Joshuwa 18:6 - Siswati 1996 Bible

⁶ Nitawutsi ningacedza kubhala inchazelo ngaletindzawo letisikhombisa talelive, bese nikuletsa lapha kimi, mine-ke ngitawube senginentela inkatho embikwaSimakadze Nkulunkulu wetfu.

Joshuwa 18:6 Referencias Cruzadas

Tihlabelelo 105:11

Watsi: “Wena ngiyakupha live laseKhenani leliyawuba sabelo lesilifa lakho.”

Taga 16:33

Bantfu bangayenta inkatho nabafuna intsandvo yaNkulunkulu; kodvwa imphendvulo incunywa nguye, Simakadze.

Taga 18:18

Inkatho icedza umbango, ilamule tichwaga letilwako.

Numeri 33:54

Lelive nibolabelana ngenkatho kulolo nakulolo lusendvo. Sive lesinebantfu labanyenti nibabele lifa lelikhulu, kanjalo nakulabo labasive lesincane nibabele lelincane. Nome ngabe yini labayitfole ngenkatho kuyawuba kwabo. Lelive nibolabelana ngekwetive tenu.

Numeri 34:13

Ngako Mosi wakhuluma kuma-Israyeli, watsi: “Lelive nitakwabelana ngenkatho kutsi libe lifa lenu. Simakadze uyale kutsi labelwe tive letiyimfica kanye nencenye yesive,

Imisebenti yebaPhostoli 13:19

Wabulala tive letisikhombisa eveni laseKhenani, walinika bona kutsi libe labo.

Joshuwa 14:2

Lamafa abiwa ngenkatho etiveni letiyimfica nencenye, njengobe Simakadze abeshito ngaMosi.

Joshuwa 18:10

Joshuwa wabe sewuwentela inkatho eShilo embikwaSimakadze, lelive wabe sewulabela ema-Israyeli ngekwetive tawo.

Joshuwa 18:7

EmaLevi wona, angeke asitfole sabelo emkhatsini wenu, ngobe kukhonta kwabo kwebuphristi embikwaSimakadze kusabelo sabo. BakaGadi nebakaRubeni nencenye yesive sakaManase bona sebalemukele lifa labo ngasemphumalanga neJordane. Mosi, inceku yaSimakadze, wabanika lona.”

Joshuwa 18:8

Atsi lamadvodza asacala loluhambo lwawo kuyawudvweba libalave laleyo ndzawo, Joshuwa wawayala watsi: “Hambani niyewuhlola lelive, nibhale phansi inchazelo yalo. Nitawube seniyabuya nita kimi, mine-ke ngitawube senginentela inkatho lapha eShilo embikwaSimakadze.”