Joshuwa 3:8 - Siswati 1996 Bible

⁸ Utawutjela baphristi labetfwele libhokisi lesivumelwane, utsi: ‘Nibotsi nanifika elusentseni lwemanti emfula iJordane, nime, ningene, bese niyema ekhatsi emfuleni iJordane.’ ”

Joshuwa 3:8 Referencias Cruzadas

2 Emakhosi 2:6

Elija wakhuluma ku-Elisha, watsi: “Ngicela usale lapha; Simakadze usangitfume eJordane.” Elisha wamphendvula, watsi: “Ngifunga ngekuphila kwaSimakadze nangekwakho, ngitsi ngingeke ngikushiye.” Ngako bahambisana bobabili.

2 Tikhronike 29:15

Lamadvodza atsi kube ahlanganise ndzawonye bomnakabo atingcwelisa, ase ayangena ayawuhlambulula lithempeli laSimakadze, njengobe inkhosi yayiyalile, ngekulandzela livi laSimakadze.

2 Tikhronike 29:27

Hezekiya wakhipha umyalo kutsi kwentiwe umnikelo wekushiswa etikwelilati. Kwatsi kusacala umnikelo, nekuhlabelela Simakadze kwacala kuhambisana nekushaywa kwemacilongo netingubhu taDavide, inkhosi yaka-Israyeli.

2 Tikhronike 29:30

Inkhosi Hezekiya kanye netiphatsimandla takhe bayala emaLevi kutsi advumise Simakadze ngemavi aDavide kanye newa-Asafa, umboniswa. Ngako bahlabela tingoma tekudvumisa bajabulile, bakhotsamisa tinhloko tabo bakhonta.

2 Tikhronike 30:12

NakaJuda sandla saNkulunkulu sasisetikwebantfu kutsi sibanike bunye bengcondvo ekwenteni loko inkhosi netiphatsimandla tayo babetsite akwentiwe, ngekulandzela livi laSimakadze.

Nehemiya 13:22

Ngase ngitjela emaLevi kutsi akatihlambulule ahambe ayewuciza emasango, kuze agcine liSabatha lingcwele. Nangenca yaloko ngikhumbule, Nkulunkulu wami, ungihawukele njengekwelutsandvo lwakho lolukhulu.

Nehemiya 13:28

Lomunye wemadvodzana aJoyada, umsa wa-Eliyashibi, umPhristi Lomkhulu, abengumkhwenyana waSanbalati, umHoroni. Ngamcosha lapha kimi.

Eksodusi 14:13

Mosi wabaphendvula watsi: “Ningesabi, manini sibindzi, nicine, nitawubona kusindzisa kwaSimakadze latanentela kona lamuhla. LamaGibhithe leniwabonako lamuhla aniseyiwuphindze niwabone futsi.

Sililo 3:26

Kuhle kuyilindzela ngekuthula nangekubeketela insindziso yaSimakadze.

Joshuwa 3:17

Baphristi lababetfwele libhokisi lesivumelwane saSimakadze bema ekhatsi eJordane batsi zica, emhlabatsini lowomile, sonkhe sive sema-Israyeli sewela iJordane sihamba emhlabatsini lowomile, saze saphelela sonkhe.

Joshuwa 3:3

bamemetela esiveni, batsi: “Nibotsi ningabona libhokisi lesivumelwane saSimakadze Nkulunkulu wenu letfwelwe baphristi labangemaLevi, bese niyatfutsa etindzaweni tenu nililandzele.

Joshuwa 3:7

Nkulunkulu wakhuluma kuJoshuwa, watsi: “Lamuhla wena ngitakuphakamisa embikwaso sonkhe sive saka-Israyeli, kuze sati kutsi njengobe nganginaye Mosi, nawe ngiyawuba nawe.

Joshuwa 3:9

Joshuwa wakhuluma esiveni saka-Israyeli, watsi: “Wotani la nitewuva kutsi Simakadze Nkulunkulu wenu utsini.”

Joshuwa 4:11

satsi nase sewele sonkhe saphelela, libhokisi lesivumelwane saSimakadze nebaphristi bakhuphukela ngesheya bonkhe bantfu babuka.