Joshuwa 17:16 - Siswati 1996 Bible

¹⁶ Sive sakaJosefa saphendvula, satsi: “Lelive letintsaba aliseneli, nemaKhenani onkhe lahlala kulelo tsafa anetincola tetinsimbi, bonkhe lababeseBhethi Shani netabelo tayo kanye nalabaseSigodzini saseJezreyeli.”

Joshuwa 17:16 Referencias Cruzadas

1 Emakhosi 18:45

Ngasona leso sikhatsi litulu lacungutela letfwala laba nemafu lamnyama, kwahhusha umoya, latsela lenkhulu imvula, Ahabi wakhwela incola yakhe, wahamba waya eJezreyeli.

1 Emakhosi 18:46

Emandla aSimakadze ehlela ku-Elija, wakhwicela ingubo yakhe ebhandeni lelaliselukhalo yacina, wagijima washiya Ahabi yonkhe indlela leya eJezreyeli.

1 Emakhosi 21:1

Emvakwaloko kwase kuba nesehlakalo lesenteka ngenca yesivini saNabothi waseJezreyeli. Lesivini sasiseJezreyeli eceleni kwesigodlo senkhosi Ahabi, inkhosi yaseSamariya.

1 Emakhosi 21:23

“Macondzana naJezebeli Simakadze utsi: ‘Tinja tiyawudlela Jezebeli ngaselubondzeni lwaseJezreyeli.’

1 Emakhosi 4:12

Bhana, umsa wa-Ahiludi, abesikhulu saseThanaki, naseMegido, nakulo lonkhe lase Bhethi Shani, ngaseSarethani ngentasi kweJezreyeli, kusuka eBhethi Shani, kuze kuyewufika e-Abela Mehola, nangesheya kubheka ngaseJokmeyamu.

2 Emakhosi 9:10

Jezebeli yena uyawudliwa tinja kulendzawo yaseJezreyeli, futsi akayiwungcwatjwa ngumuntfu.’ ” Wesuka lapho wavula umnyango, wacela empunzini.

2 Emakhosi 9:37

Sidvumbu saJezebeli siyawuba njengemangcoliso kuleyo ndzawo, esigcawini saseJezreyeli, kangangekutsi kuyawubate loyawuphindze ambone aze atsi: “Lona nguJezebeli.” ’ ”

Jeremiya 49:2

Simakadze utsi: “Kodvwa ayeta emalanga, lapho ngiyakwenta kutsi kuhlatjwe umkhosi, ngimelane neRabha yema-Amoni; iyawuba yindvundvuma yemadzibikelo, netabelo tayo letiyitungeletile tiyawulunyekwa ngemlilo. Israyeli-ke uyawubadvungulula labo labamkhipha ngendlovuyangena,” kusho Simakadze.

Joshuwa 15:56

neJezreyeli, neJokdeyamu, neZanowa,

Joshuwa 17:11

Emkhatsini welaka-Isakhari nelaka-Asheri lakaManase lalineBhethi Shani, neJibleyamu, nesive saseDori, nase-Eni Dori, naseThanaki, naseMegido, ndzawonye kanye nemiti leyayitungelete lawo madolobha.

Joshuwa 17:15

Joshuwa wabaphendvula, watsi: “Nangabe nibanyenti kakhulu, nangabe futsi nalelive letintsaba laka-Efrayimu lilincane kini, yenyukelani ehlatsini nilihhehle lonkhe, khona nitewutitfolela indzawo khona eveni lemaPheresi nelemaRefa.”

Joshuwa 17:17

Kodvwa Joshuwa wakhuluma emndenini waJosefa, kubo-Efrayimu naManase, watsi: “Vele, nibanyenti, kantsi futsi ninemandla. Ningeke nibe nesabelo sinye kuphela,

Joshuwa 17:18

kodvwa ninikwa nalelive letintsaba lelinemahlatsi. Lihhehleni lonkhe lelihlatsi nitsatse yonkhe leyo ndzawo ibe yenu, kuze kuyewufika lapho ligcina khona; nome emaKhenani anetincola tetinsimbi kantsi acinile, kodvwa nine ningawadvungulula niwacitse.”

Joshuwa 19:18

Live laso lalifaka ekhatsi: IJezreyeli, neKhesulothi, neShunemu,

Tikhulu 1:19

Simakadze abenayo imphi yakaJuda. Yadla live letintsaba, kodvwa noko abakhonanga kucosha bantfu bakhona kulawo matsafa, ngobe bantfu bakhona babenetincola tetinsimbi.

Tikhulu 4:13

Sisera wabutsa tincola takhe tensimbi letatingema-900 nawo onkhe emadvodza, esuka eHaroshethi Hagoyimu aze efika emfuleni iKhishoni.

Tikhulu 4:3

Jabini abenetincola tensimbi letatingema-900; wabusa sive sema-Israyeli ngelulaka nangesihluku iminyaka lengema-20. Ema-Israyeli akhala acela lusito kuSimakadze.

Tikhulu 6:33

Kwase kutsi onkhe emaMidiyani, nema-Amaleki, naletinye tive letatingasemphumalanga tahlangana tewelela ngesheya kweJordane, tayawumisa eSigodzini saseJezreyeli.

1 Samuweli 29:1

EmaFilisti abutsa onkhe emabutfo awo awabutsela e-Afeki, kwatsi ema-Israyeli wona abutsana ngasemtfonjeni loseJezreyeli.