Joshuwa 2:24 - Siswati 1996 Bible

²⁴ Letinhloli takhuluma kuJoshuwa, tatsi: “Ngempela Simakadze lonkhe lelive ulinikele etandleni tetfu; bonkhe bantfu bakulelive bayatfutfumela ngatsi.”

Joshuwa 2:24 Referencias Cruzadas

Eksodusi 15:15

Tikhulu taka-Edomu tiyakwesaba, tichwaga takaMowabi titfutfumele, takhamiti taseKhenani tiphele emandla,

Eksodusi 23:31

Iminyele yenu ngitayibeka isuke eLwandle Lolubovu kuye eLwandle lwemaFilisti, kuye ehlane, kuze kufike emfuleni. Takhamiti talelive ngiyawutinikela esandleni senu, niyawubacitsa nibakhiphele ngephandle.

Taga 25:13

Sitfunywa lesetsembekile sijabulisa lowo lositfumile, njengemanti lacandzako ehlobo; yebo, sihlumelelisa umoya wenkhosi yaso.

Joshuwa 1:8

Emavi alencwadzi yemtsetfo angesuki emlonyeni wakho; uyawucabangisisa ujule kuwo busuku nemini, kuze ukhone kukwenta konkhe loku lokubhalwe kuwo; khona-ke uyawuphumelela kube kuhle kuwe.

Joshuwa 2:23

Letinhloli letimbili tehla etintsabeni setincandzeka, tewela tabuyela kuJoshuwa, umsa waNuni, tafike tamlandzisa yonkhe indzaba nangako konkhe lokwativelela.

Joshuwa 5:1

Atsi kube onkhe emakhosi ema-Amori ngasenshonalanga neJordane kanye nawo onkhe emakhosi emaKhenani elugwini lwelwandle eve kutsi Simakadze wayomisa kanjani iJordane embikwema-Israyeli saze sewela sonkhe, angenwa ngemanti emadvolweni, akaphindzanga aba nesibindzi sekubhekana nema-Israyeli.

Joshuwa 6:2

Simakadze wakhuluma kuJoshuwa, watsi: “Buka la, iJerikho sengiyetfule esandleni sakho, yona nenkhosi yayo kanye nemabutfo ayo.

Joshuwa 8:1

Simakadze wakhuluma kuJoshuwa, watsi: “Ungesabi; ungaphelelwa nangemandla. Tsatsa onkhe emabutfo akho uhambe nawo, wenyuke uyewuhlasela i-Ayi. Ngobe inkhosi yase-Ayi, nesive sayo, nelidolobha layo, nelive layo ngikunikele esandleni sakho.

Tikhulu 1:2

Simakadze wawaphendvula watsi: “BakaJuda abenyuke; lelive ngilinikele etandleni tabo.”

Tikhulu 18:10

Nanifika lapho, nitawukhandza kutsi bantfu bakhona abasoli lutfo, ngisho naloluncane. Lelo-ke live lelikhulu leninako konkhe lokungahle kudzingwe ngumuntfu, Nkulunkulu ulinike nine.”

Tikhulu 7:9

Kubo lobo busuku Simakadze wakhuluma kuGideyoni, watsi: “Vuka, wehlele enkambu, ngobe ngitayinikela esandleni sakho.