Joshuwa 13:8 - Siswati 1996 Bible

⁸ Incenye yesive sakaManase, nesive sakaRubeni, nesakaGadi tona tase tisemukele sabelo lesilifa lato kuMosi, watinika live lelingasemphumalanga neJordane njengobe yena, labeyinceku yaSimakadze, abesatabele.

Joshuwa 13:8 Referencias Cruzadas

Numeri 32:19

Singeke semukele lifa kanye naso ngesheya kweJordane, ngobe phela tsine lifa letfu sesilemukele ngalapha ngasemphumalanga kweJordane.”

Dutheronomi 3:8

“Ngako lelive salitsatsa ngaso leso sikhatsi esandleni semakhosi lamabili ema-Amori, ngesheya emphumalanga nemfula iJordane, kusuka eSihosheni sase-Anoni, kuze kuyewufika eNtsabeni iHemoni.”

Joshuwa 12:1

Lawa-ke ngemakhosi elive lancotjwa ngema-Israyeli nelive lawo lelalingasemphumalanga neJordane alidla, kusukela eSihosheni sase-Anoni kuya eNtsabeni iHemoni, kanye nayo yonkhe i-Arabha kuye ngasemphumalanga kwayo:

Joshuwa 12:6

BoMosi, inceku yaSimakadze, kanye nema-Israyeli bawancoba lawo makhosi lamabili. Mosi, inceku yaSimakadze, live walinika sive sakaRubeni, nesakaGadi kanye nencenye yesive sakaManase kutsi kube sabelo sato.

Joshuwa 13:7

Ubolaba kube lifa, ulabele letive letiyimfica nencenye yesive sakaManase.”

Joshuwa 13:9

Live labo lalisuka e-Aroyeri emngcengcemeni weMsaho wase-Anoni, nasedolobheni lelisemkhatsini weMsaho, lalifaka sonkhe sibebesi semmango waseMedeba kuze kuyewufika eDiboni,

Joshuwa 22:4

Manje Simakadze Nkulunkulu wenu sewunike labanakenu kuphumula, njengobe etsembisa, ncandzekani nibuyele emakhaya enu eveni lenabelwa lona nguMosi, inceku yaSimakadze, ngesheya kweJordane.

Joshuwa 4:12

Emadvodza esive sakaRubeni nesakaGadi nencenye yesive sakaManase akhuphuka nawo ahlomile ahamba embikwesive sonkhe sema-Israyeli, njengobe Mosi abebalayele.

1 Samuweli 13:7

Lamanye emaHebheru adzimate ewela nemfula iJordane aya eveni lakaGadi nelakaGileyadi. Sawula wahlala khona eGilgali kanye nemabutfo akhe onkhe labemlandzela, atfutfumela ngenca yekwesaba.