Joshuwa 24:33 - Siswati 1996 Bible

³³ Eleyazare, umsa wa-Aroni, wafa wangcwatjwa eGibeya, live lelalabelwe umsa wakhe, Finehasi, eveni letintsaba kulaka-Efrayimu.

Joshuwa 24:33 Referencias Cruzadas

2 Samuweli 20:21

Akusiyo injongo yetfu leyo. Kukhona indvodza lekutsiwa nguSheba, umsa waBikri, wekutalwa eveni letintsaba kulaka-Efrayimu, uphakamisele inkhosi sandla, wavukela Davide. Khiphani lowo muntfu, yena yedvwa, ngitawube sengiyaliyekela-ke lelidolobha.” Lomfati watsi kuJowabe: “Sitanijikela inhloko yakhe lapha etulu elubondzeni.”

1 Emakhosi 4:8

Lawa-ke ngemabito ato letikhulu: Bheni Huri abesikhulu saseveni letintsaba, kulaka-Efrayimu.

2 Emakhosi 5:22

Gehazi waphendvula, watsi: “Cha, kute lokonakele, konkhe kuhamba kahle; intfo nje, inkhosi yami ingitfume kuwe kutsi ngibofike ngitsi: ‘Emajaha lamabili labephuma kulabanye baphrofethi efike lapha kulaka-Efrayimu. Ngicela kutsi ubanike tinhlavu tesiliva letingemakhilogremu langaba ngema-34 netimphahla letinhle letimbili tekuntjintja.’ ”

Ezra 7:5

umsa wa-Abishuwa, umsa waFinehasi, umsa wa-Eleyazare, umsa wa-Aroni, umPhristi Lomkhulu,

Jobe 30:23

Ngiyati kutsi uyawungehlisela phansi kulabafile, endzaweni lemiselwe bonkhe labaphilako.

Tihlabelelo 49:10

Yebo, wonkhe umuntfu uyabona kutsi netihlakaniphi tiyafa njengobe tilima netiphukuphuku tifa, tishiye ingcebo yato kutsi idliwe ngulabanye.

Eksodusi 6:23

Aroni watsatsa Elisheba, indvodzakati ya-Aminadabi, dzadzewaboNasoni. Wamtalela Nadabi, na-Abihu, na-Eleyazare, na-Ithamari.

Eksodusi 6:25

Eleyazare, umsa wa-Aroni, watsatsa indvodzakati yaPhutiyeli; wamtalela Finehasi. Ngito leti-ke tinhloko tetindlu temaLevi ngemindeni yato.

Zakhariya 1:5

Baphi labokhokho benu nyalo? Labaphrofethi benu bona baphila kuze kube nguphakadze yini?

Numeri 3:32

Umholi lomkhulu wemaLevi bekungu-Eleyazare, umsa wa-Aroni, umphristi. Wakhetselwa kutsi engamele bonkhe labo babenakekela indzawo lengcwele.

Imisebenti yebaPhostoli 13:36

“Phela Davide wenta intsandvo yaNkulunkulu ngesikhatsi sekuphila kwakhe; wase uyafa, wembelwa eceleni kwabokhokho bakhe, wabola;

KumaHebheru 7:24

Kodvwa buphristi baJesu abupheli, ngobe yena uhlala akhona kuze kube phakadze.

Joshuwa 14:1

Leti-ke tindzawo ema-Israyeli labelwa tona taba lifa lawo eveni laseKhenani, lekwatsi Eleyazare, umphristi, naJoshuwa, umsa waNuni, nebaholi betive taka-Israyeli bawabela tona.

Joshuwa 22:13

Ema-Israyeli atfumela Finehasi, umsa wa-Eleyazare, umphristi, eveni lakaGileyadi esiveni sakaRubeni, nesakaGadi, nencenye yesive sakaManase.

Tikhulu 17:8

yesuka kulelo dolobha yahamba yayawufuna lenye indzawo yekuhlala. Yatsi isahamba indlela yayo, yefika ekhaya lakaMikha, eveni letintsaba kulaka-Efrayimu.

Tikhulu 18:13

Besuka lapho bashuca baze befika eveni letintsaba kulaka-Efrayimu, bafikela kaMikha.

Tikhulu 20:28

likuFinehasi, umsa wa-Eleyazare, labetalwa ngu-Aroni. Nguye labekhonta embikwalo. Babuta kuSimakadze, batsi: “Sikhuphuke yini njalo kuyakulwa nebanaketfu bakaBhenjamini, nome cha?” Simakadze wabaphendvula watsi: “Hambani, ngobe kusasa ngitabanikela esandleni senu.”

1 Samuweli 1:1

Kwakukhona indvodza letsite leyayingumSufi waseRamathayimu, eveni letintsaba kulaka-Efrayimu; libito layo bekungu-Elkhana, umsa waJerohamu, umsa wa-Elihu, umsa waThohu, umsa waSufi, um-Efrayimu.

1 Samuweli 9:4

Ngako wahamba wadzabula live laka-Efrayimu letintsaba, wahamba nangaseveni lelingaseShalisha, kodvwa abazange batitfole. Bachubeka bangena esigodzini saseShalimu, kodvwa timbongolo tatingekho lapho. Bachubeka badzabula live lakaBhenjamini, kodvwa abazange batitfole nalapho.