Joshuwa 8:14 - Siswati 1996 Bible

¹⁴ Kwatsi inkhosi yase-Ayi nayikubona loko, yona kanye nawo onkhe emadvodza elidolobha, ashesha aphutfuma ekuseni ngeluvivi kuyawuhlasela ema-Israyeli endzaweni letsite lephakeme yengama i-Arabha. Kodvwa beyingati kutsi kukhona lababebhace emvakwelidolobha.

Joshuwa 8:14 Referencias Cruzadas

Umshumayeli 9:12

Ngetulu kwaloko kute umuntfu lowatiko kutsi sikhatsi sakhe siyawufika nini: Njengenhlanti ibanjwa enetheni, nenyoni igcotjwa sifu, kanjalo nebantfu babanjwa kufikelwa tikhatsi letimbi bangakaticapheli.

Isaya 19:11

Tiphatsimandla taseSowani atisilo lutfo, kuphela nje, titibhungayeti; beluleki labahlakaniphile bakaFaro beluleka ngeteluleko letingenangcondvo. Ungasho kanjani kuFaro utsi: “Ngingulomunye walabahlakaniphile, intalo yemakhosi akadzeni”?

Isaya 19:13

Tiphatsimandla taseSowani setitibhungayeti, baholi baseMemfisi sebakhohlisiwe; imisumphe yebantfu bakhona seyedukise lonkhe live laseGibhithe.

Danyela 4:31

Emavi abesesemlonyeni wayo, nayiva livi liphuma ezulwini, litsi: “Naku lese kumiselwe wena, nkhosi Nebukhadnezari: Emandla ebukhosi bakho asatsetfwe kuwe.

Matewu 24:39

abazange bati, kwaze kwefika zamcolo wabacedza, kuyawuba njalo nekufika kweNdvodzana yeMuntfu.

Matewu 24:50

inkhosi yaleso sisebenti iyawufika ngalelo langa, leso sisebenti singakayibheki, nangesikhatsi lesingasati.

Dutheronomi 1:1

Lawa-ke ngemavi aMosi lawakhuluma kuso sonkhe sive sema-Israyeli basesehlane ngasemphumalanga nemfula iJordane, e-Arabha, macondzana neSufi, emkhatsini wePharani neThofeli, neLabani, neHaserothi, neDizahabi.

Joshuwa 8:13

Bemisa emabutfo etindzaweni tawo onkhe, lawo labesenkambu ngasenyakatfo nelidolobha, kwatsi lawo labebhacisiwe aba ngasenshonalanga kwalo. Ngalobo busuku Joshuwa wehlela esihosheni.

Joshuwa 8:15

Joshuwa kanye nemabutfo akhe aka-Israyeli benta shangatsi bayabaleka bacondza ngasehlane.

Joshuwa 8:16

Ngako bonkhe bantfu e-Ayi babutfwa kwatsiwa ababacoshe; kwatsi basacosha Joshuwa nemabutfo akhe, baphuma bonkhe edolobheni.

Joshuwa 8:5

Mine-ke kanye nabo bonkhe labatawube bahamba nami sitalisukela lelidolobha, atawutsi emadvodza akhona natsi ayasisukela, njengobe enta nakucala, siwabalekele.

2 yaPhetro 2:3

Ngenca yebudli babo bayawutsengiselana ngani ngemavi ebucili. Kusukela emandvulweni kulahlwa kwabo akulibali, nekubhujiswa kwabo akweteli.

Tikhulu 20:37

Lamadvodza labebhacile aphutfuma aya eGibeya, ahlakaka, ayihlamahlama iGibeya, abulala lonkhe lidolobha ngelusiko lwenkemba.