Joshuwa 21:1 - Siswati 1996 Bible

¹ Baholi bemindeni yemaLevi beta ku-Eleyazare, umphristi, nakuJoshuwa, umsa waNuni, nakubaholi bemindeni yaletinye tive taka-Israyeli,

Joshuwa 21:1 Referencias Cruzadas

Genesisi 49:7

Intfukutselo yenu ayicalekiswe, ngobe iyesabeka; nelulaka lwenu lucalekiswe, ngobe lunelunya. Niyawusakateka nalo lonkhe lakaJakobe, nicitseke nalo lonkhe laka-Israyeli.

Eksodusi 6:14

Laba-ke baholi betive tabo: Emadvodzana aRubeni, labelitubulo la-Israyeli: bekuboHanoki, naPhalu, naHesroni, naKhami; leyo-ke bekungimindeni yakaRubeni.

Eksodusi 6:25

Eleyazare, umsa wa-Aroni, watsatsa indvodzakati yaPhutiyeli; wamtalela Finehasi. Ngito leti-ke tinhloko tetindlu temaLevi ngemindeni yato.

Numeri 35:1

Ematsafeni akaMowabi ngaseJordane macondzana neJerikho, Simakadze wakhuluma kuMosi, watsi:

Numeri 35:8

Lamadolobha lenitawanika emaLevi kulelive lelabelwe ema-Israyeli kufanele alingane nalelo live laleso naleso sive ngebukhulu nangebuncane baso: Tsatsani emadolobha lamanyenti kuleso sive lesikhulu, kodvwa nitsatse emadolobha lambalwa kuleso sive lesincane.”

Joshuwa 14:1

Leti-ke tindzawo ema-Israyeli labelwa tona taba lifa lawo eveni laseKhenani, lekwatsi Eleyazare, umphristi, naJoshuwa, umsa waNuni, nebaholi betive taka-Israyeli bawabela tona.

Joshuwa 17:4

Lamadvodzakati ahamba aya ku-Eleyazare, umphristi, naJoshuwa, umsa waNuni, nalabanye baholi, afike atsi: “Simakadze wayala Mosi kutsi asinike sabelo setfu emkhatsini walabomnaketfu.” Ngako Joshuwa wawanika lifa lawo kanye nabomnakaboyise, njengokuyalwa nguSimakadze.

Joshuwa 19:51

Lawa-ke ngemave, Eleyazare, umphristi, naJoshuwa, umsa waNuni, nebaholi betive taka-Israyeli, labawaba ngenkatho eShilo embikwaSimakadze, ekungeneni kwelithende lekuhlangana. Kwaba kucedza kwabo-ke kwabelana live.