Joshuwa 8:4 - Siswati 1996 Bible

⁴ wawayala watsi: “Lalelani kahle. Kufanele lelidolobha nilihlasele ngekulinyonyobela ngemuva. Ningayi khashane nalo. Kufanele nonkhe nihlale niciphile.

Joshuwa 8:4 Referencias Cruzadas

2 Emakhosi 7:12

Inkhosi yavuka yagubulundlela ebusuku, yakhuluma etindvuneni tayo, yatsi: “Ngitanitjela kutsi emaSiriya akwenteleni loku. EmaSiriya ayati kutsi siyalamba, ngako ashiye lenkambu, ayawubhaca esigangeni, atsi: ‘Batawuphuma nome kanjani, sitabe sesibabamba beva singene ekhatsi edolobheni.’ ”

2 Tikhronike 13:13

Jerobowamu abesatfumele lamanye emasotja kutsi ayekuvimbetela lena ngemuva, khona kutawutsi ngesikhatsi bakaJuda basabheke ngakuye, lamasotja abe abavimbetela ngale ngemuva.

Umshumayeli 7:19

Kuhlakanipha kwenta umuntfu munye abe nemandla kakhulu kunebabusi belidolobha labalishumi.

Umshumayeli 9:16

Ngako enhlitiyweni yami ngatsi: “Kuhlakanipha kuncono kunetikhwepha.” Kodvwa lokuhlakanipha kwalomuntfu lomphofu kwatsatselwa phansi, nemavi akhe akazange anakwe ngumuntfu.

Imisebenti yebaPhostoli 23:21

Kodvwa ungavumi, ngobe kukhona emadvodza langetulu kwema-40 latawube amlalele endleleni atembulala. Asente nesifungo kutsi angeke akudle kudla, nekunatsa angeke anatse angakabulali Pawula. Njengamanje nje, asalungele kukwenta loko, aseme ngawe nje kutsi eve kutsi wena utsini.”

Joshuwa 8:16

Ngako bonkhe bantfu e-Ayi babutfwa kwatsiwa ababacoshe; kwatsi basacosha Joshuwa nemabutfo akhe, baphuma bonkhe edolobheni.

Joshuwa 8:3

Ngako Joshuwa waphuma kanye nayo yonkhe imphi yakhe, ayewuhlasela i-Ayi. Wakhetsa emadvodza latingwazi aba ti-30 000, wawakhipha ebusuku,

Tikhulu 20:29

Ngako baka-Israyeli babhacisa emadvodza, atungeleta iGibeya.

Tikhulu 20:33

Onkhe emadvodza aka-Israyeli aphuma etindzaweni tawo, ayakuma ngetindzawo tawo eBhali Thamari nalaba bebabhacile baka-Israyeli baphuma endzaweni yabo ngasenshonalanga neGeba.

Tikhulu 20:36

BakaBhenjamini base bayabona kutsi sebayehlulwa. Lamadvodza aka-Israyeli abebavulele indlela laba bakaBhenjamini, ngobe abetsembe laba bakubo lababebhacile emvakweGibeya.

Tikhulu 9:25

Takhamiti taseShekhemu tacipha Abimeleki ngekubeka emadvodza eticongweni tetintsaba kutsi alalele kukhuthuza nekugebenga bonkhe bantfu lababendlula lapho; loko kwabikwa ku-Abimeleki.

Tikhulu 9:32

Ngako-ke kubotsi ebusuku wena nebantfu bakho nite nitewubalalela ematsafeni.

1 Samuweli 15:2

Naku lokushiwo nguSimakadze longuSomandla, utsi: ‘Ema-Amaleki ngitawajezisa ngenca yaloko lakwenta kuma-Israyeli ngekuwalalela endleleni, nakaphuma eGibhithe.

1 Samuweli 15:5

Sawula wahamba waya kulelidolobha lema-Amaleki, wafike wabhaca esihosheni.