Joshuwa 12:2 - Siswati 1996 Bible

² Sihoni, inkhosi yema-Amori, labebusa eHeshboni. Abebusa kusukela e-Aroyeri emngcengcemeni weMsaho wase-Anoni, kusukela ekhatsi nawo, kuye eMfuleni iJabhoki, lekungumncele wema-Amoni. Lelive lalifaka ekhatsi incenye yelive lakaGileyadi.

Joshuwa 12:2 Referencias Cruzadas

Genesisi 32:22

Ngabona lobo busuku Jakobe wavuka watsatsa bafati bakhe bobabili, netincekukati takhe letimbili, nebantfwabakhe labalishumi namunye, wabeweta etubukweni lemfula iJabhoki.

1 Tikhronike 5:8

naBela, umsa wa-Azazi, umsa waShema, umsa waJoweli. Bebakhe kusukela e-Aroyeri kuya eNebo naseBhali Meyoni.

Nehemiya 9:22

“Wabapha imibuso netive, wababela ngisho nemave lakhashane asemikhawulweni. Badla live laSihoni, inkhosi yaseHeshboni, nelive laka-Ogi, inkhosi yaseBhashani.

Tihlabelelo 135:11

Wabulala Sihoni, inkhosi yema-Amori. Wabulala Ogi, inkhosi yaseBhashani, kanye nawo onkhe emakhosi aseKhenani.

Jeremiya 48:19

Manini emigwacweni nibukele, nine lenihlala e-Aroyeri. Butani kulamadvodza lasubatsako nakulabafati lababalekako nitsi: ‘Kwenteke njani?’

Dutheronomi 1:4

Loko wakwenta emvakwekuba asehlule Sihoni, inkhosi yema-Amori, leyayibusa eHeshboni. Emphini yase-Edreyi abehlule Ogi, inkhosi yaseBhashani, leyayibusa e-Ashtarothe.

Tikhulu 11:13

Inkhosi yema-Amoni yaphendvula letigijimi takaJeftha yatsi: “Kwatsi ema-Israyeli nakaphuma eGibhithe, efika lapha atsatsa live lami, kusukela e-Anoni kuze kuyewufika eJabhoki naseJordane. Manje-ke libuyiseni ngekuthula.”

Tikhulu 11:22

Alidla lonkhe lelo live, kusukela e-Anoni kuye eJabhoki; nekusuka ehlane kuye emfuleni iJordane.