Joshuwa 4:19 - Siswati 1996 Bible

¹⁹ Ngelilanga lelishumi enyangeni yekucala, sive sakhuphuka emfuleni iJordane sayawumisa eGilgali ngasemnyeleni waseJerikho longasemphumalanga.

Joshuwa 4:19 Referencias Cruzadas

2 Emakhosi 2:1

Watsi Simakadze nasatawutsatsa Elija amenyusele ezulwini ngesiwunguwungwana, bo-Elija na-Elisha babesendleleni lephuma eGilgali.

Amose 4:4

Simakadze utsi: “Sive saka-Israyeli, hambani niye eBetheli, indzawo lengcwele, niyekona, nichubeke niye eGilgali, nandzise khona tono tenu, njengobe nitsandza kwenta. Onkhe emalanga ekuseni niletse imihlatjelo yenu, bese kutsi kanye ngeminyaka lemitsatfu niletse kwelishumi kwenu.

Amose 5:5

Ningangifuni eBetheli, ningayi naseGilgali, ningayi ngisho naseBherisheba. Ngobe iGilgali ngempela itawudzingiswa, kutsi iBetheli incishiswe ize ibe lite.”

Mikha 6:5

Sive sami, khumbulani inkhosi Bhalaki waseMowabi kutsi abefuna kwentani kini; nikhumbule nekutsi Bhalamu, umsa waBheyori, wamphendvula kanjani. Khumbulani konkhe lokwanehlela endleleni nisuka emathendeni aseShithimu niya eGilgali. Khumbulani yonkhe imisebenti yaSimakadze, khona-ke nitabe seniyabona kutsi ngatihlupha kanganani kuze nginisindzise.”

Dutheronomi 1:3

Ngemnyaka wema-40, ngelilanga lekucala enyangeni yeli-11, kusukela baphuma eGibhithe, Mosi wakhuluma kuma-Israyeli konkhe loko Simakadze labemyale ngako kutsi awatjele kona, lokumacondzana nawo.

Dutheronomi 11:30

Letintsaba leti tingesheya kweJordane ngasenshonalanga kwemgwaco loya lapho kushona ngakhona lilanga, eceleni kwetihlahla letikhulu taseMore, eveni lalawo maKhenani labehlala e-Arabha esigodzini saseGilgali.

Joshuwa 10:43

Joshuwa wabe sewuyancandzeka-ke kanye nawo onkhe ema-Israyeli, babuyela enkambu leyayiseGilgali.

Joshuwa 10:6

EmaGibeyoni atfumela livi kuJoshuwa enkambu leyayiseGilgali, atsi: “Ungatilahli tinceku takho. Phutfuma ute kitsi masinyane utesisindzisa, sisite, ngobe onkhe emakhosi ema-Amori asahlangene ngatsi; onkhe emakhosi elive letintsaba asihlasele.”

Joshuwa 15:7

Umnyele wawenyuka ucondze eDebiri, eSihosheni sase-Akhori, ugucukele ngasenyakatfo eGilgali, lebhekene neMsaho wase-Adumimu eningizimu neMsaho. Wawuchubeka ugudle eManti ase-Eni Shemeshi, uze ufike e-Eni Rogeli.

Joshuwa 24:11

“ ‘Nabe senewela iJordane, nefika eJerikho, bantfu baseJerikho balwa nani, njengobe enta njalo nema-Amori, nemaPheresi, nemaKhenani, nemaHethi, nemaGirigashi, nemaHivi, nemaJebhusi; kodvwa ngabanikela esandleni senu.

Joshuwa 4:18

Baphristi bakhuphuka emfuleni betfwele libhokisi lesivumelwane saSimakadze. Batsi nabatsi catsatsa ngesheya, emanti emfula iJordane abuyela ageleta, agola tintsetse njengakucala.

Joshuwa 5:10

Entsambama ngelilanga leli-14 enyangeni, atsi ema-Israyeli asemise eGilgali, ematsafeni aseJerikho, agubha umkhosi weliPhasika.

Joshuwa 5:9

Simakadze wakhuluma kuJoshuwa, watsi: “Lamuhla ngiligocotile ngalisusa lonkhe lihlazo laseGibhithe kini.” Ngako-ke lendzawo yabitwa ngekutsi yiGilgali kuze kube ngulamuhla.

Joshuwa 9:6

Esuka acondza kuJoshuwa enkambu leyayiseGilgali, afike atsi kuye nakulamadvodza aka-Israyeli: “Siphuma eveni lelikhashane kakhulu; yentani sivumelwane natsi.”

1 Samuweli 10:8

“Hamba embikwami wehlele eGilgali. Ngitakulandzela ngite kuwe ngitekwenta umnikelo wekushiswa nemnikelo wekuthula, kodvwa wena kufanele ungilindzele emalanga lasikhombisa, ngize ngifike kuwe ngikutjele lofanele kutsi ukwente.”

1 Samuweli 15:33

Kodvwa Samuweli wakhuluma kuye, watsi: “Njengobe inkemba yakho yacotfula bantfwana bebafati, kanjalo nenyoko naye utakwentiwa angabi naye umntfwana emkhatsini webafati.” Samuweli wahlahlela Agagi embikwaSimakadze eGilgali.