Joshuwa 22:33 - Siswati 1996 Bible

³³ Ajabula kakhulu nakeva lombiko, advumisa Nkulunkulu. Akazange aphindze akhulume ngekuyawubahlasela afike abhubhise live lekwakuhlala kulo sive sakaRubeni nesakaGadi.

Joshuwa 22:33 Referencias Cruzadas

1 Tikhronike 29:20

Davide wachubeka wakhuluma kulesive, watsi: “Dvumisani Simakadze Nkulunkulu wenu.” Ngako sonkhe sive sadvumisa Simakadze, Nkulunkulu waboyisemkhulu; baguca bakhotsamisa tinhloko tabo embikwaSimakadze nenkhosi.

Taga 25:25

Tindzaba letimnandzi letiphuma eveni lelikhashane tifanana nemanti lacandzako emphefumulweni lokhatsele.

Danyela 2:19

Kwatsi ebusuku lemfihlakalo yembulwa kuDanyela ngembono. Danyela wadvumisa Nkulunkulu welizulu,

Lukha 2:28

Simeyoni wamtsatsa wamgona lomntfwana, wase ubonga Nkulunkulu utsi:

Imisebenti yebaPhostoli 15:12

Sicumbi sonkhe sasibindzile silalele boBhanabasi naPawula basasilandzisa ngato tonkhe tibonakaliso netimangaliso Nkulunkulu labetente ngabo kubantfu betive.

Imisebenti yebaPhostoli 15:31

Lapho bantfu sebayifundzile incwadzi bajatjuliswa ngemavi ekubakhutsata.

2 kubaseKorinthe 7:7

Asidvudvutwanga ngiko kuphela, kodvwa sadvudvuteka nangekudvudvuteka kwakhe asemkhatsini wenu. Wasitjela kutsi beninesifiso sekungibona, nekutsi naba buhlungu kangakanani etinhlitiyweni, nekutsi benifisa kangakanani kuma kanye nami. Loko kwangenta ngajabula kakhulu futsi.

Kubase-Efesu 1:3

Akabongwe Nkulunkulu longuYise weNkhosi yetfu Jesu Khristu, ngobe usibusise kuKhristu ngato tonkhe tibusiso taMoya tasezulwini.

Joshuwa 22:30

Watsi kube Finehasi, umphristi, nebaholi besive, tinhloko telusendvo ngelusendvo ka-Israyeli, beve loko lokwakukhulunywe sive sakaRubeni, nesakaGadi, nencenye yesive sakaManase, bajabula kakhulu.

Joshuwa 22:32

Ngako Finehasi, umsa wa-Eleyazare, umphristi, nebaholi batsi kube bacedze umhlangano wabo nemaRubeni, nemaGadi, eveni lakaGileyadi, bancandzeka babuyela eKhenani, bafike babika kuma-Israyeli.