Jona 4:2 - Siswati 1996 Bible

² Wathandaza kuSimakadze watsi: “Awu, Simakadze! Akusiko yini loku lengakusho ngiseseveni lakitsi kutsi kutakwenteka? Ngiko ngabaleka ngaya eThashishi; ngobe ngangati kutsi wena unguNkulunkulu lonemusa nesihawu, uyephuta kutfukutsela, unelutsandvo loluphuphumako, uyatisola ngekutfumela lokubi.

Jona 4:2 Referencias Cruzadas

1 Emakhosi 19:4

yena wachubeka wahamba luhambo lolwamtsatsa lilanga lonkhe, aya ekhatsi ehlane. Wefika wahlala ngaphansi kwesihlahla semtsanyelo, wathandazela kutsi asale asafela khona lapho. Wathandaza watsi: “Simakadze, sekwenele, sale utsatsa kuphila kwami; kute lengincono ngakho kunabokhokho bami.”

Tihlabelelo 103:8

Simakadze unemusa nesihawu, uyephuta kutfukutsela, andze ngemusa.

Tihlabelelo 145:8

Simakadze unemusa nesihawu, uyephuta kutfukutsela, andze ngemusa.

Tihlabelelo 78:38

Kodvwa yena waba nesihawu, watisibekela tono tabo, akazange ababhubhise abacedze. Kanyenti watibamba ekutfukutseleni kwakhe, akaluvusanga lonkhe lulaka lwakhe.

Tihlabelelo 86:15

Kodvwa wena, Simakadze, unguNkulunkulu lonesihawu, nebubele, nekubeketela, uphuphuma umusa nekwetsembeka.

Tihlabelelo 86:5

Ngobe wena, Nkhosi, ulungile futsi ulungele kutsetselela, umusa wakho uyabaphuphumela labo labakhala kuwe.

Tihlabelelo 90:13

Buya, Simakadze! Kuyawudzimate kube ngunini solomane usifulatsela? Hawukela tinceku takho.

Eksodusi 32:14

Ngako Simakadze wagucula umcondvo wakhe, wangabe asababhubhisa bantfu bakhe.

Jeremiya 18:8

nangabe futsi leso sive lengisecwayisile siphendvuka ebubini baso, ngiyawube sengiyasiyekela, ngingabe ngisasehlisela leso sehlakalo lebesengisilungisele sona.

Jeremiya 20:7

Awu Simakadze, wangiyenga, nami ngayengeka, wangehlula ngemandla, waphumelela. Nyalo sengiyinhlekisa kubantfu lonkhe lilanga, bonkhe bantfu bayangiphukuta.

Jeremiya 26:13

Manje-ke, guculani tindlela tenu tekuphila netento tenu nilalele Simakadze Nkulunkulu wenu. Simakadze-ke utawube sewuyagucuka angabe asanehlisela lenhlekelele labesayishito kini.

Jeremiya 42:10

‘Nanihlala kulelive, ngitawunakha nginganibhidliti; ngiyawunihlanyela nginganizuphuni, ngobe ngidzabuke kabi ngalenhlekelele lengiyehlisele etikwenu.

Amose 7:3

Simakadze wase uyayekela, watsi: “Loko kungeke kusenteka.”

Amose 7:6

Ngako Simakadze wase uyayekela, watsi: “Naloku kungeke kusenteka nako.”

Jona 1:3

Kepha Jona wesuka wacondza eThashishi. Wehlela eJopha, lapho afike wakhokha imali yekwekhwela, wagibela umkhumbi, waya eThashishi, abalekela Simakadze.

Jona 3:10

Watsi kube Nkulunkulu abone loko labasebakwentile, kutsi batishiye tindlela tabo letimbi, watisola ngalokubi labeshito kutsi utabehlisela kona. Akazange abajezise.

Jona 3:9

Ngobe ngubani nje lowatiko, mhlawumbe Nkulunkulu angatisola ayiyekele lentfukutselo yakhe leyesabekako, kuze singabhubhi?’ ”

Mikha 7:18

Kute nkulunkulu lofana nawe, Simakadze; wena utsetselela tono tensali yakho lesele ekubhujisweni. Awuhlali utfukutsele siphelane, kodvwa ujabulela kusikhombisa umusa wakho.

Lukha 10:29

Kepha sati semtsetfo sifuna kutitsetselela, sabuta satsi: “Ngubani makhelwane wami?”

Dutheronomi 4:31

Ngobe Simakadze, Nkulunkulu wenu, unguNkulunkulu lonemusa, angeke anishiye nome anibhubhise nome akhohlwe sivumelwane sakhe lasenta naboyihlomkhulu, lasicinisa kubo ngesifungo.