Joshuwa 1:14 - Siswati 1996 Bible

¹⁴ Bafati benu nebantfwabenu, netifuyo tenu kungahlala kulelive Mosi laninika lona ngasemphumalanga kweJordane, kodvwa nine nonkhe madvodza emphi lenihlomile, kufanele newele iJordane embikwebanakenu. Kufanele nibasite banakenu,

Joshuwa 1:14 Referencias Cruzadas

Eksodusi 13:18

Esikhundleni saloko, Nkulunkulu sive sema-Israyeli wasihola ngendlela lendze lejika ehlane lelingaseLwandle Lolubovu, sive sema-Israyeli saphuma eGibhithe sihleleke njengemphi.

Numeri 32:26

Bantfwabetfu, nebafati betfu, nemihlambi yetifuyo tetfu kutawusala kulamadolobha aleli lakaGileyadi.

Dutheronomi 20:8

“Baholi batawuchubeka bakhulume, batsi: ‘Kukhona yini indvodza leyesabako nome lenebugwala? Leyo ayincandzeke ibuyele ekhaya, khona bomnakabo bangetiwungenelwa bugwala nabo.’

Dutheronomi 3:19

Kodvwa bafati benu, nebantfwabenu, netifuyo tenu – njengobe ngiyati kutsi ninetifuyo letinyenti – kutawusala kulamadolobha lenginiphe wona,

Dutheronomi 33:21

Watikhetsela live lelihle kakhulu, ngobe sabelo semholi sasigciniwe. Yena weta kubaholi besive, yebo, akanye nebaholi baka-Israyeli, wafeza kulunga kwaSimakadze kanye netimiso taSimakadze.”

Joshuwa 1:13

“Khumbulani umyalo waMosi, inceku yaSimakadze, laninika wona watsi: ‘Simakadze Nkulunkulu wenu sewuniphile lelive kutsi libe yindzawo yenu yekuphumula.’

Joshuwa 1:15

adzimate Simakadze abaphe kuphumula nabo, njengobe aniphile nani, baze balidle lelive Simakadze Nkulunkulu wenu labapha lona. Emvakwaloko-ke nine seningancandzeka nibuyele eveni lelisabelo senu, ngesheya kweJordane, kubheka ngasemphumalanga, live lenalinikwa nguMosi, inceku yaSimakadze.”

Joshuwa 4:12

Emadvodza esive sakaRubeni nesakaGadi nencenye yesive sakaManase akhuphuka nawo ahlomile ahamba embikwesive sonkhe sema-Israyeli, njengobe Mosi abebalayele.

Sembulo 17:4

Lomfati bekagcoke ingubo lebukhwebeletane nalebovu, abembeswe ngemihlobiso yegolide, nangematje laligugu, nangemapharele. Esandleni sakhe abephetse indzebe yegolide igcwele emanyala nekungcola kwebugwadla bakhe.