Joshuwa 17:15 - Siswati 1996 Bible

¹⁵ Joshuwa wabaphendvula, watsi: “Nangabe nibanyenti kakhulu, nangabe futsi nalelive letintsaba laka-Efrayimu lilincane kini, yenyukelani ehlatsini nilihhehle lonkhe, khona nitewutitfolela indzawo khona eveni lemaPheresi nelemaRefa.”

Joshuwa 17:15 Referencias Cruzadas

Genesisi 13:7

Kwavela kucabana emkhatsini webelusi baka-Abrama nebelusi bakaLoti. Ngaleso sikhatsi emaKhenani nemaPheresi abesahlala kulelo live.

Genesisi 14:5

Ngemnyaka weli-14 weta Khedolawomere nalamanye emakhosi labenawo, balwa behlula emaRefa e-Ashtherothe Khanayimu, nemaZuzi eHhamu, nema-Emi eShave Khiriyathayimu,

Genesisi 15:20

nemaHethi, nemaPheresi, nemaRefa,

2 Samuweli 18:6

Imphi yaphuma yaya esigangeni kuyakulwa nema-Israyeli aka-Absalomu. Leyomphi yayilwelwa ehlatsini laka-Efrayimu.

2 Samuweli 5:18

EmaFilisti abesafike asabalala naso sonkhe leso Sigodzi semaRefa.

2 Samuweli 5:22

Aphindza futsi emaFilisti enyuka asabalala naso sonkhe leso Sigodzi semaRefa.

Ezra 9:1

Emvakwekutsi konkhe loku kwentiwe, baholi beta kimi bafike batsi: “Sive saka-Israyeli kanye nebaphristi nemaLevi, asikatehlukanisi kuletive letibomakhelwane: emaKhenani, nemaHethi, nemaPheresi, nemaJebhusi, nema-Amoni, nemaMowabi, nemaGibhithe kanye nema-Amori letenta lokunengekako.

Eksodusi 33:2

Ngitawutfumela ingilosi yami ihambe embikwenu ngikhiphe emaKhenani, nema-Amori, nemaHethi, nemaPheresi, nemaHivi, nemaJebhusi.

Lukha 12:48

kodvwa sisebenti lesingati kutsi inkhosi yaso ifunani, bese senta lokubi lesifanele sishayelwe kona, siyawujeziswa ngekushaywa kancane. Umuntfu lonikwe lokukhulu, kuyawudzingeka lokukhulu kuye; umuntfu lonikwe lokukhulu kakhulu, kuyawudzingeka lokukhulu kakhulu kuye.”

Joshuwa 17:14

Sive sakaJosefa sakhuluma kuJoshuwa, satsi: “Tsine usisikeleleni sabelo sinye, lekuyindzawo yinye, kutsi kube lifa letfu? Tsine sisive lesinyenti kakhulu, naSimakadze usibusise kakhulu wasenta saba banyenti.”

Joshuwa 17:16

Sive sakaJosefa saphendvula, satsi: “Lelive letintsaba aliseneli, nemaKhenani onkhe lahlala kulelo tsafa anetincola tetinsimbi, bonkhe lababeseBhethi Shani netabelo tayo kanye nalabaseSigodzini saseJezreyeli.”

Tikhulu 17:1

Kwakukhona indvodza lekwakutsiwa nguMikha, libito layo; yayiyaseveni letintsaba kulaka-Efrayimu,