Jona 3:9 - Siswati 1996 Bible

⁹ Ngobe ngubani nje lowatiko, mhlawumbe Nkulunkulu angatisola ayiyekele lentfukutselo yakhe leyesabekako, kuze singabhubhi?’ ”

Jona 3:9 Referencias Cruzadas

2 Samuweli 12:22

Watiphendvula watsi: “Ngesikhatsi lomntfwana asaphila, ngazila ngakhala. Ngangicabanga ngitsi: ‘Ngubani lowatiko? Mhlawumbe Simakadze angahle abe nemusa kimi aphilise lomntfwana.’

Tihlabelelo 106:45

Wabevela, wasikhumbula sivumelwane sakhe, ngenca yemusa wakhe lomkhulu wabuye wabahawukela.

Tihlabelelo 85:3

Waluyekela lulaka lwakho, wabhodla ekutfukutseleni kwakho lokumatima.

Tihlabelelo 90:13

Buya, Simakadze! Kuyawudzimate kube ngunini solomane usifulatsela? Hawukela tinceku takho.

Jeremiya 26:13

Manje-ke, guculani tindlela tenu tekuphila netento tenu nilalele Simakadze Nkulunkulu wenu. Simakadze-ke utawube sewuyagucuka angabe asanehlisela lenhlekelele labesayishito kini.

Danyela 4:27

Ngako-ke, wena waphakathi, asemukeleke kuwe leseluleko sami: Yekela tono takho, wente lokulungile, uyekele nekukhohlakala kwakho, ngekutsi ube nemusa kulabo labacindzetelwe. Kungenteka kutsi kuchubeka kahle kwakho nekuphumelela kwakho kuchubekele embili.”

Amose 5:15

Tondzani lokubi nitsandze lokulungile, etinkhundleni yehlulelani ngekungakhetsi. Mhlawumbe Simakadze Nkulunkulu longuSomandla angaba nesihawu kuyo insali yakaJosefa.

Jona 1:15

Ngako-ke base batsatsa Jona, bamjikijela elwandle, lwase luyathula lutsi nya.

Jona 1:6

Indvuna yemkhumbi yakhandzanisa Jona alele, yafike yatsi: “Wentani la? Uleleleni? Vuka uthandaze kuNkulunkulu wakho! Mhlawumbe yena utasivela asisindzise singabhubhi!”

Jona 4:2

Wathandaza kuSimakadze watsi: “Awu, Simakadze! Akusiko yini loku lengakusho ngiseseveni lakitsi kutsi kutakwenteka? Ngiko ngabaleka ngaya eThashishi; ngobe ngangati kutsi wena unguNkulunkulu lonemusa nesihawu, uyephuta kutfukutsela, unelutsandvo loluphuphumako, uyatisola ngekutfumela lokubi.

Zefaniya 2:3

Funani Simakadze, nonkhe nine lenitfobekile belive, nine lenenta loko latsi kwenteni. Funani kulunga, nifune kutfobeka, mhlawumbe ningahle nivikeleke ngelilanga lentfukutselo yaSimakadze.

1 Samuweli 6:5

Bumbani imifanekiso yematfumba enu neyemagundvwane lekungatsi abhubhise lelive, nimnike ludvumo Nkulunkulu wema-Israyeli. Mhlawumbe uyakusiphakamisa sandla sakhe lesimatima etikwenu, nasetikwabonkulunkulu benu, nasetikwelive lenu.