Joshuwa 8:33 - Siswati 1996 Bible

³³ Bonkhe baka-Israyeli, betive nebemdzabu ngalokufananako, nebaholi babo, netindvuna tabo, netikhulu, babeme ngala nangala kwelibhokisi lesivumelwane saSimakadze, bonkhe babheke ngakulaba babeletfwele, baphristi lababengemaLevi. Incenye yesive yayime embikweNtsaba iGerizimu, lenye ime embikweNtsaba i-Ebhali, njengobe Mosi, inceku yaSimakadze, abebayalile ngaphambili, ngesikhatsi enta umlayeto wekubusisa sive sema-Israyeli.

Joshuwa 8:33 Referencias Cruzadas

Eksodusi 12:49

Niyawuba nemtsetfo munye nine ma-Israyeli ekutalwa nalabo labangumsinsi wekumbelwa labakhe emkhatsini wenu.”

Levithikusi 24:22

Niyawuba nemtsetfo munye nonkhe, umuntfu wetive nome wekutalwa. NginguSimakadze, Nkulunkulu wenu.’ ”

Numeri 15:15

Sive siyawuba nemtsetfo lofananako: wenu kanye newebetive labahlala emkhatsini wenu. Leso-ke simiso setitukulwane ngetitukulwane. Nine nebetive niyawufanana embikwaSimakadze.

Numeri 15:16

Imitsetfo nemiyalo yenu iyawusebenta ngalokufananako kini nakubetive labasemkhatsini wenu.’ ”

Numeri 15:29

Lowo mtsetfo wekona ngesiphosiso uyawusebenta ngalokufananako, nome ngabe kone um-Israyeli wekutalwa nome ngabe wetive.

Johane 4:20

Bokhokho betfu bemaSamariya bebakhonta Nkulunkulu kuyo lentsaba, nine maJuda-ke nitsi iseJerusalema indzawo lapho kufanele kukhontelwe Nkulunkulu khona.”

Dutheronomi 11:29

Ngesikhatsi Simakadze Nkulunkulu wenu aniletsa kulelive leningena kulo kutsi nitewulidla, tibusiso niyawutimemetela eNtsabeni iGerizimu, ticalekiso nitimemetele eNtsabeni i-Ebhali.

Dutheronomi 31:12

Hlanganisani sonkhe sive, emadvodza, nebafati, nebantfwana kanye nebetive labahlala emadolobheni enu, khona batewulalela bafundze nekwesaba Simakadze Nkulunkulu wenu. Nibowalandzela ngekucophelela lokukhulu onkhe lamavi alomtsetfo.

Dutheronomi 31:25

wabe sewunika lomyalo kumaLevi labenguwona etfwala libhokisi lesivumelwane saSimakadze, watsi:

Dutheronomi 31:9

Ngako-ke Mosi wawubhala phansi lomtsetfo, wase uwunika baphristi, emadvodzana aLevi, labetfwala libhokisi lesivumelwane saSimakadze, nabo bonkhe baholi besive saka-Israyeli.

Joshuwa 23:2

wabita onkhe ema-Israyeli: tibondza tawo, nebaholi bawo, netikhulu, kanye netindvuna, wakhuluma kuwo, watsi: “Sengimdzala kantsi futsi sengikhulile nangeminyaka.

Joshuwa 24:1

Joshuwa wase uhlanganisa tonkhe tive taka-Israyeli eShekhemu. Wabita tonkhe tibondza, nebaholi, nebehluleli kanye netiphatsimandla taka-Israyeli, batetfula bona matfupha embikwaNkulunkulu.

Joshuwa 3:14

Kwatsi sive nasitfutsa emathende aso kutsi sitekwewela iJordane, baphristi lababetfwele libhokisi lesivumelwane bahamba embikwaso.

Joshuwa 3:3

bamemetela esiveni, batsi: “Nibotsi ningabona libhokisi lesivumelwane saSimakadze Nkulunkulu wenu letfwelwe baphristi labangemaLevi, bese niyatfutsa etindzaweni tenu nililandzele.

Joshuwa 3:6

Joshuwa wakhuluma kubaphristi, watsi: “Tsatsani libhokisi lesivumelwane, newele kucala embikwebantfu.” Ngako balitsatsa lelibhokisi lesivumelwane, bahamba embikwebantfu.

Joshuwa 4:10

Baphristi lababetfwele libhokisi lesivumelwane babemile ekhatsi nemfula iJordane, kwaze kwaphela konkhe loko Simakadze labekutjele Joshuwa kutsi akutjele sive; ngiko loko-ke Mosi labekutjele Joshuwa. Sive saphutfuma sewela ngekushesha,

Joshuwa 4:18

Baphristi bakhuphuka emfuleni betfwele libhokisi lesivumelwane saSimakadze. Batsi nabatsi catsatsa ngesheya, emanti emfula iJordane abuyela ageleta, agola tintsetse njengakucala.

Joshuwa 6:6

Ngako Joshuwa, umsa waNuni, wabita baphristi wakhuluma kubo, watsi: “Tsatsani libhokisi lesivumelwane saSimakadze, bese kutsi baphristi labasikhombisa baphatse emacilongo lasikhombisa embikwalo.”