Joshuwa 17:13 - Siswati 1996 Bible

¹³ Noko kwatsi kube ema-Israyeli akhule acine ngemandla, awehlula lamaKhenani, ase ayawacindzetela kutsi awasebentele, kodvwa akazange awakhiphe onkhe.

Joshuwa 17:13 Referencias Cruzadas

Genesisi 49:15

Watsi kube abone kutsi lendzawo yekuphumula yinhle, nekutsi lelive lihle, wase uyagobondzela entela kwetfwala ngelihlombe, waphoceleka kutsi asebente njengesigcili.

2 Samuweli 3:1

Kulwa emkhatsini wendlu yakaSawula neyakaDavide kwachubeka sikhatsi lesidze. Davide wakhula wachubeka kuba nemandla, kantsi indlu yakaSawula yachubeka kuba butsakatsaka.

1 Emakhosi 9:21

lokusho kutsi titukulwane tato letatisasele kulo lonkhe live, lapho ema-Israyeli ehluleka khona kutibhubhisa aticedze, tonkhe-ke leto tive Solomoni watibutsekisa watisebentisa ngekutigcilata, njengobe kusenjalo nalamhla loku.

Kubase-Efesu 6:10

Kwekugcina, cinani eNkhosini nasemandleni ayo lamakhulu.

KubaseFiliphi 4:13

Nginemandla ekwenta konkhe ngaye Khristu longicinisako.

Joshuwa 16:10

Atizange tikhone kuwacosha emaKhenani labehlala eGezeri; nalamuhla loku emaKhenani seloku ahlala ndzawonye nesive saka-Efrayimu, kodvwa asetjentiswa kamatima.

2 yaPhetro 3:18

Kodvwa khulani emseni nasekuyatini iNkhosi neMsindzisi wetfu Jesu Khristu. Ludvumo alube kuye manje kuze kube phakadze. Amen.

Tikhulu 1:28

Kwatsi kube sive sema-Israyeli sandze sibe nemandla, sawacindzetela emaKhenani kutsi asebentele sona, kodvwa sangete sawacosha.

Tikhulu 1:30

Sive sakaZebuloni naso asizange siwacoshe emaKhenani labehlala eKhitroni naseNahaloli emkhatsini waso. Sahlala nawo, kodvwa sawacindzetela kutsi asebentele sona.

Tikhulu 1:33

Sive sakaNaftali naso asizange siwacoshe lawo maKhenani labehlala eBhethi Shemeshi naseBhethi Anathi; kodvwa naso sive sakaNaftali sahlala emkhatsini wetakhamiti letatingemaKhenani alelo live, kwase kutsi lawo labehlala eBhethi Shemeshi naseBhethi Anathi sawacindzetela kutsi asebentele sona.

Tikhulu 1:35

kantsi futsi ema-Amori abetimisele kuhlala eNtsabeni iHeresi, ne-Ayaloni, neShalbimu; kodvwa kwatsi kube emandla esive sakaJosefa akhule, nawo futsi acindzetelwa kutsi asebentele sona.