Joshuwa 10:37 - Siswati 1996 Bible

³⁷ Bahlasela lelidolobha, balingenela balicedza ngelusiko lwenkemba, lona kanye nenkhosi yalo, nemiti yalo nabo bonkhe lababekulo. Kwabate ngisho namunye umuntfu lowaphunyula kulo njengase-Egloni, balibhubhisa nako konkhe kwalo.

Joshuwa 10:37 Referencias Cruzadas

Eksodusi 17:13

Joshuwa wancoba; wawashaya wawabhuca ngenkemba ema-Amaleki.

Joshuwa 10:28

Ngalelo langa Joshuwa wahlasela wadla iMakheda. Wahlasela lidolobha layo nenkhosi yakhona; wabagwaza bonkhe, kwabate namunye lowaphunyula. Washiya kute muntfu. Wenta enkhosini yaseMakheda njengobe enta enkhosini yaseJerikho.

Joshuwa 10:35

I-Egloni bayincoba ngalona lelo langa bayicedza ngelusiko lwenkemba; boJoshuwa babulala bonkhe lababekulo lelo dolobha njengobe babentile naseLakhishi.

Joshuwa 10:36

Joshuwa kanye nayo yonkhe imphi yakhe wesuka e-Egloni wachubekela eHebroni wayakuyihlasela.

Joshuwa 10:38

Joshuwa kanye nawo onkhe ema-Israyeli bagucukela eDebiri, balihlasela nalo.

Joshuwa 10:39

Badla lelidolobha, batfumba inkhosi yalo nemiti yalo, bonkhe labo bantfu babagwaza, bafa. Babulala bonkhe lababekulelo dolobha bangete bashiya lutfo. Benta eDebiri nasenkhosini yayo njengobe benta kubaseLibna nasenkhosini yayo kanye naseHebroni.

Joshuwa 10:40

Ngako Joshuwa wasincoba sonkhe leso sifundza, ngisho nelive letintsaba imbala, nelaseNegevu, lekuyiningizimu yelive, nematsafa langasenshonalanga, nemacele etintsaba kanye nawo onkhe emakhosi akhona. Kwabate ngisho namunye lowasindza. Wabhubhisa bonkhe bantfu bakuleto tindzawo, njengobe Simakadze Nkulunkulu wema-Israyeli abeshito.

Joshuwa 11:12

Joshuwa wawadla onkhe lamadolobha alawo makhosi, nemakhosi awo wawacedza ngelusiko lwenkemba. Wawabhubhisa onkhe, njengobe Mosi, inceku yaNkulunkulu, abemyalile.