Jona 4:6 - Siswati 1996 Bible

⁶ Simakadze Nkulunkulu wamilisa umhlafutfo, wawukhulisa etikwaJona kutsi umentele umtfunti, kuze kuphele kutfukutsela kwakhe; Jona wamjabulisa lomhlafutfo.

Jona 4:6 Referencias Cruzadas

Esta 5:9

Hamani waphuma kulelo dzili ativa amnandzi, ajabule kakhulu. Kodvwa watsi nakabona Modekhayi emphundvwini, wambona kutsi akamkhotsameli futsi akakhombisi nakancane nje kumhlonipha ngesikhatsi endlula, Hamani watfukutsela watselwa ngemanti.

Jobe 7:2

Njengesigcili silangatelela ematfunti asentsambama, nanjengemuntfu locashiwe lolindzela ngekulangatelela umholo wakhe,

Taga 23:5

Bunjinga buyawunyamalala emehlweni akho ububuka; buyawushesha bundize njengelusweti.

Isaya 39:2

Hezekiya watemukela ngekujabula letitfunywa, watikhombisa loko lokwakusetindlini takhe tengcebo, lekwakuyisiliva, negolide, netinongo tekudla, nemafutsa lamahle, nato tonkhe tikhali takhe tekulwa, nako konkhe lokwakungatfolakala endlini yakhe yengcebo. Kwabate ngisho nakunye lokwakusesigodlweni sakhe nalokwakusembusweni wakhe wonkhe lokwasala wangete watikhombisa kona.

Amose 6:13

nine lenijabulela kwehlulwa kweLo Dabari bese nitsi: “Asiyitsatsanga yini iKhanayimu ngemandla etfu?”

Jona 1:17

Simakadze wahlinzeka Jona ngenhlanti lenkhulu, leyafike yammita. Jona wahlala esiswini sayo emalanga lamatsatfu nebusuku lobutsatfu.

Jona 4:5

Jona waphuma kulelidolobha wayawuhlala ngasemphumalanga yalo, watentela lidlangala lapho. Wahlala emtfuntini ngaphansi kwalo, kute atewubona lokwase kutakwenteka kulelidolobha laseNineve.

Jona 4:7

Ngakusasa nakudzabuka kusa, Nkulunkulu walungisa imphehla, yawuphehla lomhlafutfo, wabuna.

Lukha 10:20

Ningajabuli ngobe imimoya lemibi initfobela; kodvwa jabulani kutsi emabito enu abhaliwe ezulwini.”

1 kubaseKorinthe 7:30

nalabakhalako babe njengalabangakhali, nalabatfokotako babe njengalabangatfokoti, nalabatsengako babe njengalabangenalutfo,