Joshuwa 6:21 - Siswati 1996 Bible

²¹ Babhubhisa konkhe lokwakungekhatsi kwelidolobha, emadvodza nebafati, labancane nalabadzala, tinkhomo, netimvu, netimbongolo, ngelusiko lwenkemba.

Joshuwa 6:21 Referencias Cruzadas

1 Emakhosi 20:42

Wakhuluma enkhosini watsi: “Naku-ke lokushiwo nguSimakadze: ‘Sewukhulule lomuntfu bengitsite akafe, ngako loko utakukhokha ngemphilo yakho, nesive sakho sitawubhujiswa ngenca yekuyekela lamabutfo akakhe.’ ”

Jeremiya 48:18

“Yehlani ekubabatekeni kwenu nihlale emhlabatsini logagadzekile, awu, nine takhamiti taseDiboni, ngobe lowo lobhubhisa Mowabi utanisukela nani, atewubhidlita emadolobha enu labiyelwe.

Dutheronomi 13:16

Butsani konkhe loko lokuphangwe kulo nikubutsele ndzawonye enkhundleni yelidolobha, nilishise lonkhe lelo dolobha kanye nemphango yalo kube ngumnikelo wekushiswa samuku kuSimakadze Nkulunkulu wenu. Liyawusala litindzala phakadze naphakadze, aliseyiwuphindze lakhiwe kabusha.

Dutheronomi 2:34

Ngaleso sikhatsi sawatsatsa onkhe emadolobha akhe, sawabhubhisa onkhe, nemadvodza, nebafati, nebantfwana. Akuzange kusale ngisho namunye.

Dutheronomi 7:16

Kufanele nibhubhise tonkhe leto tive Simakadze Nkulunkulu wenu lataninika tona. Ningatihawukeli ningabakhonti ngisho nabonkulunkulu bato, ngobe loko kuyawuba lugibe kini.

Joshuwa 10:28

Ngalelo langa Joshuwa wahlasela wadla iMakheda. Wahlasela lidolobha layo nenkhosi yakhona; wabagwaza bonkhe, kwabate namunye lowaphunyula. Washiya kute muntfu. Wenta enkhosini yaseMakheda njengobe enta enkhosini yaseJerikho.

Joshuwa 10:39

Badla lelidolobha, batfumba inkhosi yalo nemiti yalo, bonkhe labo bantfu babagwaza, bafa. Babulala bonkhe lababekulelo dolobha bangete bashiya lutfo. Benta eDebiri nasenkhosini yayo njengobe benta kubaseLibna nasenkhosini yayo kanye naseHebroni.

Joshuwa 11:11

Bonkhe bantfu lababelapho badliwa lusiko lwenkemba. Joshuwa wababhubhisa bonkhe, wangete washiya ngisho nakunye lokuphefumulako, wase ushisa iHasori ngemlilo.

Joshuwa 11:14

Ema-Israyeli atitsatsela yonkhe imphango kanye netifuyo talamadolobha; kodvwa bonkhe bantfu babacedza ngelusiko lwenkemba, baze baphela bonkhe, kwabate ngisho namunye lowasala aphila.

Joshuwa 8:2

Uyakwenta kuyo i-Ayi nenkhosi yayo njengobe wenta kuyo iJerikho nenkhosi yayo, ngaphandle kwekutsi khona ningatitsatsela imphango netifuyo. Linyonyobeleni lelidolobha, nilihlasele, nilichamukela ngemuva.”

Joshuwa 8:22

Lamabutfo labebhacile nawo aphuma edolobheni endlulela kulemphi ahlasela laba base-Ayi; ngako abahlanganisa ekhatsi, kwaba yimphi yema-Israyeli ngemuva nangembili. Baka-Israyeli babashaya babacotfula, kwangete kwaphunyula muntfu.

Joshuwa 9:3

Kodvwa satsi sive saseGibeyoni kube sive kutsi Joshuwa kanye nema-Israyeli wentani eJerikho nase-Ayi,

Sembulo 18:21

Kwase kusuka ingilosi lenemandla yatsatsa inguzanguza yelitje lelingangelekusila, yalijikijela elwandle, ikhuluma itsi: “Iyakwentiwa njalo-ke neBhabhulona, lidolobha lelikhulu, iyawujikijelwa phansi ngemandla lamakhulu, ilahlwe, ingaphindzi ibonakale.

1 Samuweli 15:3

Hamba manje uyewuhlasela ema-Amaleki, ubhubhise yonkhe intfo yawo. Ungawashiyi aphila: bulala emadvodza, nebafati, nebantfwana, netinswane, netinkhomo, netimvu, nemakamela kanye netimbongolo.’ ”

1 Samuweli 15:8

Watfumba Agagi, inkhosi yema-Amaleki, isaphila, kwatsi sive sakhe sonkhe wasibhubhisa ngenkemba.