Joshuwa 22:29 - Siswati 1996 Bible

²⁹ “Akube khashane natsi kuhlubuka Simakadze nekumshiya lamuhla ngekwakha lilati leminikelo yekushiswa, neminikelo yalokutinhlavu, nemihlatjelo, ngaphandle kwelilati laSimakadze Nkulunkulu wetfu lelime embikwelithende lakhe.”

Joshuwa 22:29 Referencias Cruzadas

Genesisi 44:17

Josefa watsi: “Cha, ngingeke ngikwente loko! Sigcili sami kutawuba ngulona lekutfolakale kuye indzebe. Kodvwa nine labanye hambani ngekuthula niye kuyihlo.”

Genesisi 44:7

Lamadvodza aphendvula atsi: “Usho kutsini-ke, mnumzane, nawukhuluma kanje? Siyafunga kutsi besingeke siyente tsine intfo lenjalo.

1 Emakhosi 21:3

Kodvwa Nabothi wamphendvula, watsi: “Simakadze akasungivumela kutsi ngikunike lifa labobabemkhulu.”

2 Emakhosi 18:22

Nangabe utsi kimi: “Setsembele kuSimakadze Nkulunkulu wetfu,” akusiye yini lona Hezekiya ladzilita tindzawo takhe letiphakeme tekukhontela nemalati akhe, atsi kubakaJuda nebaseJerusalema: “Kufanele nikhonte embikwanali lilati leliseJerusalema?”

2 Tikhronike 32:12

Akusiye yini Hezekiya lona lowasusa letindzawo letiphakeme tekukhontela loNkulunkulu kanye nemalati akhe, atsi kubakaJuda nebaseJerusalema: ‘Kufanele nikhotsame kulinye lilati, nishisele kulo imphepho’?

KubaseRoma 3:6

Cha, akunjalo. Pho, nangakalungi Nkulunkulu, angawehlulela kanjani umhlaba?

KubaseRoma 6:2

Cha, akungabi njalo. Tsine lesesafa sehlukana nesono, pho, singachubeka kanjani siphile kuso?

KubaseRoma 9:14

Pho, siyawutsini-ke? Sitsi kukhona yini lokungakalungi kuNkulunkulu? Cha, kute.

Dutheronomi 12:11

Kuleyo ndzawo-ke Simakadze Nkulunkulu wenu layakuyikhetsa ibe yakhe, niyawuletsa khona konkhe lenginiyale ngako: iminikelo yenu yekushiswa, nemihlatjelo yenu, nekwelishumi kwenu, netipho tenu letimcoka kanye nayo yonkhe iminikelo yenu yelikhetselo lenanetsembisa ngayo kuSimakadze.

Joshuwa 22:23

Nangabe sitakhele lilati letfu kutsi sitewuhlubuka Simakadze, bese sinikela ngeminikelo yekushiswa neyalokutinhlavu nome sente nemihlatjelo yekuthula kulo, shangatsi Simakadze matfupha angasibeka licala.

Joshuwa 22:26

“Kungako nje sitsite: ‘Asitilungiselele sakhe lilati, kodvwa lingabi lemnikelo wekushiswa nemhlatjelo,’

Joshuwa 22:28

“Tsine-ke satsi: ‘Nangabe bangake bakusho loko kitsi nome etitukulwaneni tetfu, siyawubaphendvula sitsi: “Bukani la, nasi sifanekiso selilati laSimakadze, lesakhiwa bobabe betfu, hhayi kutsi libe lekushisela iminikelo nemihlatjelo, kodvwa libe lebufakazi emkhatsini wetfu nani.” ’

Joshuwa 22:30

Watsi kube Finehasi, umphristi, nebaholi besive, tinhloko telusendvo ngelusendvo ka-Israyeli, beve loko lokwakukhulunywe sive sakaRubeni, nesakaGadi, nencenye yesive sakaManase, bajabula kakhulu.

Joshuwa 24:16

Bantfu baphendvula batsi: “Akube khashane natsi kuhlubuka Simakadze, bese sikhonta labanye bonkulunkulu!

1 Samuweli 12:23

Kodvwa mine akube khashane nami kutsi ngingona kuSimakadze ngekutsi ngingete nganikhulekela. Ngitanifundzisa indlela lenguyonayona nalelungile.