Joshuwa 22:6 - Siswati 1996 Bible

⁶ Ngako Joshuwa wababusisa, wase uyabahambisa, babuyela emakhaya abo.

Joshuwa 22:6 Referencias Cruzadas

Genesisi 14:19

Melkhisedeki wabusisa Abrama watsi: “Abrama akabusiswe nguNkulunkulu Losetikwako Konkhe, uMdali welizulu nemhlaba.

Genesisi 47:10

Jakobe wase ubusisa Faro, wavalelisa, waphuma.

Genesisi 47:7

Josefa wabe sewungenisa Jakobe, uyise, wametfula kuFaro. Jakobe wakhulekela kuFaro amfisela tibusiso.

2 Samuweli 6:18

Watsi nase acedzile kwenta iminikelo yekushiswa neminikelo yebudlelwane, wase ubusisa sive egameni laSimakadze longuSomandla.

2 Samuweli 6:19

Wase uniketa wonkhe umuntfu labekhona kuleso sicuku umkhama wesinkhwa, nelicebelengwane lemasundvu kanye nelemagelebisi lomisiwe, onkhe ema-Israyeli, labadvuna nalabasikati. Bonkhe bantfu bacitseka babuyela emakhaya abo.

2 Samuweli 6:20

Watsi Davide nasabuyele ekhaya lakhe kuyawubusisa indlu yakakhe, wahlangatjetwa nguMikhali, indvodzakati yaSawula, wafike watsi: “Inkhosi yema-Israyeli itentele ligama lelikhulu lamuhla, itivete njengalesikhulu silima emehlweni aletidzandzane tetindvuna tayo!”

1 Emakhosi 8:66

Kwatsi ngelilanga lelilandzelako wabe sewuyabacitsa bantfu. Batsi kube bantfu bayibusise inkhosi, babuyela emakhaya abo bajabule kakhulu, batsakasile etinhlitiyweni tabo ngako konkhe lokuhle Simakadze labekwentele inceku yakhe Davide kanye nesive sakhe, ema-Israyeli.

2 Tikhronike 30:18

Nome linyenti lalabantfu lababephuma kulaka-Efrayimu, nelakaManase, nelaka-Isakhari kanye nelakaZebuloni babengakatihlanti bona cobo lwabo, noko balidla liPhasika, lokwakuphambene naloko lokubhaliwe. Kodvwa Hezekiya wabathandazela watsi: “Shangatsi Simakadze lomuhle angabatsetselela bonkhe

Eksodusi 39:43

Mosi wakuhlola konkhe wakubukisisa, wabona kutsi kwentiwe njengobe abelayelwe nguSimakadze. Ngako-ke Mosi wase uyababusisa.

Lukha 2:34

Simeyoni wababusisa, wase utsi kuMariya, unina: “Lalela, lomntfwana ukhetfwe nguNkulunkulu kutsi abe kuwa nekuvuka kwalabanyenti esiveni sema-Israyeli, uyawuba luphawu loluphikiswa ngulabanyenti,

Lukha 24:50

Wase uphuma nabo, wabahola, waze wefika eBhetani, waphakamisa tandla takhe, wababusisa.

Joshuwa 14:13

Ngako Joshuwa wabusisa Khalebi, umsa waJefune, wamabela iHebroni, yaba lifa lakhe.

Joshuwa 24:28

Joshuwa wase uyabancandzekisa bonkhe labantfu, kwaba ngulowo nalowo waya eveni lakhe.

1 Samuweli 10:25

Samuweli wachazela sive imitsetfo yebukhosi. Wayibhala phansi encwadzini legocotwako, wayetfula embikwaSimakadze. Samuweli wase uyasicitsa sive; nguloyo naloyo waya ekhaya lakhe.

1 Samuweli 13:2

Sawula wakhetsa emadvodza aka-Israyeli lati-3 000; lati-2 000 abenaye eMikmashi naseveni letintsaba laseBetheli, kwatsi inkhulungwane yaba naJonathani eGibeya yakaBhenjamini. Lawa lamanye emadvodza wawancandzekisa, aya emakhaya awo.

1 Samuweli 2:20

Eli abebabusisa bo-Elkhana nemkakhe, atsi: “Shangatsi Simakadze angakupha bantfwana ngalomfati lona, kuze bavale sikhala salona lamthandazela wase umnikela kuSimakadze.” Babeyaye bese bayancandzeka emvakwaloko, babuyela ekhaya labo.