Joweli 2:18 - Siswati 1996 Bible

¹⁸ Simakadze utawuba nenshisekelo ngelive lakhe, asihawukele sive sakhe.

Joweli 2:18 Referencias Cruzadas

2 Emakhosi 19:31

Ngobe eJerusalema kuyawuvela insali. ESiyoni kuyawuvela libutfo lalabasindze ekufeni. Kushisekela kwaSimakadze longuSomandla kuyawukuphelelisa loko.

Tihlabelelo 103:13

Njengobe uyise anesihe kubantfwabakhe, ngalokufananako Simakadze unesihe kulabamesabako.

Tihlabelelo 103:17

Kodvwa umusa waSimakadze ukubo bonkhe labamesabako, futsi uyawuhlala ukubo phakadze naphakadze, nekulunga kwakhe etikwebantfwana bebantfwana,

Isaya 37:32

Ngobe eJerusalema kuyawuvela insali. ESiyoni kuyawuvela libutfo lalabasindze ekufeni. Kushisekela kwaSimakadze longuSomandla kuyawukuphelelisa loko.

Isaya 42:13

Simakadze utawushuca njengendvodza lenemandla, njengelisotja uyawuchukuluta inshisekelo yakhe; uyawumemeta ahlabe inyandzaleyo, titsa takhe atehlule.

Isaya 60:10

“Betive bayawutivusa tibondza takho, emakhosi abo ayawuhlehla kuwe. Noko ngakushaya ngenca yekutfukutsela, ngebubele bami ngiyawukuhawukela.

Isaya 63:15

Buka phansi usezulwini lakho, ubone, usesihlalweni sakho sebukhosi lesingcwele. Kuphi kushisekela kwakho nemandla akho? Kunakekela kwakho nesihawu sakho kugodliwe kitsi.

Isaya 63:9

Kuko konkhe kukhatsateka kwabo naye abekhatsatekile, ingilosi yebukhona bakhe yabasindzisa, ngelutsandvo lwakhe nangemusa wakhe wabahlenga. Wabatsatsa wabetfwala kuwo onkhe emalanga akadzeni.

Jeremiya 31:20

Efrayimu akasiyo yini indvodzana yami letsandzekako, umntfwana lengijabulako ngaye? Nome ngivamise kukhuluma ngimelane naye, kodvwa noko ngisamkhumbula. Ngako-ke inhlitiyo yami iyamlangatelela; nginesihawu lesikhulu ngaye,” kusho Simakadze.

Sililo 3:22

Ngenca yelutsandvo lolukhulu lwaSimakadze asikadliwa sacedvwa, ngobe sihawu sakhe singeke siphele.

Zakhariya 1:14

Lengilosi leyayikhuluma kimi, yatsi: “Memetela lelivi, utsi: Naku lokushiwo nguSimakadze longuSomandla, utsi: ‘Nginenshisekelo lenkhulu ngeJerusalema neSiyoni.

Zakhariya 8:2

“Naku lokushiwo nguSimakadze longuSomandla, utsi: ‘Nginenshisekelo kakhulu ngeSiyoni. Ngiyasha ngenca yesikhwele ngayo.’ ”

Lukha 15:20

Ngako-ke yesuka yahamba yaya kuyise. “Yayisekudzeni kabi nelikhaya ngesikhatsi uyise ayibona. Inhlitiyo yeyise yagcwala sihawu, wayihawukela wagijima wayihlangabeta. Wayigaca ngemkhono wakhe, wayanga.

Dutheronomi 32:16

Bamenta waba nesikhwele ngabonkulunkulu babo betive; bamtfukutselisa ngaleto tithico tabo letinengekako.

Dutheronomi 32:36

Simakadze uyawusehlulela sive sakhe. Unesihawu etincekwini takhe, nase abone kutsi emandla ato aphelile, sekute namunye losasele, sigcili nome lokhululekile.

Dutheronomi 32:43

Jabulani nine tive kanye nesive sakhe, ngobe uyawutiphindzisela ngengati yetinceku takhe. Uyawutiphindzisela etitseni takhe, ente inhlawulo yekubuyisana nelive lakhe nesive sakhe.

YaJakobe 5:11

Khumbulani phela kutsi ngulabo labaciniselako lesitsi babusisiwe. Nake neva ngekukhutsatela kwaJobe, niyati-ke nekutsi iNkhosi yaletsa siphetfo sini kuye; ngobe iNkhosi inebubele nesihawu lesikhulu.

Tikhulu 10:16

Base bayabesusa bonkulunkulu betive lababesemkhatsini wabo, bakhonta Simakadze. Inhlitiyo yakhe yase iyatsintseka ngenca yekukhala kwesive sema-Israyeli.