Joweli 1:2 - Siswati 1996 Bible

² Lalelani naku, nine baholi, nani nonkhe lenihlala kulelive. Kwase kwenteka yini loku ngetikhatsi tenu nome ngetikhatsi taboyihlomkhulu?

Joweli 1:2 Referencias Cruzadas

Jobe 12:12

Kuhlakanipha akutfolakali yini kulabadzala? Imphilo lendze ayikuletsi yini kucondza?

Jobe 15:10

Timphunga nalabadzala bangakitsi, yebo, emadvodza lamadzala, kwendlula uyihlo.

Jobe 21:7

Kwentiwa yini kutsi lababi baphile sikhatsi lesidze, bakhule baze baguge, baphindze babe nemandla lamakhulu?

Jobe 8:8

“Buta titukulwane takucala, uvisise kuto kutsi boyisemkhulu babefundzani,

Tihlabelelo 49:1

Vanini loku, nonkhe nine tive! Bekani indlebe, nonkhe nine lenakhile emhlabeni.

Isaya 34:1

Sondzelani, nine tive, nitewulalela; lalelisisani, nine tive! Umhlaba awuve, nako konkhe lokukuwo, umhlaba, nako konkhe lokuphuma kuwo!

Isaya 7:17

Simakadze uyawuletsa kuwe nasetikwesive sakini, nasetikwendlu yeyihlo, sikhatsi lesingazange sesibe khona kusukela baka-Efrayimu bahlephuka kubakaJuda; uyawuletsa inkhosi yase-Asiriya.”

Jeremiya 30:7

Maye, liyesabeka lelo langa, kute leliyawuse libe njengalo. Kuyawuba sikhatsi senhlupheko kaJakobe, kodvwa uyawusindziswa kuso.

Jeremiya 5:21

Lalelani naku, nine bantfu labatilima nalabangenangcondvo, labatsi banemehlo kodvwa babe bangaboni, labatsi banetindlebe kodvwa babe bangeva:

Danyela 12:1

“Ngaleso sikhatsi Mikhayeli, ingilosi lenkhulu lengumvikeli wesive sakini, uyawuvela. Kuyawuba sikhatsi sekuhlupheka lokukhulu, lesingazange sesibe khona, seloku kwacala kuba netive kuze kube nguleso sikhatsi. Kodvwa ngaleso sikhatsi, bonkhe bantfu bakini lekwatfolakala emabito abo abhaliwe encwadzini yaNkulunkulu, bayawukhululwa.

Hoseya 4:1

Vanini livi laSimakadze, nine ma-Israyeli, ngobe Simakadze usenelicala latanibeka lona, nine lenihlala kulelive, utsi: “Kute kwetsembeka, kute lutsandvo, kute kuphakamisa Nkulunkulu eveni.

Hoseya 5:1

“Lalelani lapha, nine baphristi! Nakisisani, nine ma-Israyeli! Lalelani, ninendlu yebukhosi! Lesehlulelo simelene nani: Nibe lugibe eMispa, naba linetha lelendlalelwe eThabori.

Joweli 1:14

Memetelani kuzila lokungcwele, nimemetele umhlangano longcwele, butsani baholi kanye nabo bonkhe labahlala kulelive, nibabitele endlini yaSimakadze Nkulunkulu wenu, nikhale kuSimakadze.

Joweli 2:2

Lelo lilanga lebumnyama nesigayegaye, lilanga lemafu nebumnyama lobukhulu. Njengekusa nakwendlaleka etintsabeni kunjalo nekuta kwemphi lenkhulu nalenemandla, lengazange seyibe khona nasendvulo, futsi ingeke iphindze ibe khona nome ngunini.

Amose 3:1

Lalelani nankha emavi lashiwo nguSimakadze ngani, anisola nine, sive sema-Israyeli, umelana nawo wonkhe umndeni lawukhipha eGibhithe, utsi:

Amose 4:1

Lalelani nali livi, nine bafati basentsabeni yaseSamariya, leniphila kahle, nitamase njengetinkhomati taseBhashani, nine lenicindzetela labamphofu, nifihlite labeswele, niphocelele emadvodza enu kutsi aninike tjwala!

Amose 5:1

Lalelani nali livi, ninendlu yaka-Israyeli. Lesililo ngisenta ngenca yenu:

Mikha 1:2

Lalelani naku, nine tive nonkhe: nilalele nani mhlaba wonkhe! INkhosi Simakadze iyakunilahla ngelicala. Lalelani! Ukhuluma asethempelini lakhe.

Mikha 3:1

Lalelani, nine baholi baka-Israyeli! Bekufanele ngabe ninakekela kutsi esiveni sakini konkhe kwentiwe ngendlela lefanele;

Mikha 3:9

Lalelani la kimi, nine babusi baka-Israyeli, nine lenitondza kuvikela lokulungile bese niguculela lokuhle kube kubi.

Matewu 13:9

“Lonendlebe yekuva akeve!”

Matewu 24:21

Ngobe lapho kuyawuba khona kuhlupheka lokukhulu lokungazange sekube khona kusukela seloku kwasekelwa umhlaba, kuze kube ngulamuhla, futsi akuseyiwuba khona.

Sembulo 2:7

“ ‘Lowo lonendlebe akeve loko lokushiwo nguMoya emabandleni! “ ‘Loncobako ngiyawumnika kutsi adle esihlahleni sekuphila, lesisePharadisi yaNkulunkulu.’ ”