Joweli 2:22 - Siswati 1996 Bible

²² Ningesabi, nani tilwane tesiganga, ngobe emadlelo asaneluhlata, tihlahla titsela titselo tato, umkhiwa nemvini nako kutsela titselo tako.

Joweli 2:22 Referencias Cruzadas

Genesisi 4:12

Nawulima umhlabatsi, ngeke usakunika sivuno sawo lesihle; wena sewuyawuba ngumhambuma neluzulane emhlabeni.”

Tihlabelelo 36:6

Kulunga kwakho kunjengetintsaba letinkhulu, tincumo takho tijule njengelwandle. Simakadze, ulondvolota bantfu netilwane.

Tihlabelelo 65:12

Emadlelo elihlane ahlume luhlata, emagcuma avunule injabulo,

Tihlabelelo 65:13

emadlelo embeswe yimihlambi, tifundza tibe bovu tju emabele, timemete kanyekanye ngekuhlabelela ngenjabulo.

Tihlabelelo 67:6

Umhlaba waba nesivuno lesihle senala, Nkulunkulu, longuNkulunkulu wetfu, usibusisile.

Isaya 51:3

“Ngempela, Simakadze uyakuyidvudvuta iSiyoni, uyawutibuka ngesihawu tonkhe tindzala tayo; emahlane ayo uyakuwenta abe njenge-Edeni, tindzawo tayo letilihlane atente tibe njengensimi yaSimakadze. Kujabula nekutfokota kuyawutfolakala kuyo, yebo, kubonga kanye nemsindvo wekuhlabela.

Hezekeli 36:30

Nigyakwandzisa titselo tetihlahla, netivuno temasimi, kuze ningetiwutseleka ngelihlazo emkhatsini wetive ngenca yendlala.

Hezekeli 36:35

Bayawutsi: “Lelive belilihlane lelingenalutfo selihlume laba njengensimi yase-Edeni; emadolobha labesasele atindzala, sekukhala libhungane kuwo, asabhujisiwe, nyalo asabiyelwe futsi asahlalwa bantfu.”

Hezekeli 36:8

“ ‘Kodvwa nine, tintsaba taka-Israyeli, niyawuhluma emagala, nitselele sive sami ema-Israyeli titselo tenu, ngobe siyawubuya ekhaya masinyane.

Jona 4:11

Pho, mine bengingeke ngiyihawukele yini iNineve, lelidolobha lelikhulu kangaka, lapho kukhona bantfu labangakwati kwehlukanisa sandla sabo sekudla nesancele, labati-120 000, kanye netinkhomo letinyenti kangaka?”

Hagayi 2:16

Nakufika nome ngubani endvundvumeni yalokutinhlavu lokutilinganiso letingema-20, tatilishumi kuphela. Nangabe ngunome ngubani aye emphongolweni weliwayini atsi uyewukha tilinganiso letingema-50, betingema-20 kuphela.

Zakhariya 8:12

“Inhlanyelo seyiyawukhula kahle, sivini siyawutsela titselo taso, umhlaba uyawuveta sivuno sawo, nemazulu ayakwehlisa ematolo awo. Tonkhe letintfo ngiyawutipha insali yalesive tibe lifa laso.

1 kubaseKorinthe 3:7

Kepha lohlanyelako nome loniselako akasilutfo, kuphela nguNkulunkulu lokhulisako.