Joweli 1:12 - Siswati 1996 Bible

¹² Umvini sewomile, nemkhiwa sewubunile kanjalo nemahananandza, nemasundvu, nesihlahla semahhabhula kanye nato tonkhe tihlahla tensimi setomile. Ngempela kujabula kweluntfu sekuphelile.

Joweli 1:12 Referencias Cruzadas

Tihlabelelo 4:7

Ungiphe injabulo lenkhulu enhlitiyweni yami, leyengca injabulo lababa nayo nabanenala yemabele neyeliwayini.

Tihlabelelo 92:12

Lolungile uhluma njengelisundvu, akhule njengemsedari waseLebanoni.

Ingoma Yetingoma 2:3

Njengesihlahla semahhabhula emkhatsini wetihlahla telihlatsi, unjalo lotsandzekako wami emkhatsini wemajaha. Ngiyakujabulela kuhlala emtfuntini wakhe, nesitselo sakhe siyanongotela, nangisinambitsa.

Ingoma Yetingoma 4:13

Tilimo takho tilihlatsi lemahananandza lanetitselo telikhetselo, nehena, nenadi,

Isaya 16:10

Injabulo nekutsakasa kususiwe emahlatsini etitselo lahlanyelwe; kute namunye losahlabela amemete etivinini, sekute losahluta liwayini ematjeni ekulihluta, ngobe ngikucedzile kumemeta.

Isaya 24:11

Etitaladini bakhalela liwayini; konkhe kujabula sekugucuke kwaba lusizi, konkhe kutsakasa sekudzingisiwe emhlabeni.

Isaya 24:7

Liwayini lelisha liyoma, nemvini uyabuna; bonkhe labatijabulisako bayabubula.

Isaya 9:3

Sewusandzisile sive, wandzisa nekujabula kwaso; siyajabula embikwakho njengebantfu bajatjuliswa sivuno, nanjengebantfu nabajatjuliswa kwaba imphango.

Jeremiya 48:3

Lalelani kukhala lokuvela eHoronayimu, kukhala kwemonakalo lomkhulu nekwembhubhiso.

Jeremiya 48:33

Kutsakasa nenjabulo sekusukile emahlatsini etitselo nasemasimini akaMowabi. Ngikumisile kugeleta kweliwayini ematjeni ekuhlutela, kute nalosawagcobagcoba ngekumemeta kwenjabulo. Nome-ke kukhona lokumemeta, kodvwa akusiko kwenjabulo.

Joweli 1:10

Emasimi asonakele, nemhlaba sewomile, ngobe nesivuno sibhujisiwe, neliwayini lelisha sekwabate, nemafutsa akasatfolakali.

Joweli 1:16

Kudla akukapheli yini embikwetfu? Kujabula nekutfokota akukakhawuli yini endlini yaNkulunkulu wetfu?

Jona 4:7

Ngakusasa nakudzabuka kusa, Nkulunkulu walungisa imphehla, yawuphehla lomhlafutfo, wabuna.

Hagayi 2:19

Isekhona yini inhlanyelo lesasele emiphandzeni? Kudzimate kube ngunyalo umvini, nesihlahla semkhiwa, nesemahananandza, nesemncumo akukaze kwatsela titselo. “ ‘Kodvwa kusukela kulelilanga lalamuhla sengiyakunibusisa.’ ”

Malakhi 3:11

Ngiyawuvimba tilwanyakatana kutsi tingatidli tilimo tenu, nemivini emasimini enu ingasali ite titselo,” kusho Simakadze longuSomandla.

Numeri 13:23

Batsi nabefika eSihosheni sase-Eshikholi, bajuba ligala lelalinesikhehle semagelebisi. Lababili babo baletfwala ngekuletjatsa ngelubhoko emkhatsini wabo, bengeta ngemahananandza nangemakhiwa.