Joweli 2:16 - Siswati 1996 Bible

¹⁶ Hlanganisani sive sibe ndzawonye, niwungcwelise lowo mhlangano; hlanganisani baholi, nihlanganise nebantfwana, yebo, ngisho nalabamunyako imbala. Umkhwenyane akashiye indlu yakhe, namakoti ashiye indlu yakhe.

Joweli 2:16 Referencias Cruzadas

2 Tikhronike 20:13

Onkhe emadvodza akaJuda kanye nabomkawo, nebantfwana, netinswane bema embikwaSimakadze.

2 Tikhronike 29:5

watsi: “MaLevi, lalelani lapha kimi! Tingcweliseni nyalo, bese ningcwelisa nelithempeli laSimakadze, Nkulunkulu waboyihlomkhulu. Susani konkhe lokungcolile endzaweni lengcwele.

2 Tikhronike 30:17

Njengobe linyenti lebantfu lababekulesicumbi babengatingcwelisi bona, emaLevi kwawabita kutsi ahlabe emazinyane etimvu eliPhasika egameni labo bonkhe lababengcolile ngekwemtsetfo, aze abangcwelisele lamazinyane etimvu kuSimakadze.

2 Tikhronike 30:19

labo labatimisele ngenhlitiyo yabo kufuna Nkulunkulu, Simakadze Nkulunkulu waboyisemkhulu, nome bangakahlanteki njengekusho kwemtsetfo wendzawo lengcwele.”

2 Tikhronike 35:6

Hlabani emawundlu eliPhasika, nitingcwelise nani, nilungise lamawundlu nilungisele labantfu bemave akini, nente loko lokwashiwo nguSimakadze ngaMosi.”

Jobe 1:5

Bekutsi kungendlula lesikhatsi semadzili, bese Jobe utfumela kubantfwabakhe abahlambulule. Abevuka ekuseni ngetingweti abentele bonkhe umnikelo wekushiswa ngekwelinani labo, acabanga atsi: “Mhlawumbe bantfwabami bonile bacalekisa Nkulunkulu etinhlitiyweni tabo.” Lona bekungumkhuba waJobe, labewenta njalo nje.

Tihlabelelo 19:5

Lilanga liphuma licatsame njengemyeni, yebo, njengemyeni acwebetela ahlangabeta makoti wakhe; njengemgijimi lotimisele ngemncintiswano.

Eksodusi 19:10

Simakadze wakhuluma kuMosi, watsi: “Buyela kubantfu ubatjele kutsi batihlambulule lamuhla nakusasa, bageze tingubo tabo;

Eksodusi 19:15

Mosi wakhuluma kubantfu watsi: “Tilungiseleleni lilanga langemhlomunye, ningalali nalomsikati.”

Eksodusi 19:22

Ngisho nebaphristi labatakuta basondzele la kimi kufanele batihlambulule kucala, ngaphandle kwaloko ngitawubajezisa.”

Joweli 1:14

Memetelani kuzila lokungcwele, nimemetele umhlangano longcwele, butsani baholi kanye nabo bonkhe labahlala kulelive, nibabitele endlini yaSimakadze Nkulunkulu wenu, nikhale kuSimakadze.

Matewu 21:16

Ngako batsi kuJesu: “Uyeva yini kutsi batsini?” Wabaphendvula watsi: “Yebo, ngiyeva. Anizange nifundze yini kutsi: ‘Emlonyeni webantfwana nakulabamunyako utilungiselele ludvumo’?”

Matewu 9:15

Jesu watsi kubo: “Likhetfo lingakhala yini umkhwenyane asenalo? Kodvwa kutawufika sikhatsi lapho umkhwenyane atawususwa kulo, kube ngukhona-ke litawuzila.

1 kubaseKorinthe 7:5

Ningagodlelani, kuphela kube kwesikhatsi lesitsite nje, kuye ngekuvumelana kwenu kutsi nitfole litfuba lekuthandaza kahle, nibuye nihlangane futsi, kuze Sathane anganilingi ngekwehluleka kwenu kutibamba.

Joshuwa 7:13

“Hamba uyewungcwelisa lesive, ubatjele utsi: ‘Tingcwelisiseni nine ngekwenu, nitilungiselele likusasa,’ ngobe nguloko Simakadze Nkulunkulu wema-Israyeli lakushoko, utsi: ‘Loko lokufanele kubhujiswa kusemkhatsini wenu, sive sema-Israyeli. Ngeke nikhone kumelana netitsa tenu ningakakukhiphi.

Joshuwa 8:35

Kwabate ngisho nalinye livi laloko Mosi labeyale ngako Joshuwa lalishiya wangete wasifundzela sive saka-Israyeli sonkhe sihlangene, bafati, nebantfwana kanye nebetive lababehlala emkhatsini wabo.

1 Samuweli 16:5

Samuweli waphendvula watsi: “Yebo, ngite ngesihle; ngitekwenta umhlatjelo kuSimakadze. Tingcweliseni, bese nita emhlatjelweni kanye nami.” Ngako wase ungcwelisa boJese kanye nemadvodzana akhe wabamemela emhlatjelweni.