Joshuwa 24:1 - Siswati 1996 Bible

¹ Joshuwa wase uhlanganisa tonkhe tive taka-Israyeli eShekhemu. Wabita tonkhe tibondza, nebaholi, nebehluleli kanye netiphatsimandla taka-Israyeli, batetfula bona matfupha embikwaNkulunkulu.

Joshuwa 24:1 Referencias Cruzadas

Genesisi 12:6

Abrama wahamba wadzabula live, waze wefika eShekhemu, ngasema-okhini aseMore. EmaKhenani abehlala kulelo live ngaleso sikhatsi.

Genesisi 35:4

Ngako-ke base batinika Jakobe tithico tebetive lababenato kanye nemacici lababewafake etindlebeni tabo. Jakobe wakumbela ngaphansi kwesihlahla se-okhi edvute neShekemu.

1 Emakhosi 12:1

Rehobowamu waya eShekhemu, lapho onkhe ema-Israyeli abebutsene khona ayekumbeka inkhosi.

2 Emakhosi 23:1

Josaya, inkhosi, wase ubita bonkhe baholi bakaJuda nebaseJerusalema.

Imisebenti yebaPhostoli 10:33

Nganonopha ngatfumela kuwe, wavele wavuma ngenhlitiyo lemhlophe kuta njengobe sewulapha nje. Nanyalo sesihlangene sonkhe embikwaNkulunkulu, simele kuva loko iNkhosi lekutfume kona.”

Dutheronomi 29:9

Yilandzeleni ngekucophelela yonkhe lemininingwane yalesivumelwane, khona nitewuchuma ninotse kuko konkhe lenikwentako.

Joshuwa 20:7

Ngako base bakhetsa iKhedeshi yaseGalile eveni letintsaba kulakaNaftali, neShekhemu, eveni letintsaba kulaka-Efrayimu, neKhiriyathi Abha, lekuyiHebroni, eveni letintsaba kulakaJuda.

Joshuwa 23:2

wabita onkhe ema-Israyeli: tibondza tawo, nebaholi bawo, netikhulu, kanye netindvuna, wakhuluma kuwo, watsi: “Sengimdzala kantsi futsi sengikhulile nangeminyaka.

Tikhulu 20:26

Ngako ema-Israyeli, sonkhe sive, akhuphukela eBetheli, afika lapho ahlala, akhala embikwaSimakadze. Ngalelo langa azila lilanga lonkhe laze layawushona, etfula iminikelo yekushiswa neyebudlelwane kuSimakadze.

1 Samuweli 10:19

Kodvwa nyalo senimlahlile Nkulunkulu wenu lowanisindzisa kuto tonkhe tinhlupheko tenu netinhlungu tenu, nase nitsi: ‘Hhayi, sibekele inkhosi.’ Ngako-ke tetfuleni nine cobo lwenu embikwaSimakadze ngetive tenu, nangemindeni yenu.”