Joshuwa 23:1 - Siswati 1996 Bible

¹ Kwatsi kube kwendlule sikhatsi lesidze naSimakadze asanike ema-Israyeli kuphumula etitseni tawo tonkhe letatiwatungeletile, Joshuwa, labesamdzala akhulile ngeminyaka,

Joshuwa 23:1 Referencias Cruzadas

Genesisi 25:8

Abrahama wafa asamdzala kakhulu asenelisekile emphilweni; walandzela bokhokho bakhe.

1 Emakhosi 1:1

Ngesikhatsi inkhosi Davide asamdzala kakhulu asakhulile ngeminyaka, abesahlala ngekuva emakhata, angasafutfumali, kwale nome tisebenti takhe setimembesa ngetingubo.

1 Tikhronike 23:25

Davide phela abetsite: “Njengobe Simakadze, Nkulunkulu wema-Israyeli, asaletse kuthula esiveni sakhe futsi asatewuhlala eJerusalema kokuphela,

1 Tikhronike 27:1

Lolu-ke luhla lwemabito ema-Israyeli: Baholi bemindeni, netindvuna tetinkhulungwane, netemakhulu, naletinye tiphatsimandla letatibambisene nenkhosi kuko konkhe lokuphatselene nemabutfo labesemsebentini inyanga ngenyanga, wonkhe umnyaka. Lilinye libutfo lalinemadvodza labeti-24 000.

2 Tikhronike 14:1

Abiya wakhotsama, wafihlwa eDolobheni laDavide. Asa, umsa wakhe, waba yinkhosi esikhundleni sakhe; ngesikhatsi sakhe Asa kwaba nekuthula iminyaka lelishumi.

2 Tikhronike 14:5

Wesusa tindzawo letiphakeme nemalati emphepho kuwo onkhe emadolobha akaJuda, nembuso waba nekuthula ngesikhatsi kusabusa yena.

2 Tikhronike 20:30

Umbuso waJehoshafati waba nekuthula, ngobe Nkulunkulu abesamnike kuphumula ndzawana tonkhana letatimtungeletile.

Tihlabelelo 46:9

Uvimba acedze timphi kutsi tichubeke emhlabeni wonkhe jikelele. Ufohlota butjoki, ephule sikhali, tincola atishise ngemlilo.

Isaya 63:14

Njengetinkhomo letehlela ematsafeni, banikwa kuphumula ngaMoya waSimakadze. Wasihola kanjalo-ke sive sakho, watakhela wena Libito lelinebukhosi.

Dutheronomi 31:2

“Manje sengimdzala sengineminyaka leli-120, futsi angisakhoni kuchubeka ngibe ngumholi wenu. Simakadze ukhulume kimi, watsi: ‘Ungeke uwewele umfula iJordane.’

Joshuwa 11:23

Ngako Joshuwa walidla lonkhe live, konkhe kwaya njengobe Simakadze abelayele Mosi; wase uyalaba, kwaba nguleso sive wasinika sabelo saso. Live latfola kuphumula kuleto timphi.

Joshuwa 13:1

Kwatsi Joshuwa nasamdzala, asakhulile nangeminyaka, Simakadze wakhuluma kuye, watsi: “Sewumdzala kakhulu, kantsi kusenetifundza letinkhulu lekufanele titsatfwe.

Joshuwa 21:44

Simakadze wawapha kuphumula kulelo live, kwaya njengobe abefungile kubokhokho bawo. Kute nome sinye sitsa sawo lesakhona kumelana nawo, ngobe Simakadze tonkhe leto titsa tawo watinikela etandleni tawo.

Joshuwa 22:4

Manje Simakadze Nkulunkulu wenu sewunike labanakenu kuphumula, njengobe etsembisa, ncandzekani nibuyele emakhaya enu eveni lenabelwa lona nguMosi, inceku yaSimakadze, ngesheya kweJordane.

1 Samuweli 12:2

Manje-ke seninenkhosi lengumholi wenu. Mine-ke sengimdzala, futsi sengimphunga, emadvodzana ami nankha embikwenu. Bengingumholi wenu kusukela ebusheni bami kuze kube ngulamuhla.