Joshuwa 11:3 - Siswati 1996 Bible

³ Watfumela nakumaKhenani emphumalanga nasenshonalanga, kuma-Amori, nakumaHethi, nakumaPheresi, nakumaJebhusi eveni letintsaba, nakumaHivi ngaphansi kweHemoni esifundzeni saseMispa.

Joshuwa 11:3 Referencias Cruzadas

Genesisi 31:49

Lelinye libito laso watsi yiMispa, ngobe abetsi: “Shangatsi Simakadze angasigcina sobabili nome sesehlukene.

2 Samuweli 24:16

Kwatsi nje ingilosi yaSimakadze nayelula sandla sayo seyitawubhubhisa iJerusalema, Simakadze wadzabuka, nakabona lobusacasaca bekufa kwesive sakhe, wase ukhuluma kulengilosi yakhe leyayibulala labantfu, watsi: “Sekwenele! Susa sandla sakho!” Ngaleso sikhatsi lengilosi yaSimakadze yase ime ebaleni lekubhulela kolo laka-Arawuna, umJebhusi.

2 Samuweli 24:7

Base baya ngasenqabeni yaseThire nakuwo onkhe emadolobha emaHivi, newemaKhenani. Ekugcineni base baya eBherisheba, eningizimu nelive lakaJuda.

1 Emakhosi 15:22

Inkhosi Asa yase ikhipha satiso kulo lonkhe lakaJuda, wababutsa bonkhe, kwabate ngisho namunye lowasala; bonkhe batfutsa ematje eRama, netingodvo letatisetjentiswa nguBhasha lapho. Inkhosi Asa yakha ngako iGeba kulakaBhenjamini neMispa.

1 Emakhosi 9:20

Bonkhe bantfu lababesele kuma-Amori, nakumaHethi, nakumaPheresi, nakumaHivi, nakumaJebhusi, lababengesiwo ema-Israyeli,

Tihlabelelo 133:3

Kufana nematolo eNtsaba iHemoni, nakehlela eNtsabeni iSiyoni. Kulapho-ke lapho Simakadze ehlisela khona tibusiso takhe, yebo, nekuphila, kuze kube phakadze.

Tihlabelelo 89:12

Inyakatfo neningizimu kwadalwa nguwe. Intsaba iThabhori nentsaba iHemoni kudvumisa libito lakho ngenjabulo.

Ingoma Yetingoma 4:8

Wota nami sisuke eLebanoni, makoti wami, wota sambe nawe lapha eLebanoni. Yehla esicongweni sase-Amana, esicongweni saseSeniri, ingcongwane yeHemoni, sisuke emhumeni wemabhubesi, nakuso sidleke sekudlalela tingwe.

Jeremiya 40:10

Mine-ke ngitawuhlala eMispa kutsi ngitewumelela nine kumaBhabhulona labeta lapha kitsi; kodvwa nine nitawuvuna liwayini, netitselo tasehlobo kanye nemafutsa, nikufake etitjeni tenu tekulondvolota, nihlale kulamadolobha leseniwatsetse.”

Jeremiya 40:6

Ngako Jeremiya wahamba waya kaGedaliya, umsa wa-Ahikamu, eMispa, wahlala naye asemkhatsini webantfu lababesele eveni.

Jeremiya 41:14

Bonkhe lababetfunjwe ngu-Ishmayeli eMispa bancandzeka baya kuJohanani, umsa waKhareya.

Jeremiya 41:3

Ishmayeli wachubeka wabulala onkhe emaJuda labenaGedaliya eMispa kanye nemadvodza emphi yemaBhabhulona labelapho.

Numeri 13:29

Ema-Amaleki ahlala eningizimu nelive; emaHethi, nemaJebhusi, nema-Amori wona ahlala eveni letintsaba, emaKhenani ahlala ngaselwandle, nangasemfuleni iJordane.”

