Joweli 2:1 - Siswati 1996 Bible

¹ Vutselani licilongo eSiyoni, nilikhalise entsabeni yami lengcwele. Bonkhe labahlala eveni abatfutfumele, ngobe lilanga laSimakadze liyeta, yebo, selisondzele.

Joweli 2:1 Referencias Cruzadas

1 Tikhronike 15:28

Ngako onkhe ema-Israyeli enyuka nelibhokisi lesivumelwane saSimakadze amemeta, ashaya timphondvo tetihhanca, nemacilongo, nemasimbali, ashaya ngisho nemalire nemahabhu.

Tihlabelelo 119:120

Umtimba wami uyatfutfumela ngenca yekwesaba wena, netehlulelo takho ngiyatesaba.

Tihlabelelo 87:1

Simakadze ubeke likhaya lakhe etikwentsaba lengcwele.

Eksodusi 10:14

Sefika silifu, sasibekela lonkhe live laseGibhithe. Sasingazange sesibe khona sikhonyane lesingaka, futsi sasingeyiwuphindza sibe khona.

Isaya 13:6

“Lilani, ngobe lilanga laSimakadze selisondzele, litawufika liyimbhubhiso levela kuSomandla.

Isaya 13:9

Bukani, lilanga laSimakadze liyasondzela, lilanga lelinelulaka, nentfukutselo, nelulaka lolwesabekako; litekwenta live libe lihlane, libuye libhubhise netoni letikulo.

Isaya 2:12

Simakadze longuSomandla umise lilanga, ulibekele bonkhe labatigcabhako nalabatiphakamisako, nako konkhe lokuphakanyisiwe, kuze kutfotjiswe;

Isaya 66:2

Tonkhe letintfo atikentiwa sandla sami yini, kuze kutsi tibe khona?” kusho Simakadze. “Ngulowo-ke mine lengimatisako, lowo lotfobekile nalodzabukile emoyeni, nalolitfutfumelelako livi lami.

Isaya 66:5

Vanini livi laSimakadze, nine lenitfutfumeliswa livi lakhe, utsi: “Bomnakenu labanitondzako banikhiphe inyumbazana ngenca yeLibito lami, batsite: ‘Akadvunyiswe Simakadze, kuze sitewubona injabulo yenu!’ Noko bayawutseleka ngelihlazo.

Jeremiya 16:10

“Nawubatjela tonkhe letintfo labantfu bese bayakubuta batsi: ‘Simakadze uwukhipheleni lomtsetfo lomelana natsi kangaka wesehlakalo lesikhulu kangaka? Soneni? Sono sini lesisentile kuSimakadze Nkulunkulu wetfu?’

Jeremiya 16:7

Kute naloyawuphekela labo labafukeme kuze batewudvudvuteka, ngisho nalonguyise nome longunina, kute naloyawubanika sinatfo sekubadvudvuta.

Jeremiya 4:5

“Memetelani kaJuda nibatjele nebaseJerusalema, nitsi: “ ‘Shayani licilongo kulo lonkhe live!’ Memetani kakhulu nitsi: ‘Butsanani ndzawonye! Asibalekeni siye emadolobheni labiyelwe.’

Jeremiya 5:22

Kufanele ningangesabi yini mine?” kusho Simakadze. “Akufanele yini nitfutfumele ebukhoneni bami? Ngenta sihlabatsi saba ngumnyele welwandle, umtsangala waphakadze lolungeke luwengce. Emagagasi angakhephuka, kodvwa angeke aphumelele, angabhodla, kodvwa angeke awengce.

Hezekeli 12:23

Khuluma kubo, utsi: ‘Naku lokushiwo yiNkhosi Simakadze, itsi: Ngitasicedza lesaga, bangaphindzi basikhulume lapha ka-Israyeli.’ Khuluma kubo, utsi: ‘Emalanga asasondzele lapho yonkhe imibono iyawugcwaliseka.

Hezekeli 21:12

Khala ulile, ndvodzana yemuntfu, ngobe lenkemba imelene nesive sami; imelene nato tonkhe tikhulu tema-Israyeli. Tilahlelwe enkembeni kanye nesive sami. Ngako-ke yetfwala imikhono enhloko.

