Joweli 1:3 - Siswati 1996 Bible

³ Loku kutjeleni bantfwabenu, nebantfwabenu bakutjele bantfwababo, nebantfwababo bakutjele situkulwane lesilandzelako,

Joweli 1:3 Referencias Cruzadas

Tihlabelelo 145:4

Titukulwane ngekwelamana kwato tiyawubikelana ngemisebenti yakho; tiyawumemetela ngemisebenti yakho yemandla.

Tihlabelelo 44:1

Yebo, Nkulunkulu! Sivile ngetindlebe tetfu bokhokho nabasitekela, tintfo lewawutenta ngemalanga abo, ngemalanga asendvulo.

Tihlabelelo 71:18

Nanyalo-ke nome sengigugile sengimphunga, ungangishiyi, Nkulunkulu, kuze ngishumayele ingalo yakho kuso situkulwane, nemandla akho kubo bonkhe labefikako.

Eksodusi 13:14

Nangabe indvodzana yakho ibuta itsi: ‘Nikwentelani loku?’ uboyiphendvula utsi: ‘Simakadze wasebentisa sandla sakhe lesinemandla kusikhipha eGibhithe, lapho sasitigcili khona.

Isaya 38:19

Ngulabaphilako, labaphilako bodvwa, labakudvumisako wena, njengaloku ngenta nje nami lamuhla. Bobabe batjela bantfwababo ngekwetsembeka kwakho.

Dutheronomi 6:7

Niyakuyinamatsisela etingcondvweni tebantfwabenu, nikhulume ngayo nanihleti emakhaya, nome nihamba endleleni, nome nilala nome nivuka.