Joshuwa 6:19 - Siswati 1996 Bible

¹⁹ Yonkhe igolide, nesiliva kanye netintfo letentiwe ngelitfusi nangensimbi tehlukaniselwe Simakadze, ngako kufanele timikiswe endlini yakhe yengcebo.”

Joshuwa 6:19 Referencias Cruzadas

2 Samuweli 8:11

Inkhosi Davide letintfo yatinikela kuSimakadze, njengobe beyentile nangaleti tesiliva, nangetegolide letatiphuma kuto tonkhe tive beyitincobile, yatitfumba:

1 Emakhosi 14:26

Watfumba yonkhe ingcebo yasethempelini laSimakadze neyasesigodlweni. Watsatsa konkhe, ngisho nawo onkhe emahawu egolide labentiwe nguSolomoni imbala.

1 Emakhosi 7:51

Kwatsi nase kuphele wonkhe umsebenti inkhosi Solomoni labewentele lithempeli laSimakadze, wase ungenisa ngekhatsi tonkhe tintfo letatinikelwe nguyise, Davide. Bekuyisiliva, negolide, nato tonkhe timphahla. Wakubeka konkhe endlini yengcebo ethempelini laSimakadze.

2 Emakhosi 24:13

Njengobe Simakadze abeshito, Nebukhadnezari watsatsa yonkhe ingcebo, wayisusa ethempelini laSimakadze nasesigodlweni senkhosi, watitsatsa tonkhe leto timphahla tegolide letatentiwe nguSolomoni, inkhosi yaka-Israyeli, latentela lithempeli laSimakadze.

1 Tikhronike 18:11

Inkhosi Davide letintfo yatinikela kuSimakadze, njengobe beyentile nangaleti tesiliva, nangetegolide letatiphuma kuto tonkhe letive beyitincobile yatitfumba: ema-Edomu, nemaMowabi, nema-Amoni, nemaFilisti kanye nema-Amaleki.

1 Tikhronike 26:20

EmaLevi lamanye abephatsa ingcebo yendlu yaNkulunkulu nengcebo yetintfo letinikelwe kuNkulunkulu.

1 Tikhronike 26:26

Shelomithi netihlobo takhe babeciza yonkhe ingcebo yetintfo letatinikelwe kuNkulunkulu yinkhosi Davide nebaholi bemindeni, netindvuna tetinkhulungwane netemakhulu kanye naletinye tindvuna temabutfo.

1 Tikhronike 26:27

Lenye imphango leyayidliwe emphini bayinikelela kutsi kulungiswe ngayo kabusha lithempeli laSimakadze.

1 Tikhronike 26:28

Konkhe lokwakunikelwe nguSamuweli, umboniswa, kanye naSawula, umsa waKhishi, na-Abneri, umsa waNeri, naJowabe, umsa waSeruya, kanye nato tonkhe tintfo letatinikelwe tatisesandleni saShelomithi netihlobo takhe.

1 Tikhronike 28:12

Wamnika emapulani ako konkhe lekwakubekwe nguMoya engcondvweni yakhe macondzana netibuya telithempeli laSimakadze kanye nawo onkhe emakamelo lalitungeletile, newetindlu tengcebo yasethempelini laNkulunkulu, kanye newetindlu tengcebo yetintfo letinikelwe.

2 Tikhronike 15:18

Wangenisa ethempelini laNkulunkulu isiliva negolide kanye netintfo letatinikelwe nguye baneyise.

2 Tikhronike 31:12

Bantfu bayiletsa ngekwetsembeka lokukhulu iminikelo, nekwelishumi kanye netipho letatinikelwe. Khonaniya, umLevi, abengamele tonkhe letintfo; umsiti wakhe bekunguShimeyi, umnakabo.

Nehemiya 10:38

Umphristi loyintalelwane ya-Aroni uyawuphekeletela emaLevi ngesikhatsi agcogca kwelishumi. EmaLevi kufanele nawo aletse kwelishumi kuko konkhe lokukwelishumi akuletse endlini yaNkulunkulu wetfu, etingungwini tasendlini yengcebo.

Jeremiya 38:11

Ngako Ebedi Meleki watsatsa emadvodza wahamba nawo, bangena endlini leyayingaphansi kwendlu yengcebo yasesigodlweni senkhosi. Watsatsa emanikiniki netidvwedvwe, wakwehlisa netindophi taya kuJeremiya emgodzini.

Levithikusi 19:24

Ngemnyaka wesine tonkhe titselo taso tiyawube setingcwele, setingumnikelo wekudvumisa kuSimakadze.

Mikha 4:13

Simakadze utsi: “Sive saseJerusalema, hambani nijezise titsa tenu, nitibhule njengemabele! Ngiyakunenta nibe nemandla njengenkunzi lenetimphondvo letiyinsimbi ibe nemasondvo elitfusi. Niyawucotfula tive letinyenti, bese kutsi umcebo letatiwutfole ngendluzula niwuletse kimi, mine Simakadze, iNkhosi yemhlaba wonkhe.”

Numeri 31:11

Batfumba tonkhe timphahla tekwembatsa, nekudla, nebantfu, netifuyo.

Numeri 31:12

Baletsa imphango nebatfunjwa kuMosi na-Eleyazare, umphristi, nakulo lonkhe libandla lema-Israyeli enkambu yabo ematsafeni akaMowabi, edvute nemfula iJordane macondzana neJerikho.

Numeri 31:22

Igolide, nesiliva, nelitfusi, nensimbi, nemfimfi, nemtfofu,

Matewu 27:6

Baphristi labakhulu bayicobonga lemali batsi: “Lemali ngeyengati, kantsi kuphambene nemtsetfo wakitsi kutsi imali lenje ifakwe esikhwameni selithempeli.”

Makho 12:41

Jesu wahlala phansi macondzana nelibhokisi leminikelo, wabukela ticuku tinikela tifaka timali ebhokisini. Labanyenti lababenjingile bafaka timali letinkhulu.

Joshuwa 7:11

Baka-Israyeli bonile; basephulile sivumelwane sami lengabayala ngaso kutsi basigcine. Batsetse letinye tetintfo bekufanele tibhujiswe; bebile, bacale emanga, letintfo labatebile batihlanganise netimphahla tabo.