Joshuwa 6:23 - Siswati 1996 Bible

²³ Ngako letinsizwa letimbili letatitinhloli tangena, tafike tatsatsa boRahabi, neyise, nenina, nabomnakabo, nabo bonkhe lababenaye, netihlobo takhe tonkhe. Bafike babashiya ngaphandle eceleni kwenkambu yema-Israyeli.

Joshuwa 6:23 Referencias Cruzadas

Genesisi 12:2

Ngitakwenta ube sive lesikhulu, ngikubusise, ngente libito lakho libe likhulu, wena ube sibusiso.

Genesisi 18:24

Nangabe-ke kulelidolobha kukhona labalungile labangema-50, utawulibhubhisa yini? Ungete walisindzisa yini ngenca yalaba labalungile labangema-50?

Genesisi 19:29

Ngako-ke Nkulunkulu nakabhubhisa lamadolobha alawo matsafa, wakhumbula Abrahama ngekutsi akhiphe Loti ekubhujisweni kwalamadolobha, Loti labehlala kuwo.

Numeri 31:19

“Nonkhe nine lenibulele umuntfu nome lenitsintse sidvumbu nifanele nihlale ngephandle kwenkambu, kuze kuphele emalanga lasikhombisa. Ngelilanga lesitsatfu nelesikhombisa kufanele nitihlambulule kanye nalabo lenibatfumbile.

Imisebenti yebaPhostoli 10:28

Watsi kubo: “Nani matfupha niyati kutsi umJuda akavunyelwa yinkholo yakhe kutsi avakashele nome atihlanganise nebetive. Kodvwa Nkulunkulu ungikhombisile kutsi angifanele kusho kutsi umuntfu ungcolile nome akahlanteki.

Imisebenti yebaPhostoli 27:24

yatsi: ‘Ungesabi, Pawula, ufanele ume embikwaKhesari; Nkulunkulu ukunikile bonkhe laba lohamba nabo.’

1 kubaseKorinthe 5:12

Kodvwa vele ngabe nginandzabani nekwehlulela labangephandle? Akusilaba labangekhatsi yini labamele kwehlulelwa?

Kubase-Efesu 2:12

Nikhumbule nekutsi ngaleto tikhatsi benehlukanisiwe naKhristu, ningephandle kwembuso waka-Israyeli, nitihambi letite sabelo etivumelwaneni tesetsembiso, nite litsemba, nite naNkulunkulu emhlabeni.

KumaHebheru 11:31

Ngekukholwa Rahabi, ingwadla, akabulawanga kanye nalabo lababengakholwa, ngobe wemukela tinhloli tema-Israyeli ngemoya lomuhle.

KumaHebheru 11:7

Ngekukholwa Nowa walalela tecwayiso taNkulunkulu ngetintfo letatingakabonakali letatitakwenteka. Walalela Nkulunkulu ngekwakha umkhumbi wekuphephisa umndeni wakhe. Ngekukholwa wadalula bubi belive, wase uba yindlalifa yekulunga lokutfolakala ngekukholwa.

Joshuwa 2:13

sekutsi nase nisihlasela, ningeke nimbulale babe, namake, nabomnaketfu, nabodzadzewetfu kanye nemindeni yabo, kodvwa nisephule ekufeni.”

Joshuwa 2:16

Watiyalisisa watsi: “Hambani nicondze ngasetintsabeni, funa laba labanicoshako bahlangane nani. Nibobhaca khona, kudzimate kuphele emalanga lamatsatfu, baze bancandzeke. Emvakwaloko bese niyahamba-ke.”

Joshuwa 2:18

ngaphandle kwekutsi wente naku: Nase silingenela lelive lenu, wena ubobopha lentsambo lebovu efasitelweni losikhiphe ngalo. Uyihlo, nenyoko, nabomnakenu, nabo bonkhe bemndeni weyihlo, ubobacocela ndzawonye lapha endlini yakho.

Tikhulu 1:25

Ngako lendvodza yabakhombisa lelo dolobha; balibhubhisa ngelusiko lwenkemba, kodvwa lendvodza bayiyekela kanye nemndeni wayo wonkhe.