Joweli 1:9 - Siswati 1996 Bible

⁹ Iminikelo yalokutinhlavu neyetinatfo seyiyekelwe endlini yaSimakadze. Baphristi sebayakhala, labo labakhonta embikwaSimakadze.

Joweli 1:9 Referencias Cruzadas

2 Tikhronike 13:10

“Tsine-ke, Simakadze unguNkulunkulu wetfu, kantsi futsi sisengakamlahli. Baphristi labakhonta Simakadze kusengabo bona labo labangemadvodzana a-Aroni, nalababasitako kusengawo emaLevi.

Eksodusi 28:1

“Ubobe sewubita umnakenu, Aroni, kanye nemadvodzana akhe boNadabi, na-Abihu, naEleyazare, na-Ithamari, ubehlukanise nema-Israyeli, ngobe ngifuna babe baphristi bekungikhonta.

Isaya 61:6

Nine niyawubitwa ngekutsi nibaphristi baSimakadze, niyakwetsiwa emabito, kutsiwe nitikhonti taNkulunkulu wetfu. Niyawudla imfuyo yetive ngetive, nangebunjinga bato niyawutigabatisa.

Sililo 1:16

“Nguloko lokungenta ngilile, nemehlo ami aphophota tinyembeti. Kute namunye losedvutane longidvudvutako, kute namunye longabuyisa umoya wami. Bantfwabami bahlutjuliwe, ngobe sitsa singehlulile.”

Sililo 1:4

Imigwaco leya eSiyoni iyalila, ngobe sekwabate namunye lota emikhosini yayo lemisiwe. Onkhe emasango ayo asasala anesitunge, baphristi bayo bayabubula, emantfombatana ayo ayadzabuka, isebuhlungwini lobumatima kakhulu.

Hoseya 9:4

Bangeke bayitfululele kuSimakadze iminikelo yeliwayini, kantsi nemihlatjelo yabo ingeke imjabulise. Imihlatjelo lenjalo kubo iyawufanana nesinkhwa salabalilako; bonkhe labayidlako bayawungcola ngekwemtsetfo. Lokudla kuyawuba kwabo; kungeke kungeniswe ethempelini laSimakadze.

Joweli 1:13

Yembatsani emasaka, nine baphristi, nilile. Khalani, nine lenikhonta elatini. Wotani nitekwembatsa emasaka busuku bonkhe, nine lenikhonta embikwaNkulunkulu wami, ngobe umnikelo walokutinhlavu kanye nemnikelo wetinatfo sebakugodlile, akuseti endlini yaNkulunkulu wenu.

Joweli 1:16

Kudla akukapheli yini embikwetfu? Kujabula nekutfokota akukakhawuli yini endlini yaNkulunkulu wetfu?

Joweli 2:14

Ngubani lowatiko? Mhlawumbe angaba nesihawu, ashiye sibusiso, bese kuba ngiminikelo yalokutinhlavu neyetinatfo yaSimakadze Nkulunkulu wenu.

Joweli 2:17

Baphristi labakhonta embikwaSimakadze abakhale emkhatsini wemhubhe welithempeli nelilati. Yebo, abakhale batsi: “Awu, Simakadze, hawukela sive sakho, ungavumi kutsi lifa lakho lelingitsi libe yinhlekisa nentfo yekweyiswa tive. Asikho nesidzingo sekutsi letive tingaze titsi: ‘Uphi loNkulunkulu wabo?’ ”