Joweli 1:4 - Siswati 1996 Bible

⁴ kutsi loko lokwasala nyakana welifu lesikhonyane sekudliwe tibotfo naloko lokusele kuletibotfo sekudliwe sigegedlana, naloko lokusele kulesigegedlana, sekudliwe tinkumbi.

Joweli 1:4 Referencias Cruzadas

1 Emakhosi 8:37

“Nangabe bahlaselwa yindlala kulelive labo, nome sifo lesibulalanako, nome sona, nome sikhutsa, nome sikhonyane, nome tintsetse, nome sitsa sibavimbetela nome ngukuliphi lalamadolobha abo, nome ngabe ngusiphi sehlakalo, nome sifo lesingabehlela,

2 Tikhronike 6:28

“Nangabe bahlaselwa yindlala kulelive labo, nome sifo lesibulalanako, nome sona, nome sikhutsa, nome sikhonyane, nome tintsetse, nome titsa tibavimbetela nome ngukuliphi lalamadolobha abo, nome ngabe ngusiphi sehlakalo, nome sifo lesingabehlela,

2 Tikhronike 7:13

“Nangivala emazulu kuze kutsi kubete imvula, nome ngitfume sikhonyane kutsi sitewubhubhisa lelive, nome ngitfumele sifo lesibulalanako emkhatsini wesive sami,

Tihlabelelo 105:34

Wakhuluma, kwavela sikhonyane, kwavela inkhasa lengeke ibaleke,

Tihlabelelo 78:46

Watfumela tintsetse, tacedza tilimo tabo, sikhonyane sadla titfukutfuku tabo.

Eksodusi 10:4

Nawuchubeka wala, ungabakhululi bantfu bami, ngitakuletsela sikhonyane la eveni lakho kusasa lolokusako.

Eksodusi 10:5

Sitawuba sinyenti kangangekutsi sitawusibekela wonkhe umhlaba wakho, kungasabonakali nemhlabatsi. Sitawudla konkhe lokusindze esangcotfweni, ngisho netihlahla letisele tesiganga leticala kuhluma futsi.

Isaya 33:4

Imphango yenu, nine tive, iyavunwa, kube shangatsi kucatsama inkhasa yesikhonyane; emadvodza ayayibunganyela, yebo, njengelibulo lesikhonyane.

Jeremiya 51:14

Simakadze longuSomandla utifunge yena, watsi: “Ngiyawukugcwalisa ngemadvodza, kube shangatsi ngemabulo etintsetse, bayawumemeta ngelivi lelikhulu bahalalise ngawe.”

Jeremiya 51:27

“Phakamisani emhlabeni siboniso semphi! Shayani impalampala emkhatsini wetive! Lungisani tive, nitilungiselele kulwa neBhabhulona. Butsani lemibuso, niyisukele niyihlasele: nibite i-Ararathi, neMini kanye ne-Ashkenazi. Bekani indvuna yemphi, nimelane neBhabhulona. Tfumelani emahhashi lanjengemabulo esikhonyane.

Joweli 2:25

“Ngitanikhokhela kuloko lokudliwe sikhonyane ngaleyo minyaka, loko lokwadliwa tibotfo nesigegedlana, nelifu letinkumbi, imphi yami lengayitfumela emkhatsini wenu.

Amose 4:9

“Sekukanyenti ngishaya tingadze tenu netivini tenu, ngatishaya ngemswenya nangasicencane. Sikhonyane sashaya sacotfula emakhiwa enu netihlahla tenu temincumo, kwaphela kwatsi nya, noko anikabuyeli kimi,” kusho Simakadze.

Amose 7:1

Naku-ke iNkhosi Simakadze lengibonise kona: Ngiyibone yenta lifu lesikhonyane ngesikhatsi nakuphela kuvunwa kwemabele enkhosi, nakucala kuhluma kwesibili.

Malakhi 3:11

Ngiyawuvimba tilwanyakatana kutsi tingatidli tilimo tenu, nemivini emasimini enu ingasali ite titselo,” kusho Simakadze longuSomandla.

Dutheronomi 28:38

“Niyawuhlanyela inhlanyelo lenyenti kabi emasimini enu, kodvwa niyawuvuna sivuno lesincane, ngobe sikhonyane siyawutidla tonkhe leto tilimo.

Dutheronomi 28:42

Emabulo esikhonyane ayawusibekela tonkhe tihlahla tenu netivuno telive lenu.