Joshuwa 24:18 - Siswati 1996 Bible

¹⁸ Simakadze watidvungulula watikhipha tonkhe leto tive embikwetfu, ngisho nema-Amori labehlala kulelive. Natsi futsi sitamkhonta Simakadze, ngobe nguNkulunkulu wetfu.”

Joshuwa 24:18 Referencias Cruzadas

Tihlabelelo 116:16

Awu, Simakadze! Mine ngiyinceku yakho, indvodzana letalwa yincekukati yakho. Utfukulule tibopho lebengiboshwe ngato.

Eksodusi 10:2

khona nitekwati kutjela bantfwabenu nebatukulu benu kutsi emaGibhithe ngake ngawenta tilima kanjani ngekwenta letibonakaliso tami emkhatsini wawo. Nonkhe niyawungati kutsi nginguSimakadze.”

Eksodusi 15:2

Simakadze uyingoma yami, nemandla ami, yena sewuyinsindziso yami. Nguye longuNkulunkulu wami, ngiyawudvumisa yena. Yena unguNkulunkulu wabobabemkhulu, ngiyawudvumisa bukhulu bakhe.

Eksodusi 23:31

Iminyele yenu ngitayibeka isuke eLwandle Lolubovu kuye eLwandle lwemaFilisti, kuye ehlane, kuze kufike emfuleni. Takhamiti talelive ngiyawutinikela esandleni senu, niyawubacitsa nibakhiphele ngephandle.

Mikha 4:2

Tive letinyenti tiyawufika titsi: “Wotani, senyukele entsabeni yaSimakadze, endlini yaNkulunkulu waJakobe. Utasifundzisa tindlela takhe, khona sitewuhamba emikhondvweni yakhe. Ngobe umtsetfo uyawuphuma eSiyoni, livi laSimakadze liphume eJerusalema.”

Zakhariya 8:23

Naku lokushiwo nguSimakadze longuSomandla, utsi: “Ngalawo malanga emadvodza lalishumi lasuka kuto tonkhe tilwimi netive ayawunkonkoshela umJuda munye ngemphetfo wesembatfo sakhe, atsi: ‘Asihambisane nani, ngobe sivile kutsi Nkulunkulu unani.’ ”

Imisebenti yebaPhostoli 7:45

Emvakwaloko, bokhokho betfu labemukela lelithende kuboyise babo baletfwala bahamba nalo naJoshuwa, balitsatsa lelive Nkulunkulu lacosha letinye tive kulo. Baligcina kwaze kwaba sikhatsi saDavide.

Dutheronomi 10:21

LoNkulunkulu nguye loludvumo lwenu, nguye lowanentela leto tintfo letinkhulu netimangaliso letesabekako, lenatibonela nine ngewenu emehlo.

Dutheronomi 33:27

Nkulunkulu waphakadze siphephelo sakho, ngaphansi ngimikhono yaphakadze. Uyawucosha titsa takho embikwakho, akhulume atsi: ‘Tibhubhise!’

Joshuwa 23:9

“Simakadze utidvungulule embikwenu tive letinkhulu naletinemandla; kuze kube ngulamuhla kute nome sinye sive lesikhonile kumelane nani.

Joshuwa 24:17

Ngobe nguSimakadze Nkulunkulu wetfu lowasikhipha, tsine nabokhokho betfu, eveni laseGibhithe, endlini yebugcili. Nguye lowenta leto tibonakaliso letinkhulu emehlweni etfu sibuka. Wasilondvolota kuyo yonkhe indlela yetfu nakuto tonkhe tive lesasihamba sidzabula emkhatsini wato.

Joshuwa 24:19

Joshuwa wakhuluma kulabantfu, watsi: “Ningeke nikhone kukhonta Simakadze. Nkulunkulu ungcwele; unguNkulunkulu lonesikhwele. Angeke akutsetselele kumhlubuka kwenu netono tenu.