Joshuwa 23:9 - Siswati 1996 Bible

⁹ “Simakadze utidvungulule embikwenu tive letinkhulu naletinemandla; kuze kube ngulamuhla kute nome sinye sive lesikhonile kumelane nani.

Joshuwa 23:9 Referencias Cruzadas

1 Emakhosi 21:26

Watiphatsa ngemanyala lamakhulu ngekutsi alandzelane nekukhonta tithico njengema-Amori, Simakadze lawakhukhula, ngesikhatsi nakufika ema-Israyeli.

2 Tikhronike 20:7

Awu, Nkulunkulu wetfu, awuzange yini uticoshe letive letatihlala kulendzawo sive sakho ema-Israyeli sisengakefiki, wase uyinika situkulwane sa-Abrahama, umngani wakho, ibe yaso kuze kube phakadze.

Eksodusi 23:23

Lengilosi yami iyawuhamba ngembili kwenu iningenise eveni lema-Amori, nelemaHethi, nelemaPheresi, nelemaKhenani, nelemaHivi, nelemaJebhusi, mine-ke ngibacotfule baphele nya.

Eksodusi 23:30

Esikhundleni saloko letitsa tenu ngitatikhipha kancane kancane, nize nitsi ningandza, bese niyalitsatsa-ke lonkhe live.

Imisebenti yebaPhostoli 7:45

Emvakwaloko, bokhokho betfu labemukela lelithende kuboyise babo baletfwala bahamba nalo naJoshuwa, balitsatsa lelive Nkulunkulu lacosha letinye tive kulo. Baligcina kwaze kwaba sikhatsi saDavide.

Dutheronomi 11:23

Simakadze utatikhipha aticoshe tonkhe letive letisembikwenu, nilidle nalelo live lelinetive letinkhulu naletinemandla kunani.

Dutheronomi 7:24

Emakhosi ato utawanikela esandleni senu, nine niwabhubhise, emabito awo aphele emhlabeni. Kute loyakuba nemandla ekumelana nani; niyakuwabhubhisa.

Joshuwa 1:5

Kute namunye loyawukhona kumelana nawe, tonkhe tinsuku tekuphila kwakho. Ngiyakuba nawe, njengobe nganginaye naMosi. Ngingeke ngikushiye, futsi ngingeke ngikulahle.

Joshuwa 15:14

Kusukela eHebroni Khalebi wesuka wacosha lama-Anaki lamatsatfu: boSheshayi, na-Ahimani, naThalmayi, titukulwane ta-Anaki.

Joshuwa 23:5

Simakadze Nkulunkulu wenu matfupha utatikhipha aticoshe embikwenu. Utatidvungulula embikwenu, nine-ke nitabe seniyalidla lelive, njengobe Simakadze Nkulunkulu wenu anetsembisa.

Joshuwa 23:8

Kodvwa kufanele ninamatsele kuSimakadze Nkulunkulu wenu, njengobe ninamatsele kuye kuze kube ngunyalo.

Joshuwa 24:18

Simakadze watidvungulula watikhipha tonkhe leto tive embikwetfu, ngisho nema-Amori labehlala kulelive. Natsi futsi sitamkhonta Simakadze, ngobe nguNkulunkulu wetfu.”