Joshuwa 9:1 - Siswati 1996 Bible

¹ Kwatsi kube onkhe emakhosi langasenshonalanga kwemfula iJordane eve ngaletintfo, labo labaseveni letintsaba nangasematsafeni langasenshonalanga, kugudla lusentse lweLwandle Lolukhulu kuze kuyewufika eLebanoni, emakhosi emaHethi, nema-Amori, nemaKhenani, nemaPheresi, nemaHivi, nemaJebhusi,

Joshuwa 9:1 Referencias Cruzadas

2 Samuweli 24:7

Base baya ngasenqabeni yaseThire nakuwo onkhe emadolobha emaHivi, newemaKhenani. Ekugcineni base baya eBherisheba, eningizimu nelive lakaJuda.

Eksodusi 23:23

Lengilosi yami iyawuhamba ngembili kwenu iningenise eveni lema-Amori, nelemaHethi, nelemaPheresi, nelemaKhenani, nelemaHivi, nelemaJebhusi, mine-ke ngibacotfule baphele nya.

Eksodusi 23:31

Iminyele yenu ngitayibeka isuke eLwandle Lolubovu kuye eLwandle lwemaFilisti, kuye ehlane, kuze kufike emfuleni. Takhamiti talelive ngiyawutinikela esandleni senu, niyawubacitsa nibakhiphele ngephandle.

Eksodusi 3:17

Sengincumile kutsi ngitanikhipha ekuhluphekeni kwenu kwaseGibhithe nginimikise eveni lemaKhenani, nemaHethi, nema-Amori, nemaPheresi, nemaHivi, nemaJebhusi, live leligcwele lubisi, neluju lwetinyosi.” ’

Eksodusi 34:11

Lalelani lemiyalo lengininika yona lamuhla. Ngitatidvungulula ngitikhiphe kulelive tonkhe letive: ema-Amori, nemaKhenani, nemaHethi, nemaPheresi, nemaHivi, nemaJebhusi.

Numeri 13:29

Ema-Amaleki ahlala eningizimu nelive; emaHethi, nemaJebhusi, nema-Amori wona ahlala eveni letintsaba, emaKhenani ahlala ngaselwandle, nangasemfuleni iJordane.”

Numeri 34:6

“ ‘Umnyele wenu ngasenshonalanga kutawuba lugu lweLwandle Lolukhulu. Kuyawuba ngulowo-ke umnyele ngasenshonalanga.

Dutheronomi 1:7

Tfutsani, nichubekele etintsabeni tema-Amori, nakuto tonkhe leto tive letisedvutane, tase-Arabha, naletisetintsabeni, naletingaphansi kwetintsaba ngasenshonalanga, naletiseNegevu, lekuyiningizimu yelive, naletigudla lwandle, eveni lemaKhenani kuya kulaseLebanoni, kufike ngisho nasemfuleni lomkhulu iYufrathe.

Dutheronomi 3:25

Ngicela kwewela ngiyewubona lelive lelihle lelingesheya kweJordane, live lelihle letintsaba, kanye neLebanoni.’

Dutheronomi 4:49

lifake ekhatsi lonkhe live lase-Arabha ngasemphumalanga kweJordane, kuze kuyewufika eLwandle lwase-Arabha, ngaphansi kwemacele asePhisga.

Dutheronomi 7:1

“Simakadze Nkulunkulu wenu utaningenisa eveni lenitawuhlala kulo libe lenu. Utawucosha embikwenu letive letinyenti letikulo: emaHethi, nemaGirigashi, nema-Amori, nemaKhenani, nemaPheresi, nemaHivi, nemaJebhusi, tive letisikhombisa letinkhulu naletinemandla kunani.

Joshuwa 1:15

adzimate Simakadze abaphe kuphumula nabo, njengobe aniphile nani, baze balidle lelive Simakadze Nkulunkulu wenu labapha lona. Emvakwaloko-ke nine seningancandzeka nibuyele eveni lelisabelo senu, ngesheya kweJordane, kubheka ngasemphumalanga, live lenalinikwa nguMosi, inceku yaSimakadze.”

