Joshuwa 22:18 - Siswati 1996 Bible

¹⁸ Manje senimshiyile yini Simakadze? “ ‘Lamuhla nanihlubuka Simakadze, kusasa utasitfukutselela sonkhe lesive sema-Israyeli.

Joshuwa 22:18 Referencias Cruzadas

2 Samuweli 24:1

Lulaka lwaSimakadze lwasivutsela sive sema-Israyeli, wachukuluta Davide kutsi abavukele, watsi: “Hamba uyewubala bonkhe baka-Israyeli nebakaJuda.”

1 Emakhosi 9:6

“Kodvwa nangabe nine nome emadvodzana enu nigucuka, nisuka kimi, ningayigcini imiyalo yami netimiso tami lengininike tona, nisuke kuto niyewukhonta labanye bonkulunkulu nikhuleke kubo,

2 Emakhosi 17:21

Kwatsi ngesikhatsi adzabula baka-Israyeli emndenini wakaDavide, besuka babeka Jerobowamu, umsa waNebati, kutsi abe yinkhosi yabo. Jerobowamu wasihuha sive saka-Israyeli, wasiphambukisa ekulandzeleni Simakadze, wasentisa sono lesikhulu.

1 Tikhronike 21:1

Sathane wavukela sive sema-Israyeli, wabhebhetela Davide kutsi ente lubalo lwawo onkhe ema-Israyeli.

1 Tikhronike 21:14

Ngako Simakadze watfumela sifo lesingujubajece esiveni sema-Israyeli; kwafa emadvodza lati-70 000 ka-Israyeli.

2 Tikhronike 25:27

Kusukela ngesikhatsi lajika ngaso Amasiya ekulandzeleni Simakadze, bakha luzungu ngaye eJerusalema, wase uyabaleka waya eLakhishi, kodvwa batfumela emadvodza amcosha, afike ambulalela khona eLakhishi.

2 Tikhronike 34:33

Josaya wesusa tonkhe tithico letisinengiso kulo lonkhe lelalihlala ema-Israyeli. Wenta kutsi bonkhe bantfu labakhile kulaka-Israyeli bakhonte Simakadze Nkulunkulu wabo. Ngaso sonkhe sikhatsi sekuphila kwakhe, sive asizange sisuke ekulandzeleni Simakadze, Nkulunkulu waboyisemkhulu.

Levithikusi 10:6

Mosi wakhuluma ku-Aroni nemadvodzana akhe bo-Eleyazare na-Ithamari, watsi: “Tinwele tenu ningatiyekeli tingemahlutse, kantsi netimphahla tenu akufuneki nitidzabule. Funa nitsi niyakwenta loko nife, nelulaka lwaNkulunkulu lwehlele sive sonkhe. Kodvwa ema-Israyeli wona avumelekile kutsi abazilele labazalwane babo lababulewe ngumlilo lophume kuSimakadze.

Numeri 16:22

Kodvwa boMosi na-Aroni bawa phansi ngebuso bakhotsama, batsi: “Awu Nkulunkulu! Nkulunkulu wemimoya yebantfu bonkhe, kungatsi ngekona kwemuntfu munye bese utfukutselela sonkhe sive?”

Numeri 32:15

Nanijika ningamlandzeli, utawuphindze asishiye sonkhe futsi lesive ehlane, nine-ke nitawuba sisusa sekubhujiswa kwaso.”

Dutheronomi 7:4

ngobe ayawuhlubukisa lamadvodzana enu angabe asangilandzela, awente akhonte labanye bonkulunkulu, intfukutselo yaSimakadze bese iyanivutsela, inibhubhise ngekushesha.

Joshuwa 22:15

Lamadvodza efika eGileyadi, esiveni sakaRubeni, nesakaGadi kanye nasencenyeni yesive sakaManase, akhuluma atsi:

Joshuwa 22:16

“Sonkhe sive saSimakadze sitsi: ‘Niyenteleni lentfo lembi kangaka kuNkulunkulu wema-Israyeli? Nimshiyeleni Simakadze namhlubuka lamuhla ngekutakhela lilati?

Joshuwa 22:20

Khumbulani Akhani, umsa waZera, lowatsatsa tintfo lebekungakafaneli kutsi atitsatse; lulaka alusehlelanga sonkhe yini sive? Akuzange kufe yena yedvwa ngaleso sono sakhe.’ ”

Joshuwa 7:1

Kodvwa ema-Israyeli ona, atsatsa tintfo lokwakufanele tibhujiswe. Akhani, umsa waKhami, umsa waZabdi labenguZimri, umsa waZera, wesive sakaJuda, watsatsa letinye tato. Ngako lulaka lwaSimakadze lwasivutsela sive sema-Israyeli.

Joshuwa 7:11

Baka-Israyeli bonile; basephulile sivumelwane sami lengabayala ngaso kutsi basigcine. Batsetse letinye tetintfo bekufanele tibhujiswe; bebile, bacale emanga, letintfo labatebile batihlanganise netimphahla tabo.

Joshuwa 7:21

Ngatsi nangibuka imphango, ngabona ingubo lenhle yaseBhabhulona, kanye netinhlavu tesiliva letingemakhilogremu langaba mabili, nelucetu lwegolide lolungaba yincenye yekhilogremu, lengakuhawukela, ngase ngiyakutsatsa. Tonkhe letintfo ngitimbele phansi ngekhatsi ethendeni lami, lesiliva yona ingaphansi kwato.”

1 Samuweli 12:14

Kuyawuba kuhle kini, naniyakumesaba Simakadze, nimkhonte yena, nimlalele, ningamelani nemiyalo yakhe, nangabe nine kanye nenkhosi yenu lebusa etikwenu niyawulandzela Simakadze Nkulunkulu wenu.

1 Samuweli 12:20

Samuweli wabaphendvula watsi: “Ningesabi, nente bonkhe lobubi, kodvwa noko ningasaphambuki kuSimakadze, khontani Simakadze ngayo yonkhe inhlitiyo yenu.