Joshuwa 1:17 - Siswati 1996 Bible

¹⁷ Njengobe naMosi sasimlalela ngalokuphelele, nawe sitakulalela sikuhloniphe. Kuphela nje, Simakadze Nkulunkulu wakho akabe nawe, njengaloku abenaye naMosi.

Joshuwa 1:17 Referencias Cruzadas

2 Samuweli 14:17

“Manje-ke incekukati yakho itsi: ‘Shangatsi emavi enkhosi yami, inkhosi, angangiletsela kuphumula, ngobe phela inkhosi yami ifanana nengilosi yaNkulunkulu ekwehlukaniseni lokuhle kulokubi. Shangatsi Simakadze Nkulunkulu wakho angaba nawe.’ ”

1 Emakhosi 1:37

Njengobe Simakadze abenenkhosi yami, shangatsi angaba naye naSolomoni, khona atekwenta sihlalo sakhe sebukhosi sibe sikhulu kakhulu kunesihlalo sebukhosi senkhosi yami, inkhosi Davide!”

1 Tikhronike 28:20

Davide waphindze wakhuluma kuSolomoni, indvodzana yakhe, watsi: “Cina, ube nesibindzi, wente lomsebenti. Ungesabi, futsi ungapheli emandla, ngobe Simakadze Nkulunkulu, longuNkulunkulu wami, unawe. Angeke akujabhise, futsi angeke akulahle, kuze kuphele wonkhe umsebenti wekukhonta ethempelini laSimakadze.

Tihlabelelo 20:1

Shangatsi Simakadze angakuphendvula, ngelilanga lekuhlupheka! Shangatsi libito laNkulunkulu waJakobe lingaba siphephelo sakho!

Tihlabelelo 20:4

Akakuphe njengekufisa kwenhlitiyo yakho, afeze tonkhe tinhloso takho.

Tihlabelelo 20:9

Yebo, Simakadze, sindzisa inkhosi, uyiphe kuncoba. Shangatsi Simakadze angasiphendvula, nasikhala kuye.

Numeri 27:18

Ngako-ke Simakadze wakhuluma kuMosi, watsi: “Tsatsa Joshuwa, umsa waNuni, indvodza lenaMoya, umbeke sandla.

Numeri 27:20

Mnike lamanye emagunya nemandla akho, kuze sive sonkhe sema-Israyeli sitawumlalela simhloniphe.

Matewu 21:9

Leticumbi letatihamba embikwakhe naletatimlandzela tatimemeta titsi: “Hosana kuyo iNdvodzana yaDavide! Ubusisiwe lotako egameni leNkhosi! Hosana kulelisetulu kakhulu!”

Dutheronomi 34:9

Joshuwa, umsa waNuni, abesagcwaliswe ngaMoya wekuhlakanipha, ngobe Mosi abeke wabeka tandla takhe etikwakhe. Ngako-ke sive sema-Israyeli samlalela senta loko Simakadze labeyale Mosi kutsi sikwente.

Joshuwa 1:16

Baphendvula Joshuwa, batsi: “Konkhe losiyale ngako kutsi sikwente, sitakwenta, kantsi nome kukuphi lapho usitfuma khona sitakuya.

Joshuwa 1:18

Nome ngabe ngubani loyawumelana nemavi akho, nome umyale kutsi enteni, nangabe uyala kukulalela, uyawubulawa. Kuphela nje, cina ume sibindzi!”

Joshuwa 1:5

Kute namunye loyawukhona kumelana nawe, tonkhe tinsuku tekuphila kwakho. Ngiyakuba nawe, njengobe nganginaye naMosi. Ngingeke ngikushiye, futsi ngingeke ngikulahle.

Joshuwa 1:9

Angikakuyali yini? Cina ube nesibindzi. Ungetfuki, futsi ungaphelelwa ngemandla, ngobe Simakadze Nkulunkulu wakho uyakuba nawe nome ngukuphi lapho uya khona.”

Joshuwa 4:14

Ngalelo langa Simakadze waphakamisa Joshuwa embikwaso sonkhe sive sema-Israyeli, sive samhlonipha Joshuwa imphilo yakhe yonkhe, njengobe sasimhlonipha naMosi.

1 Samuweli 17:37

LoSimakadze lowangephula esidladleni selibhubesi nasesidladleni selibhele utangikhulula nasesandleni salomFilisti.” Sawula wakhuluma kuDavide, watsi: “Hamba, shangatsi Simakadze angaba nawe.”

1 Samuweli 20:13

Kodvwa nangabe babe afuna kukulimata, shangatsi Simakadze angangijezisa ngekungibulala, nangabe ngingakakwatisi bese ngiyakukhulula kutsi uhambe uphephile. Shangatsi Simakadze angaba nawe, njengobe abenababe.