Joshuwa 23:12 - Siswati 1996 Bible

¹² “Kodvwa naningajika nitetayelanise nensali yaletive lesasele emkhatsini wenu, niphindze nitsatselane bafati nato, nitihlanganise nato,

Joshuwa 23:12 Referencias Cruzadas

Genesisi 2:24

Ngako-ke indvodza iyawushiya uyise nenina inamatsele kumfati wayo, bese baba nyamanye.

Genesisi 34:3

Inhlitiyo yakhe yanamatsela kuDina, wayitsandza lentfombatana, ngako wayisoma.

1 Emakhosi 11:2

Abesuka kuletive Simakadze labekhulume ngato kuma-Israyeli watsi: “Ningacali nendziselane nato, ngobe nome kanjani tiyawuguculela tinhlitiyo tenu kubonkulunkulu bato.” Noko-ke Solomoni yena wanamatsela kuwo ngelutsandvo.

1 Emakhosi 11:4

Ngesikhatsi Solomoni akhula, emakhosikati akhe abeya ngekuya kuphambukisela inhlitiyo yakhe etithicweni tawo; inhlitiyo yakhe yayingasekatinikeli ngalokuphelele kuSimakadze longuNkulunkulu wakhe, njengenhlitiyo yeyise Davide.

Tihlabelelo 125:5

Kodvwa labaphambukela etindleleni tabo letimagiligombo Simakadze uyawubacosha kanye nalabenta lokubi. Kuthula akube ku-Israyeli!

Tihlabelelo 36:3

Inkhulumo yakhe ikuganga nemacebo; ubuyekele bucotfo bakhe nekwenta lokulungile.

Isaya 1:4

Awu, sive lesonako, bantfu labasindvwa kona, nine ntalelwane yalabenta lokubi, bantfwana labasimilo sabo sonakele. Simakadze sebamshiyile; bamhlubukile Longcwele waka-Israyeli, bagucuka bamfulatsela.

Hezekeli 18:24

“Kodvwa nangabe lolungile agucuka ekulungeni kwakhe ente sono, ente tintfo letifananako netalomubi letisinengiso, utsi kambe lonjalo angaphila? Cha, kute nakunye kwetintfo letinhle latentile lokuyawukhunjulwa. Ngenca yekungetsembeki lasanelicala lako, nangenca yetono layawube asatentile, uyawukufa.

Zefaniya 1:6

nalabo lase bancandzekile bakuyekela kulandzela Simakadze bangete bamfuna Simakadze bangabuti nekubuta kuye.

Matewu 12:45

ubese uyahamba ulandze leminye imimoya lesikhombisa lemibi kakhulu kunawo, ite ingene ihlale khona. Ngako siphetfo salowo muntfu siyawuba sibi kakhulu kunesimo sakhe sekucala. Kuyawuba njalo nakulesitukulwane lesibi.”

Johane 6:66

Emvakwaloko labanyenti bebafundzi bakhe bamhlubuka, abazange baphindze bahambe naye.

KubaseRoma 12:9

Lutsandvo kufanele lubete kutentisa. Tondzani lokubi, nibambisise lokuhle.

Dutheronomi 6:15

ngobe Nkulunkulu wenu, losemkhatsini wenu, nguNkulunkulu lonesikhwele; nentfukutselo yakhe itanivutsela inishise inicedze niphele nya kulelive.

Dutheronomi 7:3

Ningendziselani nato. Emadvodzakati enu ningavumi kutsi ashade nemadvodzana ato, nemadvodzana enu ningavumi kutsi ashade nemadvodzakati ato,

Dutheronomi 7:4

ngobe ayawuhlubukisa lamadvodzana enu angabe asangilandzela, awente akhonte labanye bonkulunkulu, intfukutselo yaSimakadze bese iyanivutsela, inibhubhise ngekushesha.

Joshuwa 23:11

Ngako caphelisisani kutsi nitsandze Simakadze Nkulunkulu wenu.

1 yaJohane 2:9

Umuntfu lotsi usekukhanyeni, kodvwa abe atondza umzalwane wakhe, usebumnyameni nanyalo.

Tikhulu 14:3

Boyise nenina bambuta batsi: “Kute yini tintfombi lapha emkhatsini wetihlobo takho nasemkhatsini wato tonkhe tive takini? Sewungadzimate uye esiveni semaFilisti lesingasoki nekusoka uyewutsatsa khona umfati?” Kodvwa Samsoni waphendvula uyise, watsi: “Ngitsatsele yena. Uyatsandzeka emehlweni ami.”

Tikhulu 3:6

Atsatsa emadvodzakati aletive ashada nawo, atsatsa nemadvodzakati awo awendzisela emadvodzana aletive, akhonta nabonkulunkulu bato.