngalelo langa tinkhomo tenu tiyawukudla emadlelweni labanti nalaluhlata.

Isaya 41:16

Uyakuwela, umoya uwakhetse, sivunguvungu siyakuwaphephula. Kodvwa wena uyawujabula ngaSimakadze, utibonge ngaLongcwele waka-Israyeli.

Isaya 61:10

Ngiyajabula kakhulu ngaSimakadze; umphefumulo wami uyajabula ngaNkulunkulu wami. Ngobe ungembatsise ngetingubo tensindziso, wangihlobisa ngemjiva wekulunga, njengemyeni ahlobisa inhloko yakhe njengemphristi, nanjengamakoti lotihlobise ngebuhlalu bakhe.

Jeremiya 3:3

Ngako-ke imvula yabanjwa langete lana, kwabate nembodlisamahlanga. Noko waba nelibunti lelomile lebugwababane, wangete wadliwa nangemahloni ngaloko.

Jeremiya 5:24

Abatekhuti bona batsi: ‘Asesabe Simakadze Nkulunkulu wetfu, lowehlisa timvula tasekwindla netasentfwasahlobo, ngesikhatsi lesifanele; losinika siciniseko ngekutsi sikhatsi sekuvuna sitawufika.’

Sililo 4:2

Maye, emadvodzana labalulekile aseSiyoni, noko nawo ake alingana negolide lecengekile, njengaloku nyalo asatsatfwa njengetindziwo telibumba nje, umsebenti wetandla tencondzi yetekubumba ngelibumba!

Hezekeli 34:26

Ngiyawubusisa tona kanye netindzawo letitungelete ligcuma lami. Ngiyakwehlisa timvula ngesikhatsi sato; kuyawuba netimvula tesibusiso.

Hoseya 6:3

Asimhloniphe Simakadze, sitimisele nekumnaka. Impela, njengobe kucinisekile kutsi lilanga liphuma ekuseni, kanjalo naye uyachamuka ete kitsi njengetimvula tasebusika, nanjengetimvula tasentfwasahlobo letinisela umhlaba.”

Levithikusi 26:4

ngiyawunitfumelela imvula ngesikhatsi sayo, nemhlaba uninike sivuno lesihle, netihlahla tesiganga titsele titselo tato.

Amose 4:7

“Ngaphindze ngabamba imvula, sekusele tinyanga letintsatfu nje kutsi kuvunwe; ngatfumela imvula kulelinye lidolobha, kodvwa ngayibamba kulelinye. Lenye insimi yatfola imvula, lenye yangete yayitfola imvula yaze yoma.

Zakhariya 10:1

Celani imvula kuSimakadze nakungusentfwasahlobo; nguSimakadze lowenta emafu lanemvula, nguye lowehlisela tihlambi temvula kubantfwana bebantfu, aphe netitselo tesiganga kubo bonkhe bantfu.

Zakhariya 10:7

Baka-Efrayimu bayawuba njengemadvodza lanemandla kakhulu, tinhlitiyo tabo tiyawutfokota kube shangatsi ngungeliwayini. Bantfwababo bayawukubona bajabule. Tinhlitiyo tabo tiyawujabula ngaSimakadze.

Zakhariya 9:13

Juda ngiyawumgoba njengobe ngigoba butjoki bami, ngibugcwalise nga-Efrayimu, kutsi abe ngumcibisholo wami. Awu Siyoni, ngiyawukuvusela emadvodzana akho emelane nemadvodzana akho, Grisi, sive sami ngisente inkemba yelichawe.

Zakhariya 9:9

Jabula kakhulu, Ndvodzakati yaseSiyoni! Memeta ngekujabula, Ndvodzakati yaseJerusalema! Ase ubuke, inkhosi yakho ita kuwe, ilungile, futsi iphetse insindziso, ita itfobekile, igibele embongolweni, etikwelitfole lembongolo, inkhonyane yembongolo.

Imisebenti yebaPhostoli 14:17

Kodvwa akayekelanga kutifakazela ngekwenta imisebenti lemihle: Unehlisela imvula nekudla ngesikhatsi lesifanele; uninika kudla agcwalise tinhlitiyo tenu ngenjabulo.”

Dutheronomi 11:14

uyawunipha imvula eveni lenu ngesikhatsi sayo, imvula yekucala neyekugcina, kuze nibutse kahle kudla kwenu, neliwayini lenu, kanye nemafutsa enu.

Dutheronomi 28:12

“Simakadze uyawuvula emazulu, incolobane yakhe yengcebo, anise imvula eveni lenu ngesikhatsi lesifanele, abusise yonkhe imisebenti yetandla tenu. Niyakwebolekisa etiveni letinyenti, kodvwa nine aniyikweboleka ngisho nakusinye sato.

Dutheronomi 32:2

Imfundziso yami ayehle njengemvula, emavi ami ahhohloke njengematolo; yebo, njengemabhudlo etjanini lobuluhlata, nanjengemvula lenkhulu etikwalokumilile.

KubaseFiliphi 3:1

Lokunye, bazalwane, tfokotani eNkhosini. Angidzinwa kunibhalela kona loko, kepha nine niyasitakala ngako.

KubaseFiliphi 3:3

Ngitsi labasoke sibili, tsine lesikhonta ngaMoya waNkulunkulu, sitibonga kuKhristu Jesu, asetsembeli enyameni,

KubaseFiliphi 4:4

Tfokotani eNkhosini njalonjalo. Ngiyaphindza futsi ngitsi: Tfokotani.