Dutheronomi 4:48

Lelive lalisuka e-Aroyeri emngcengcemeni weSihosha sase-Anoni, lize liyewufika eNtsabeni iSiyoni, leyo yiHemoni,

Dutheronomi 7:1

“Simakadze Nkulunkulu wenu utaningenisa eveni lenitawuhlala kulo libe lenu. Utawucosha embikwenu letive letinyenti letikulo: emaHethi, nemaGirigashi, nema-Amori, nemaKhenani, nemaPheresi, nemaHivi, nemaJebhusi, tive letisikhombisa letinkhulu naletinemandla kunani.

Joshuwa 11:17

kusuka eNtsabeni iHalaki, levele ngaseSeyiri, kuya eBhali Gadi eSihosheni saseLebanoni, ngaphansi kweNtsaba iHemoni. Watfumba onkhe emakhosi, wawahlasela, wawabulala.

Joshuwa 11:8

Simakadze wabaniketela esandleni sema-Israyeli. Ema-Israyeli abehlula abacosha, aze abashonisa eSidoni Lenkhulu, naseMisrefothi Mayimu, naseSihosheni saseMispa ngasemphumalanga, kwaze kwabate nome munye lowaphunyula.

Joshuwa 13:11

Laliphindze lifake ekhatsi iGileyadi, nelive lesive sakaGeshuri nesakaMakha, nayo yonkhe iNtsaba iHemoni, nalo lonkhe laseBhashani, kuze kuyewufika eSalekha;

Joshuwa 13:5

nelive lemaGebali; nayo yonkhe iLebanoni ngasemphumalanga, kusukela eBhali Gadi, ngaphansi kweNtsaba iHemoni, kuye eLebo Hamathi.

Joshuwa 15:38

neDileyani, neMispa, neJokthiyeli,

Joshuwa 15:63

Juda akazange akhone kuwacosha emaJebhusi labehlala eJerusalema; nalamuhla loku emaJebhusi seloku ahlala ndzawonye nesive sakaJuda.

Joshuwa 18:26

neMispa, neKhefira, neMosa,

Joshuwa 3:10

Joshuwa wachubeka watsi: “Nitakwati kanjena-ke kutsi Nkulunkulu lophilako usemkhatsini wenu nekutsi nakanjani utawucosha tive letinyenti embikwenu: emaKhenani, nemaHethi, nemaHivi, nemaPheresi, nemaGirigashi, nema-Amori kanye nemaJebhusi.

Tikhulu 20:1

Ngako sonkhe sive sema-Israyeli kusukela kaDani kuze kuyewufika eBherisheba, nekusukela kulakaGileyadi babophana baba ngumuntfu munye, bashulungana bayawubutsana eMispa embikwaSimakadze.

Tikhulu 21:5

Baka-Israyeli babuta batsi: “Ngubani emkhatsini wato tonkhe tive taka-Israyeli longazange aye kuyawuhlangana embikwaSimakadze?” Phela bebafunge bagomela kutsi lowo longazange ete emhlanganweni embikwaSimakadze eMispa uyawubulawa nome kanjani.

Tikhulu 21:8

Ngako base bayabuta batsi: “Ngusiphi sive, etiveni tema-Israyeli, lesingazange site emhlanganweni embikwaSimakadze eMispa?” Bakhandza kutsi bekute ngisho namunye lophuma eJabeshi Gileyadi labetile enkambu kulowo mhlangano.

Tikhulu 3:3

kwakunguletive: emakhosi lasihlanu emaFilisti, nawo onkhe emaKhenani, nemaSidoni, nemaHivi labehlala etintsabeni taseLebanoni, kusukela eNtsabeni iBhali Hemoni kuze kuyewufika eLebo Hamathi.

Tikhulu 3:5

Ema-Israyeli abehlala emkhatsini wemaKhenani, nemaHethi, nema-Amori, nemaPheresi, nemaHivi, nemaJebhusi.

1 Samuweli 10:17

Samuweli wabita sive sema-Israyeli kutsi site kuSimakadze eMispa.