Hezekeli 30:3

Ngobe lilanga selisedvute, lilanga laSimakadze selisondzele, lilanga lemafu, sikhatsi sekubhubha kwetive.

Hezekeli 33:3

lotawutsi nakabona inkemba ita itekumelana nelive, bese ushaya impalampala ecwayise bonkhe bantfu,

Hezekeli 33:6

Kodvwa nangabe lomlindzi abona inkemba ita, angayishayi impalampala kwecwayisa bantfu, bese kuta inkemba idle munye wabo, lowo muntfu uyawususwa ngenca yesono sakhe, kodvwa ingati yalowo muntfu ngiyawuyibita kulowo mlindzi.’

Hezekeli 7:10

“Lilanga selilapha! Selifikile! Imbhubhiso seyehlile, indvuku seyihlumile, kutidla kwachakaza!

Hezekeli 7:12

“Sikhatsi sesifikile, lilanga selikhona. Lowo lotsengako akangajabuli, nalowo lotsengisako angadzabuki, ngobe lulaka lusetikwaso sonkhe lesicumbi.

Danyela 6:26

“Ngikhipha umtsetfosimemetelo kutsi kuyo yonkhe indzawo lelapha embusweni wami bantfu kufanele bamesabe babuye bamhloniphe Nkulunkulu waDanyela. “Ngobe unguNkulunkulu lophilako, futsi uyawuhlala akhona phakadze naphakadze; umbuso wakhe ungeke ubhujiswe, yebo, umbuso wakhe ungeke uphele.

Danyela 9:16

Awu Simakadze, ngako konkhe kulunga kwakho mane ugucule intfukutselo yakho nelulaka lwakho kuyo iJerusalema, lidolobha lakho, leliyintsaba yakho lengcwele. Tono tetfu nekona kwabobabe sekwente iJerusalema nesive sakho kwaba lihlazo kubo bonkhe labakhelene natsi.

Danyela 9:20

Ngatsi ngisakhuluma ngithandaza, ngivuma tono tami netono tesive sema-Israyeli akitsi, ngiletsa kuncusa kwami kuSimakadze Nkulunkulu wami ngentsaba yakhe lengcwele,

Hoseya 5:8

“Khalisani impalampala eGibeya, nishaye licilongo eRama. Hlabani inyandzaleyo eBhethi Aveni, nitsi: Awu, Bhenjamini, basemvakwakho.

Hoseya 8:1

“Beka licilongo etindzebeni takho temlomo! Lusweti lusetikwendlu yaSimakadze, ngobe sive sisephulile sivumelwane sami, sawuhlubuka nemtsetfo wami.

Joweli 1:15

Maye, lilanga lelesabekako! Ngobe lilanga laSimakadze lisedvute, lilanga Somandla layawuletsa ngalo imbhubhiso.

Joweli 2:11

Simakadze uyabhavumula embikwalemphi yakhe. Emabutfo akhe manyenti ngalokungabaleki; banemandla labo labalalela umyalo wakhe. Lilanga laSimakadze likhulu, liyesabeka. Ngubani nje longemelana nalo?

Joweli 2:15

Vutselani licilongo eSiyoni, nimemetele kuzila lokungcwele, nibite umhlangano longcwele.

Joweli 2:31

Lilanga liyawuba mnyama, inyanga ibe bovu njengengati, lingakefiki lilanga lelikhulu nalelesabekako laSimakadze.

Joweli 3:14

Ticumbi ngeticumbi esigodzini sekwehlulela! Ngobe lilanga laSimakadze selisondzele esigodzini sekwehlulela!

Joweli 3:17

“Niyawube seniyati-ke kutsi: Mine, Simakadze, Nkulunkulu wenu, ngihlala eSiyoni, intsaba yami lengcwele. IJerusalema iyawuba ngcwele, kute betive labayawuphindze bayihlasele.

Amose 3:6

Nakukhala impalampala edolobheni, abatfutfumeli yini bantfu? Inhlekelele iyalehlela yini lidolobha, ingakatfunyelwa nguSimakadze?