Joshuwa 1:4

Live lenu liyawujuba ngelihlane ligudle iLebanoni kuye emfuleni lomkhulu iYufrathe, lidzabule live lemaHethi, kudzimate kufike eLwandle Lolukhulu ngasenshonalanga.

Joshuwa 10:23

Ngako bawakhipha emgedzeni lamakhosi lasihlanu: inkhosi yaseJerusalema, neyaseHebroni, neyaseJamuthi, neyaseLakhishi kanye neyase-Egloni.

Joshuwa 11:17

kusuka eNtsabeni iHalaki, levele ngaseSeyiri, kuya eBhali Gadi eSihosheni saseLebanoni, ngaphansi kweNtsaba iHemoni. Watfumba onkhe emakhosi, wawahlasela, wawabulala.

Joshuwa 13:5

nelive lemaGebali; nayo yonkhe iLebanoni ngasemphumalanga, kusukela eBhali Gadi, ngaphansi kweNtsaba iHemoni, kuye eLebo Hamathi.

Joshuwa 15:12

Umnyele wangasenshonalanga kwakulusentse lweLwandle Lolukhulu. Ngiyo lena-ke iminyele leyayitungeleta sive sakaJuda, lusendvo ngelusendvo.

Joshuwa 22:4

Manje Simakadze Nkulunkulu wenu sewunike labanakenu kuphumula, njengobe etsembisa, ncandzekani nibuyele emakhaya enu eveni lenabelwa lona nguMosi, inceku yaSimakadze, ngesheya kweJordane.

Joshuwa 22:7

Lencenye yesive sakaManase Mosi abeyabele live laseBhashani, kwase kutsi lena lenye incenye yona wayabela live ngasenshonalanga kweJordane kanye nabomnakabo. Watsi kube Joshuwa ababuyisele ekhaya, wababusisa,

Joshuwa 23:4

Khumbulani kutsi ngitabele kanjani letive tenu ngalo lonkhe lelive lelisele, laletive lengitincobile, emkhatsini weJordane neLwandle Lolukhulu ngasenshonalanga.

Joshuwa 24:11

“ ‘Nabe senewela iJordane, nefika eJerikho, bantfu baseJerikho balwa nani, njengobe enta njalo nema-Amori, nemaPheresi, nemaKhenani, nemaHethi, nemaGirigashi, nemaHivi, nemaJebhusi; kodvwa ngabanikela esandleni senu.

Joshuwa 3:10

Joshuwa wachubeka watsi: “Nitakwati kanjena-ke kutsi Nkulunkulu lophilako usemkhatsini wenu nekutsi nakanjani utawucosha tive letinyenti embikwenu: emaKhenani, nemaHethi, nemaHivi, nemaPheresi, nemaGirigashi, nema-Amori kanye nemaJebhusi.

Joshuwa 3:17

Baphristi lababetfwele libhokisi lesivumelwane saSimakadze bema ekhatsi eJordane batsi zica, emhlabatsini lowomile, sonkhe sive sema-Israyeli sewela iJordane sihamba emhlabatsini lowomile, saze saphelela sonkhe.

Joshuwa 5:1

Atsi kube onkhe emakhosi ema-Amori ngasenshonalanga neJordane kanye nawo onkhe emakhosi emaKhenani elugwini lwelwandle eve kutsi Simakadze wayomisa kanjani iJordane embikwema-Israyeli saze sewela sonkhe, angenwa ngemanti emadvolweni, akaphindzanga aba nesibindzi sekubhekana nema-Israyeli.

Joshuwa 6:27

Ngako Simakadze waba naJoshuwa kuko konkhe, ludvumo lwakhe lwandza nalo lonkhe live.

Joshuwa 9:7

Emadvodza aka-Israyeli akhuluma kulamaHivi, atsi: “Kodvwa mhlawumbe nakhelene nje natsi. Singasenta kanjani sivumelwane nani?”