Joshuwa 11:8 - Siswati 1996 Bible

⁸ Simakadze wabaniketela esandleni sema-Israyeli. Ema-Israyeli abehlula abacosha, aze abashonisa eSidoni Lenkhulu, naseMisrefothi Mayimu, naseSihosheni saseMispa ngasemphumalanga, kwaze kwabate nome munye lowaphunyula.

Joshuwa 11:8 Referencias Cruzadas

Genesisi 10:15

Khenani watubula ngaSidoni, welamisa ngaHethi,

Genesisi 49:13

“Zebuloni uyakwakha elusentseni lwelwandle; lusentse lwakakhe luyawuba sikhumulo semikhumbi, umnyele wakakhe ubeseSidoni.

2 Samuweli 24:6

Baya nakaGileyadi, nasesifundzeni saseThathimu Hodishi bachubekela kaDani Jani, bajika base bacondza eSidoni.

Isaya 23:4

Bani nemahloni, wena Sidoni, bani nemahloni, nawe nqaba yaselwandle, ngobe lwandle selukhulumile lwatsi: “Angikaze ngibe nemhelo, kantsi futsi angikaze ngitale umntfwana. Angizange ngikhulise emadvodzana, nemadvodzakati futsi angizange ngiwakhulise.”

Zakhariya 9:2

nasetikweHamathi futsi lengumnyele wabo, nasetikweThire kanye neSidoni, nome bona bahlakaniphe kakhulu.

Dutheronomi 7:2

Simakadze Nkulunkulu wenu letive utawutsi angatinikela etandleni tenu, nitehlule, niboticedza tiphele nya. Ningenti sivumelwane nato, ningabi namusa kuto.

Dutheronomi 9:3

Kodvwa banini nesiciniseko lamuhla kutsi Simakadze Nkulunkulu wenu nguye lohamba embikwenu njengemlilo locotfulako. Utababhubhisa, abehlule embikwenu nibuka. Nitawubakhipha nibacedze ngekushesha, njengobe Simakadze anetsembisa.

Joshuwa 10:20

Ngako Joshuwa nema-Israyeli ababulala abacedza, kwacishe kwangete kwasala muntfu, kodvwa labo labambalwa labasala babalekela emadolobheni abo latinqaba.

Joshuwa 11:3

Watfumela nakumaKhenani emphumalanga nasenshonalanga, kuma-Amori, nakumaHethi, nakumaPheresi, nakumaJebhusi eveni letintsaba, nakumaHivi ngaphansi kweHemoni esifundzeni saseMispa.

Joshuwa 11:7

Ngako Joshuwa nemphi yakhe yonkhe wabahlasela masinyane ngaseMantini aseMeromu,

Joshuwa 13:6

“Tonkhe takhamiti tetifundza tetintsaba kusuka eLebanoni kuye eMisrefothi Mayimu, lokusho kutsi, onkhe emaSidoni, mine matfupha ngitatikhipha embikwema-Israyeli. Wena-ke lelive ubolabela ema-Israyeli ngenkatho, libe live lawo njengobe ngikuyalile.

Joshuwa 19:28

Wawuhamba ucondze e-Abdoni, naseRehobu, naseHamoni, naseKhana, uze ufike eSidoni Lenkhulu.

Joshuwa 21:44

Simakadze wawapha kuphumula kulelo live, kwaya njengobe abefungile kubokhokho bawo. Kute nome sinye sitsa sawo lesakhona kumelana nawo, ngobe Simakadze tonkhe leto titsa tawo watinikela etandleni tawo.