Amose 5:18

Nako kini nine lenifisa lilanga laSimakadze! Nilifiselani lilanga laSimakadze? Lelo langa liyawuba bumnyama, lingabi kukhanya.

Amose 8:2

Simakadze wase uyangibuta utsi: “Ubonani, ye Amose?” Ngamphendvula ngatsi: “Ngibona libhasikidi lelinetitselo letivutsiwe.” Simakadze wase ukhuluma kimi utsi: “Sikhatsi sesive sami saka-Israyeli sesiphelile, ngingeke ngisasicolela.”

Obadiya 1:15

“Lilanga laSimakadze lekwehlulela tonkhe tive selisondzele. Njengobe wentile nawe Edomu kuyakwentiwa njalo nakuwe; tento takho tiyawuphindziselwa kuwe.

Zefaniya 1:14

“Lilanga lelikhulu laSimakadze selisondzele, yebo, lisedvute, futsi lita ngekushesha. Lalelani! Kukhala kwangalelo langa laSimakadze kuyawuba munyu, sekuhhewula libutfo lapho.

Zefaniya 1:16

lilanga lelicilongo nelekuhlaba inyandzaleyo yekumelana nemadolobha latinqaba neyekumelana nemibhoshongo yemakona.

Zefaniya 1:7

“Thula embikweNkhosi Simakadze, ngobe lilanga laSimakadze selisondzele. Simakadze sewulungise umhlatjelo; ubehlukanisile labo labamemile.

Zefaniya 3:11

Ngalelo langa ungeke udliwe ngemahloni ngako konkhe lokubi lokwentile kimi, ngobe kulelidolobha ngiyawubesusa labo labajabula ngeligcabho labo. Ungeke uphindze utigcabhe etikwaleligcuma lami lelingcwele.

Zakhariya 14:1

Lilanga laSimakadze liyeta, lapho iyakwehlukaniswa khona embikwemehlo enu imphango letsatfwe kini.

Zakhariya 8:3

Naku lokushiwo nguSimakadze, utsi: “Ngiyawubuyela eSiyoni, ngihlale eJerusalema. Lapho-ke iJerusalema sekuyawutsiwa Lidolobha Lekwetsembeka, nentsaba yaSimakadze longuSomandla iyawubitwa ngekutsi yiNtsaba Lengcwele.”

Malakhi 4:1

“Impela lilanga liyeta; liyawushisa njengemlilo lowesabekako nalohhumako. Bonkhe labatigcabhako bangangihloniphi nalabenta lokubi bayawuba tinhlanga, lelo langa lelitako liyawubalumekela ngemlilo,” kusho Simakadze longuSomandla. “Kute imphandze nome ligala leliyawusala kubo.

Numeri 10:2

“Yakha emacilongo lamabili esiliva legcotjiwe; lamacilongo ayawusetjentiswa ekubiteni sive nasekudzilitweni kwemathende nase kutfutfwa.

Numeri 10:3

Nakushaywa lamacilongo lamabili, sive sonkhe siyawubutsana kuwe ekungeneni kwelithende lekuhlangana.

1 kubaseKorinthe 14:8

Ngobe nangabe impalampala ingakhali ngalokuvakalako, ngubani longatilungiselela kuya emphini?

KubaseFiliphi 2:12

Batsandzekako bami, benilalele ngetikhatsi tonkhe, kungasiko nangikhona kuphela, kodvwa kakhulu manje nangingekho. Ngako-ke, fezani kusindziswa kwenu ngekwesaba nangekutfutfumela,

1 kubaseThesalonika 5:2

Ngobe nine ngekwenu nati kahle kamhlophe kutsi lilanga leNkhosi liyawufika, njengelisela lifika ebusuku.

YaJakobe 5:8

Nani-ke beketelani. Cinisani tinhlitiyo tenu, ngobe kubuya kweNkhosi sekusondzele.

1 yaPhetro 4:7

Siphetfo sato tonkhe tintfo sesisondzele. Ngako-ke tibambeni, nititsibe khona nitekwati kukhuleka.

Sembulo 6:17

ngobe lilanga lelikhulu lelulaka labo selifikile. Ngubani longaba nemandla ekuma?”